ইনকম-তেক্স এক্ত, ১৯৬১ (এক্ত)গী সেক্সন ৬তা মীওই অমনা লৈবা মফমগী মতাংদা পল্লি। মীওই অমা ভারতকী রেসিদেন্তনি নত্ত্রগা নন-রেসিদেন্তনি নত্ত্রগা ইচম চম্বা রেসিদেন্তনি নত্ত্রগা মীওই অদুনা চহী অমগী মনুংদা ভারত্তা লৈবা (ইন্তর-এলিয়া)গী মখা পোল্লি।

হৌখিবা চহী ২০১৯-২০দা ভারত্তা মীওই কয়া অমা মতম খরগী ওইনা লাকখি অমসুং মখোইগী নন-রেসিদেন্ত নত্ত্রগা ভারতকী ইচম চম্বা রেসিদেন্ত নত্তে হায়বা মখোইগী থাক অদু মাংদনবা চহী অসি লোইদ্রিঙৈগী মমাংদা হনখিগে খন্না লাকখিবা মীওই কয়া য়াওই হায়বগী ৱাফম কয়া লাকখি। তৌবতবু নোভেল কোরোনা ভাইরস (কোবিদ-১৯) শন্দোরকপদগী লাকখিবা লোকদাউন অমসুং মালেমগী মফমশিংদা পাইবা ফ্লাইৎশিং লেপখিবদগী মখোইশিং অসি ভারত্তা মখা তানা লৈথবা তাখি। মখোইশিং অসি মশানা য়াদ্রবসু ওইরক্লিবা ফিভম অসিনা ভারতকী রেসিদেন্ত ওইখিবা য়াবগী ফিভম অমা লাক্লে।

অসিগুম্বা তাঞ্জাসিদা অৱাবা খরা কোকহন্নবা হায়দুনা সি.বি.দি.তি.না হৌখিবা চহী ২০১৯-২০গী ওইনা ভারত্তা মার্চ ২২, ২০২০গী মমাংদা লাকখিবা মীওইশিংগী এক্ত অসিগী সেক্সন ৬কী মখাদা লৈবা রেসিদেন্সীএল স্তেতসকী মনুং চল্লি নত্ত্রগা চন্দে হায়বা ময়েক শেংনবা মে ৮, ২০২০দা ভাইদ সরক্যুলার মশীং ১১ হায়বা অমগী ৱারেপ লৌখ্রে। মসিগী মতুং ইন্না রেসিদেন্সীএল স্তেতসকী মখাদা চন্দবশিংদিঃ

• ভারত্তা মার্চ ২২, ২০২০দগী মার্চ ৩১, ২০২০ ফাওবগী মনুংদা লৈবা অমসুং মার্চ ৩১, ২০২০ অমসুং নুমিৎসিগী মমাংদা ভারত থাদোকপা ঙমখিদবশিং; নত্ত্রগা
• মার্চ ১, ২০২০ নত্ত্রগা মতুংদগী নোবেল কোরোনা ভাইরস (কোবিদ-১৯)গী মরমদগী ভারত্তা ক্বরেন্তাইন তৌখিবা অমসুং মার্চ ৩১, ২০২০ নত্ত্রগা মমাংদগী ইভাকুএসন ফ্লাইৎতা চৎখ্রবা নত্ত্রগা মার্চ ৩১, ২০২০ নত্ত্রগা মমাংদা ভারত থাদোকপা ঙমদবশিংগীদমক্তদি, মহাক্কী  ক্বারেন্তাইন হৌবা নুমিত্তগী হৌরগা মহাক্না চৎখিবা তাং নত্ত্রগা মার্চ ৩১, ২০২০ ফাওবা লৈথবগী মতম, করিগুম্বা মরম অমা হেক্তগীবু ওইরবসু, মদু খন্নবদা য়াওরোই; নত্ত্রগা
• ইভাক্বেসন ফ্লাইৎতা মার্চ ৩১, ২০২০দা অমসুং মমাংদা ভারত থাদোকখিবশিং অমসুং মখোইগী ওইনদি মার্চ ২২, ২০২০দগী ভারত্তা লৈরকখিবা মতমদগী মহাক্না চৎখিবা মতম ফাওবগী মতম অদু খন্নবদা য়াওরোই।

মখা তানা শেনবা চহী ২০২০-২১সিদা লোকদাউন অসি মখা তানা চত্থরকপা অসিনা মালেমগী মফম অতৈদা পায়বা ফ্লাইৎশিং করমকান্দগী থবক তৌবা অমুক হৌগনি হায়বসি খংদ্রি অমসুং হৌখিবা চহী ২০১৯-২৯গী ওইনা অসিগুম্বা মীওইশিং অসিগী রেসিদেন্সীএল স্তেতসকী থাক খায়নবা হায়খিবা মতম অদুদগী মখা তানা ফ্লাইৎ পায়বা য়ারবা নুমিৎফাওবগী অপুনবা নুমিৎ মশীং অদুদগী কয়া য়াম্না কোমথোক্কদগে হায়বা অসিদি ফ্লাইৎ পায়বা য়ারবা মতুংদা হায়গনি। 

*****