ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ଇଟାଲୀ ପ୍ରଧାନମନ୍ତ୍ରୀ ଜ୍ୟୁସେପ କୋଣ୍ଟେଙ୍କ ମଧ୍ୟରେ ଟେଲିଫୋନ ବାର୍ତ୍ତାଳାପ
Posted On:
08 MAY 2020 8:44PM by PIB Bhubaneshwar
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ଇଟାଲୀ ପ୍ରଧାନମନ୍ତ୍ରୀ ମହାମହିମ ଜ୍ୟୁସେପ କୋଣ୍ଟେଙ୍କ ସହିତ ଟେଲିଫୋନ ଯୋଗେ ବାର୍ତ୍ତାଳାପ କରିଛନ୍ତି ।
ଇଟାଲୀରେ କୋଭିଡ-19 ମହାମାରୀ ଜନିତ ଜୀବନହାନୀ ଲାଗି ପ୍ରଧାନମନ୍ତ୍ରୀ ସମବେଦନା ଜଣାଇଥିଲେ । ଏଭଳି ଜଟିଳ ପରିସ୍ଥିତିରେ ଇଟାଲୀ ନାଗରିକମାନେ ପ୍ରଦର୍ଶନ କରିଥିବା ଧୈର୍ଯ୍ୟକୁ ସେ ପ୍ରଶଂସା କରିଥିଲେ ।
ଦୁଇ ନେତା ନିଜ ଦେଶରେ ତଥା ବିଶ୍ଵ ସ୍ତରରେ ମହାମାରୀ ଦ୍ଵାରା ଦେଖାଦେଇଥିବା ସ୍ୱାସ୍ଥ୍ୟ ଏବଂ ଅର୍ଥନୈତିକ ପ୍ରଭାବକୁ ଦୂର କରିବା ପାଇଁ ଆବଶ୍ୟକ ପଦକ୍ଷେପ ଉପରେ ଆଲୋଚନା କରିଥିଲେ । ସେମାନେ ପରସ୍ପର ସହ ଏକଜୁଟ ହୋଇ ରହିଥିବାର ପ୍ରକାଶ କରିଥିଲେ ଏବଂ ପରସ୍ପରର ଅସହାୟ ନାଗରିକଙ୍କ ପ୍ରତି ଆପୋସ ସହଯୋଗକୁ ପ୍ରଶଂସା କରିଥିଲେ ।
ଇଟାଲୀକୁ ଅତ୍ୟାବଶ୍ୟକ ଔଷଧ ଏବଂ ଅନ୍ୟାନ୍ୟ ସାମଗ୍ରୀ ଉପଲବ୍ଧ କରାଇବାରେ ଭାରତର ଅସୀମିତ ସମର୍ଥନ ରହିଥିବା ପ୍ରଧାନମନ୍ତ୍ରୀ ଦୋହରାଇଥିଲେ ।
ଦ୍ୱିପାକ୍ଷିକ ସମ୍ପର୍କକୁ ଆହୁରି ମଜବୁତ କରିବା ଲାଗି ଭାରତ ଏବଂ ଇଟାଲୀ ମଧ୍ୟରେ ସକ୍ରିୟ ଆଲୋଚନା ଏବଂ ସହଯୋଗ ଜାରି ରଖିବାକୁ ଦୁଇନେତା ରାଜି ହୋଇଥିଲେ ।
ଉପଯୁକ୍ତ ସମୟରେ ଇଟାଲୀ ଗସ୍ତ କରିବାକୁ ପ୍ରଧାନମନ୍ତ୍ରୀଙ୍କୁ ଇଟାଲୀ ପ୍ରଧାନମନ୍ତ୍ରୀ ପୁଣି ଥରେ ନିମନ୍ତ୍ରଣ ଜଣାଇଥିଲେ ।
**********
(Release ID: 1622441)
Visitor Counter : 144
Read this release in:
English
,
Urdu
,
Marathi
,
Hindi
,
Bengali
,
Manipuri
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam