য়ুমলৈ-কৈরৈ মন্ত্রালয়
স্তেৎ অমসুং য়ু.তি.শিংগী কোবিদ-১৯ মেনেজমেন্তকী ফীভম য়েংশিন্নবা কেবিনেৎ সেক্রেতরীনা স্তেৎ অমসুং য়ু.তি.শিংগী চীফ সেক্রেতরীশিং অমসুং হেল্থ সেক্রেতরীশিংগা লোইননা মীফম পাঙথোকখ্রে
Posted On:
10 MAY 2020 2:51PM by PIB Imphal
ঙসি কেবিনেৎ সেক্রেতরী শ্রী রজীব গৌৱানা স্তেৎ অমসুং য়ু.তি. পুম্নমক্কী চীফ সেক্রেতরীশিং অমসুং হেল্থ সেক্রেতরীশিংগা মখোয়গী স্তেৎশিংগী কোবিদ-১৯ মেনেজমেন্তকী হৌজিক ওইরিবা ফীভমশিং য়েংশিন্নবা ভিদিও কনফরেন্সিংগী খুত্থাঙদা মীফম অমা পাঙথোকখ্রে।
মীফমদুগী খুদোংচাবা লৌরদুনা রেলৱেজনা মাইগ্রেন্ত ৱর্কর লাখ ৩.৫ পুবা শ্রমিক স্পিসিয়েল ত্রেন ৩৫০ হেন্না চেনখ্রে হায়না কেবিনেৎ সেক্রেতরীনা ফোঙদোকখি। মহাক্না অহেনবা শ্রমিক স্পিসিয়েল ত্রেনশিং চেলহনবদা স্তেৎ লৈঙাকশিংনা মতেং পাংনবা ৱাফম থমখি। মপান্দা লৈখিবা ইন্দিয়নশিং বন্দে ভারত মিশনগী মখাদা হল্লক্নবা হোৎনবদা স্তেৎশিংগী মতেংবুসু মহাক্না শিংথাখি।
দোক্তরশিং, নর্সশিং অমসুং পেরামেদিকশিংনা চত্থোক চৎশিন তৌবদা অপনবা অমত্তা লৈহল্লোইদবনি অমসুং কোরোনা লান্থেংনরিবশিং ঙাকথোক্নবা অমদি খুদোংচাবশিং পীননবা ৱাফমসু কেবিনেৎ সেক্রেতরীনা মরুওইনা ফোঙদোকখি।
স্তেৎশিংগী চীফ সেক্রেতরীশিংনা মখোয় মখোয়গী স্তেৎশিংদা হৌজিক ওইরিবা ফীভমশিংগী মতাংদা পাউদমখি অমদি কোবিদতগী ঙাকথোকপা মথৌ তাবগী মথক্তা শেন থুমগী থৌরমশিংসু মওং মরিল নাইনা তপ্না তপ্না হেনগৎহনবা মথৌ তাবশিংসু ফোঙদোক্নখি।
***
(Release ID: 1622648)
Visitor Counter : 173
Read this release in:
English
,
Urdu
,
Marathi
,
Hindi
,
Bengali
,
Punjabi
,
Odia
,
Tamil
,
Telugu
,
Kannada
,
Malayalam