য়ুনিয়ন লেবর অমসুং এম্প্লোইমেন্ত মন্ত্রালয়না সোসিএল পার্তনরশিংগা তমথিরবা কোবিদ-১৯না ওইহল্লক্লিবা তঙাই ফদবা ভীভমগী মতাংদা খন্ননবা ৱারী শাvখ্রে অমদি ৱর্কর শিংগী শেল-থুমদা পীরক্লিবা চৈথেং অসি হন্থহন্নবা লাল্লোংশিং অমদি থৌশিলশিং পায়খৎনবা তাক্তুনা খঙহন্নবা খন্নখ্রে। মন্ত্রালয় অসিনা হান্না মাংজৌননা কেন্দ্রগী ত্রেদ য়ুনিয়নশিং অমদি এম্প্লোয়রশিংগী এসোসিএসনশিংগী মীহুৎশিংগা মে ১, ২০২০দা ইন্তর্নেস্নেল লেবর দেগী নুমিত্তা ৱেবিনার পাংথোকখ্রে।

অতোপ্পা ৱেবিনার অমা সি.তি.ইয়ু.গী মীহুৎশিংগা তোঙান্না মে, ৬, ২০২০দা পাংথোকখ্রে। লেবর অমসুং ইম্প্লোয়মেন্তকী রাজ্য মন্ত্রী (আই.সি.)গা এম্প্লোয়মেন্ত ওর্গনাইজেসনশিংগা ন্যু দিল্লীদা লৈবা মাগী ওফিসতগী শরুক য়ারদুনা থৌওং অসি মখা চত্থখি। ৱেবিনার পাংথোক্লিঙৈগী মতমদা থম্নরকখিবা খুদোংচাদবশিং অদুদি

(i) কোবিদ-১৯গী য়েংঙগা ৱার্করশিং অমদি মাইগ্রেন্ত ৱার্করশিংনা তৌনীংবা অপাম্বশিং ঙাক-শেনবা, (ii) থবক পুথোক্নবা পাম্বৈশিং(iii) নৌনা অমুক শেন্মীৎলোন হেনগৎহন্নবা লৌখৎকদবা পাম্বৈশিং (iv) লেবর লোগী মখাদা লৈবা মখোয়না তৌদবা য়াদবশিং তৌবা ঙম্নবা এম.এস.এম.ই.গী ফীভম ফগৎনবা পাম্বৈশিং লেবর অমসুং এম্প্লোয়মেন্তকী মকোক থোংবা ওফিসরশিং, এম্প্লোয়র ওর্গনাইজেসনশিংগী মীহুৎশিংনা ৱেবিনার অদু শরুক য়াখি।

কোবিদ-১৯থোক্লিঙৈগী মতমদা থোরকপা খুদোংচাদবশিং অদু ফহন্নবা থেমজিল্লদুনা হায়বদি লৈবাক অসিদা কন্ত্রোল সেন্তরশিং/হেল্পলাইনশিং থমদুনা ই.এস.আই.সি. অমসুং ই.পি.এফ.কী থৌরাংশিং পায়খৎপনচিংবা লেবর অমসুং এম্প্লোয়মেন্তকী কেন্দ্র মন্ত্রীনা পায়খৎপা মখল-মখা কয়াগী পাম্বৈশিং অদু মন্ত্রীনা পাওদম্লমখি।  মহাক্না হায়খি মদুদি মহাক্কী মন্ত্রালয়না ইন্দস্ত্রীগীদমক মথৌ তারিবশিংগীদমক্তা মীনুংশি পোকই অমদি ইন্দস্ত্রী অসি অমুক হন্না হিংগৎহন্নবা অমদি শেন্মীৎলোন অমুক নৌনা হাংননবা হোৎনবা য়াবশিং হোৎনগনি। মহাক্না হায়খি মদুদি লেবর অমসুং এম্প্লোয়মেন্তকী মন্ত্রালয়না ইন্দস্ত্রী অসিনা মায়োক্নরিবশিং, মরু ওইনা এম.এস.ম.ই.গী সেক্তরশিং অমুক হন্না থবক্তা লাক্নবা অতৈ মরি লৈনবশিংগা তান্নরি। মহাক্না এম্প্লোয়র্সকী ওর্গনাইজেসনশিংগী মীহুৎশিংদা হৌজিক ওইরিবা ফীভমসিদা স্তেকহোলদরশিং পুম্নমক্না য়েংশিনবা য়াবশিং য়েংশিন্নবা তৌবা য়াবা থৌরাংশিংগী তৌবা য়ানবা ৱাফমশিং থম্লক্নবা হায়জরম্মি।

এম্প্লোয়র ওর্গনাইজেসনশিংগী মীহুৎশিংনা থম্লকপা ৱাফমশিং মখাদা পীরি:

(i) লোকদাউনগী মতমদা থবক লেপ্পনা ইন্দস্ত্রীএল দিসপ্যুতস এক্তকী থৌরাংশিং কোমথোকপা;

