পাৱর মন্ত্রালয়গী মখাদা পি.এস.য়ু. ওইনা লৈবা  অমসুং ভারতকী খ্বাইদগী চাউবা পাৱর স্তেসন অমসু ওইরিবা এন.তি.পি.সি. লিমিতেদনা মে ৯, ২০২০দা মখোইগী পাৱর স্তেসন অহুমদা প্লান্ত লোদ ফেক্তর (পি.এল.এফ.) চাদা ১০০ ফংবা ঙমখ্রে। মধ্য প্রদেশকী এন.তি.পি.সি. বিন্ধ্যাচল (৪৭৬০ এম.দবল্যু.), ওরিশাগী এন.তি.পি.সি. তালচের কনিহা (৩০০০ এম.দবল্যু.) অমসুং ছতিসগরগী এন.তি.পি.সি. সিপৎ (২৯৮০ এম.দবল্যু.)না পি.এল.এফ. চাদা ১০০ ফংবা ঙমদুনা কোবিদ-১৯ লাইচৎকী লোকদাউন লৈজরবসু থবক নীংথিনা তৌবা ঙম্বগী মতিক অমসুং লৈজরিবশিং নীংথিনা শিজিন্নবা ঙম্বগী মতিকসু উৎখি।

মসিগা চপ মান্ননা হিমাচল প্রদেশ্তা লৈবা এন.তি.পি.সি. কোলদমসু শেনবা চহী ২০-২১গী খ্বাইদগী ফবা হাইদ্রোপাৱর স্তেসন অমা ওইরক্লি। লৈবাক অসিগী খ্বাইদগী চাউবা পাৱর স্তেসন, এন.তি.পি.সি. বিন্ধ্যাচলসু মমাংদা, ২০২০গী এপ্রিল ১৩দা, চাদা ১০০ হেনবা পি.এল.এফ. ফংবা ঙমখি।

পাৱর পুথোকপগী মথক্তা এন.তি.পি.সি.না কোবিদ-১৯গী ইরাং অসিগী মনুংদা লৈত-লাইর অমসুং মপান্দগী লাকপা শিন্মীশিংদা রেসন অমসুং হিদাক লাংথক পীদুনা মীয়ামগী ফনবা খোংথাংশিংদা চাউনা মতেং পাংখি। এন.তি.পি.সি.না লৈবাক পুম্বদা লৈরিবা মখোইগী মফমশিং অমসুং পাৱর স্তেসনশিংদা সোসিয়েল দিস্তেন্সিং তৌদুনা কোবিদ-১৯ লান্থেংননবা চৎনরিবা  চৎন-কাংলোং খুদিংমক ইনখি।

এন.তি.পি.সি. গ্রুপকী লৈরিবা অপুনবা এম.দবল্যু. ৬২১১০গী কেপাসিতীগী মনুংদা এন.তি.পি.সি.গী কোয়লাগী ২৪, কম্বাইন্দ সাইকল গ্যাস/লিক্বিদ ফুএলগী ৭, হাইদ্রোগী ১, রিন্যুএবল ১৩গা লোইননা জে.ভি. পাৱর স্তেসন ২৫ লৈদুনা  পাৱর স্তেসন ৭০ লৈ।

****