ঙাকশেল মন্ত্রালয়
ওপরেসন সমুদ্র সেতুগী আই.এন.এস. মগর ভারত মচাশিং লৌথোক্নবগীদমক্তা মালেদা থুংখ্রে
Posted On:
10 MAY 2020 6:26PM by PIB Imphal
মালদিবতা পন্দুনা লৈবা ভারত মচাশিংবু তেক্তা কাইদনা পুরক্নবগীদমক্তা চৎখিবা ইন্দিয়ন নেভিগী ওপরেসন সমুদ্র সেতুগী অনিশুবা নেভেল জহাজ, আই.এন.এস. মগর মে ১০, ২০২০গী অয়ুক্তা মালেগী হিথাংফমদা থুংখ্রে। এল.এস.তি. (এল.)না লেন্দিং ওপরেসনগীদমক্তা শেম শাবা আই.এন.এস. মগরনা মালদিবতা চত্ত্রিঙৈগী মাংওইননা পুরক্কদৌরিবা মীয়ামগী নুংঙাইনবা হায়দুনা মসিগী কোচিদা লৈবা বেজ পোর্ত্তা লৈরিঙৈদা চংদবা য়াদ্রবা লোজিস্তিক, মেদিকেল অমসুং এদমিনিস্ত্রেতিবকী ওইবা শেম শাবশিং লোইখ্রবনি।
জহাজ অসিনা সোসিয়েল দিস্তেন্সিং তৌবা য়াওনা কোবিদ-১৯গী চেকশিন থৌরাং খুদিংমক ইন্দুনা ভারতকী মীওই ২০০ পুদুনা লাক্কনি। চানবা অমসুং মপান থোকফম্নচিংবা তঙাইফদশিং য়াওবা জহাজ অসিগী শরুক অমা লৌথোকউগদবা মীওইশিংগী ওইনা শেম শাখ্রে অমসুং নুপী, অঙাং অমসুং অহল ওইরবশিংগী চাক চাফমসু তোঙান্না পীগনি। চাক চাফম, ইরু লুফম্নচিংবা মফমশিংদা মী কুংদনবা হায়দুনা পুরক্কদৌরিবা মীওইশিংবু কাংলুপ ওইনা খাইদোকপগী চেকশিন থৌরাংসু লৌখৎখ্রে।
মতম অসিমক্তদা মালদিবতগী ভারত মচা ৬৯৮ পুথোরকপা অহানবা জহাজ, আই.এন.এস. জলশ্বা ঙসি অয়ুক কোচী হিথাংফমদা থুংখ্রে।
****
(Release ID: 1622741)
Visitor Counter : 178
Read this release in:
English
,
Urdu
,
Hindi
,
Marathi
,
Bengali
,
Punjabi
,
Odia
,
Tamil
,
Telugu
,
Kannada
,
Malayalam