(ii) ইন্দস্ত্রীনা মায়োক্নরিবা অরুবশিং অমদি শেলগী খুদোংচাদবশিং অদু য়েংলগা, ৱার্করশিংদা পীবা খুৎশুমল অদু সি.এস.আর. ফন্দশিংদগী মেনখৎপা য়াবা য়াই;

(iii) গুদ্স অমসুং সর্বিসশিংগী অদু খ্বাইদগী ফবা থাক্তা হেনগৎলক্নবা ইন্দস্ত্রী অদু অমুক নৌনা হাংদোরকপদা ৱর্কফোর্স অদু খ্বাইদগী য়াম্বা ঙমখৈদা চাদা ৩৩দগী য়ামদ্রবদা চাদা ৫০ হেনগৎপা;

(iv) পি.এম.জি.কে.ৱাই.না থম্লকপা ঙাক্তবা য়াদবা ৱাফমশিংবু লোয়শিন্নবা চাদা ৱর্কর ৯০ নত্রগা হেনবনা মখোয়গী খুৎশুমলদগী ককখিবনা থাদা লুপা ১৫,০০০দগী তানা খুৎশুমল ফংবা ৱর্করশিংনা স্কীম অসিগী মখাদা লোইশিল্লকপা য়ানবা;

(v) হৌজিক থোক্লিবা খুদোংচাদবশিং অসিদগী নান্থোরকপদা মতেং ওইনবা তঙাই ফদবা খুৎশুমল, বোনস অমদি কানুনগী ওইবা শেল অতোনবশিং নত্তনা লেবর লোশিং অদু মথংগী চহী ২-৩ ফাওবা লৌথোকপা;

(vi) নোংমদা থবক শুবগী পুংশিং অদু পুং ১২ দা হেনগৎপা।

(vii) কারোবার মখা চত্থনা তৌবা ঙম্বা ওইনবা অমদগী থবক্কী খুদোংচাবশিং মাংদনবা ইন্দস্ত্রীশিংদা চুনবা পেকেজ অমা ফংহনবা ।

 (viii) সবসিদিগী ওইবা মমলদা ইন্দস্ত্রীশিংদা পাৱর সপ্লাই ফংহনবা।

 (ix) মাইগ্রেন্ত ৱর্করগী ওইরিবা ফীভম অসি লুনা খন্দবা য়াদবা ৱাফম অমনি। কোবিদ-১৯গী মতাংদা মখোয়দা লৈরিবা অকিবশিং অদু নীংথিজনা কাওন্সেলিং তৌবিদুনা ময়েং তাহন্দুনা মখোয়গী চত্থোক-চৎশিন্দা শেলগী মতেং পাংবিদুনা, থা তরুক্লোমগী ওইনা লেম্না গ্রোসরীশিং ফংহনবনচিংবা অসিগুম্বা মাইগ্রেন্ত ৱর্করশিং অসিবু থবক্তা অমুক হল্লক্নবা থৌরাং অমা শেম্বা য়াই

 (x) মাইগ্রেন্ত লেবরশিংগী দেতাবেঙ্ক অমা শেম্বা। নীংথিনা লিংদ্রিবা সেক্তরশিংগী ৱর্করশিংবু অমদি নোংমগী খুৎশুমল তানবা ৱর্করশিংবু মতেং পাংনবগীদমক্তা নেস্নেল ইপিদেমিক ফন্দ অমা শেম্বা।

(xi) এম্প্লোয়ীশিং অমসুং এম্প্লোয়রশিং অনীমক্কী সোসিএল সেক্যুরিতীগী মমল হন্থহনবা।

(xii) ৱর্করশিং অমদি পোৎলমশিং লায়না পুদুনা চৎপদা খুদোংচানবা অঙাংবা, কোমলা মচু অমসুং অশংবা মচুগী জোনগী মহুত্তা কন্তেনমেন্ত জোন অমসুং নন-কন্তেনমেন্ত জোন হায়বা খক্তমক লৈহনগদবনি। অতোপ্পা থবকশিং অদু নন-কন্তেনমেন্ত জোনশিংদা তৌবা য়াহনগদবনি।

খন্ন-নৈনবা অদু লোইশিল্লদুনা, লেবর সেক্রতরীনা এম্প্লোয়রশিংগী ওর্গনাইজেসনশিংগী মীহুৎশিংনা থম্লকপা ৱাফমশিংবু তরাম্না ওকখি। শেন্মীৎলোনগী ওইবা থবকশিং অমদি থবক্কী খুদোংচাবশিং অমুক হিঙ্গৎলক্নবা ইন্দস্ত্রী অমুক হিংহনবা অমসুং শেল হৌদোকপদা মায়ওনশিনগদবনি হায়না মহাক্না ফোংদোকখি।

লেবর অমসুং এম্প্লোয়মেন্ত মন্ত্রালয়না ইন্দস্ত্রীনা মায়োক্নরিবা খুদোংচাদবশিং মতেং পাংনবা অমসুং ৱর্করশিংগী অনীংবা-অপাম্বা মাংদনবা থাজবা পীবগী ৱাফম থমখি।  

****