কোবিদ-১৯দগী ঙাকথোক্নবা পি.পি.ই. কভরোলগী তেস্তিং তৌনবা লেবোরেতরী নিপান্দা অয়াবা পীখ্রে। মখোইশিং অদুদিঃ (১) সাউথ ইন্দিয়া তেক্সতাইলস রিসর্চ এসোসিএসন (এস.আই.তি.আর.এ.), কোইম্বতোর, তমিল নাদু, (২) দি.আর.দি.ও.-আই.এন.এম.এ.এস. নই-দিল্লী, (৩) হেবী বেহিকল ফেক্তরী, অবাদী, চেন্নৈ, (৪) স্মোল আর্মস ফেক্তরী, কানপুর, উত্তর প্রদেশ, (৫) ওর্দিনান্স ফেক্তরী, কানপুর, উত্তর প্রদেশ, (৬) ওর্দিনান্স ফেক্তরী, মুরাদনগর, উত্তর প্রদেশ, (৭) ওর্দিনান্স ফেক্তরী, অম্বর্নাথ, মহারাস্ত্রা অমসুং (৮) মেতাল এন্দ স্তীল ফেক্তরী, নোংচুপ বেঙ্গলনি। লেবোরেতরীশিং অসি এন.এ.বি.এল.না শকখঙলবা ঙাক্তনি।

ভারত সরকারগী হকশেল অমসুং য়াইফ-য়ুম্বাল মন্ত্রালয়না মার্চ ২, ২০২০দা পীবা তেক্নিকেলগী চংদ্রবা য়াদ্রবশিং ইন্দুনা তেস্তশিং অসি পাংথোক্লি। এপ্রিল ৬, ২০২০দা তেক্সতাইল মন্ত্রালয়না মখা তানা পি.পি.ই. কোভরোল শারক্লিবশিংদগী তেস্ত তৌবদা মায় পাক্লবা প্রোতোতাইপ সেম্পলশিংগী য়ুনিক সর্তিফিকেসন কোদ (য়ু.সি.সি.) পীনবা অকুপ্পা ৱারোল কয়া ফোংখ্রে। হায়রিবা ৱারোলশিং অসি তেক্সতাইল মন্ত্রালয়না এপ্রিল ২২, ২০২০দা মখা তানা  অমুক চৎনবা য়াবগী অয়াবা পীখ্রে। 
 

য়ুনিক সর্তিফিকেসন কোদ (য়ু.সি.সি.) অসিনা মেনুফেকচরর খুদিংনা পীরকপা প্রোতোতাইপ সেম্পল খুদিংদা মিৎয়েং থম্মি অমসুং শেম শারবা কভরোল খুদিংদা শেম শারিবশিংগী মিং, শেম শাবগী তাং অমসুং ক্লাইন্তকী মমিং থাবা তঙাই ফদে। ভারত সরকারগী হকশেল অমসুং য়াইফ-য়ুম্বাল মন্ত্রালয়গী হোস্পিতালশিং অমসুং হেলথকেয়র লুপশিংগী পোৎ-চৈ লৈবগী অয়াবা ফংলবা এম./এস. ঐচ.এল.এল. লাইফকেয়রগী মতাংদদি হায়রিবা থৌওং খুদিংমক ইনখি।

মেনুফেকচররশিংনা মখোয়না পীশল্লিবা সেম্পলগা লোইননা এফিদেবিৎ অমা, মখোয়গী শেম শাফমগী অকুপ্পা মরোল, জি.এস.তি.আই.এন. নম্বর, কম্পনী রেজিস্ত্রেসন নম্বর, উদ্যোগ আধার নম্বর নত্ত্রগা দি.আই.সি. রেজিস্ত্রেসন নম্বর অমসুং মরী লৈনবা চে-চাংশিং পিশিনগদবনি। মখোয়শিং অসি তেক্সতাইলগী পোত্থোকশিং শাবনি অমসুং ললোন ইতিক তৌবা নত্তে হায়বসু পনগদবনি। মসিগী এফিদেবিৎ অসিনা য়ু.সি.সি. সর্তিফিকেৎকী শরুক অমা ওইগনি।

য়ু.সি.সি. সর্তিফিকেৎকী অকুপ্পা মরোলশিং দি.আর.দি.ও., ও.এফ.বি. (ওর্দনান্স ফেক্তরী বোর্দ) অমসুং সিত্রাগী ৱেবসাইত্তা মীয়াম্না অচুম অরান খঙনবগীদমক ফংবীগনি।

****