ঙাকশেল মন্ত্রালয়

ঙাকশেল মন্ত্রী শ্রী রাজনাথ সিংনা কিলোমীতর ৮০ শাংবা লম্বী শঙ্গাদুনা কৈলাশ-মানসরোৱর লাই খুরুম্বা চৎপদা চংবা মতম তেনশিলহনখ্রে

Posted On: 08 MAY 2020 1:17PM by PIB Imphal

অনৌবা য়ুগ অসিদা লাইগী থৌগল তৌনবা কৈলাশ-মানসরোৱর য়াত্রা তৌদুনা অমসুং ঙমখৈগী মফমশিং শমজিন্নহনদুনা, ঙাকশেল মন্ত্রী শ্রী রাজনাথ সিংনা অখন্নবা থৌরমা অমদা ধারছুলা (উত্তরাখন্দ)দগী লিপুলেক (চাইনাগী ঙমখৈ) ফাওবা শম্নহল্লিবা লম্বী শঙ্গাখ্রে। শ্রী রাজনাথ সিংনা ভিদিও কনফরেন্সিংগী খুত্থাংদা পিথোরাগরদগী গুঞ্জি ফাওবা চৎপা গারিশিংগী কনভোই অমসু লমথাখ্রে।

থৌরম অদুদা ৱা ঙাংলদুনা, ঙাকশেল মন্ত্রীনা হায়খি মদুদি কেন্দ্র সরকার অমসুং প্রধান মন্ত্রী শ্রী নরেন্দ্র মোদিনা অথাপ্পা মফমশিংগী শেমগৎ-শাগৎনবগীদমক্তা অখন্নবা মিৎয়েং থম্লি।

শ্রী রাজনথ সিংনা হায়খি মদুদি য়াম্না মরু ওইবা শম্নহল্লিবা লম্বী অসি লোইশিনখিবগা লোইননা, লমদম অসিগী মীয়াম অমসুং লাই খুরুম্বা লাক্লিবশিংগি চই তরা কয়াগী মঙলান অমসুং পামজবা অসি মনীং থুংহনখ্রে। মহাক্না থাজবগা লোইননা ফোংদোরকখি মদুদি লম্বীশিং অসি শিজিন্নবা হৌরকপগা লোইননা মফম অসিদা লাল্লোন-ঈতীক অমসুং শেল-থুমগী ফিভমদা চাউখৎলকপদা অহেনবা পাঙ্গল হাপকৎলক্কনি।

কৈলাশ-মানসরোৱরগী লাই খুরুম্বা চৎপা হিন্দুশিং, বুদধিস্তশিং অমসুং জৈনশিংনা য়াম্না শেংলবা অমসুং ভক্তি তৌনৈ হায়বা ৱাফম অসিবু নীংশিংলদুনা শ্রী রাজনাথ সিংনা হায়খি মদুদি শম্নহল্লিবা লম্বী অসি লোইশিনখিবগা লোইননাহান্নদিয়াত্রা অদু লোইশিনবদা চয়োল ২-৩ ফাওবগী মতমচংলমবাঅদুগা চাংদম্ননবদা হৌজিক্তি চয়োল  অমদা লোইশিনবা ঙম্লগনি। লম্বী অসি ঘাতিয়াবগরদগী হৌরকই অমসুং কৈলাশ-মানসরোৱরদা চৎপগী থোঙ্গাল ওইরিবা লিপুলেখ পাসতা লোইশিল্লি। কিলোমীতর ৮০ শাংবা লম্বী অসিদা মাগী অসি ৬,০০০দগী কাখৎলক্তুনা ১৭,০৬০ ফীৎ ফাওবা ৱাংখৎলকই। মসিগী প্রোজেক্ত অসি লোইশিনখিবগা লোইননাকৈলাশ-মানসরোৱর য়াত্রাগী লাই খুরুম্বা চৎলিবশিংনা থাজবা ঙমদবা অৱাংবা লমদা অসিদা পোৎচৈ পুদুনা খোংনা ৱানা চৎপা অদু হৌজিক্তি থাদোকপা য়ারনি। হৌজিক্কী ওইনদি,  কৈলাশ-মানসরোৱরদা চৎপা অসি সিক্কিম নত্ত্রগা নেপালগী লম্বেল ফাওদুনা চৎপদা চয়োল অনিদগীনা অউম ফাওবা চংঙি। লিপুলেখকী লম্বেলদা অৱাংবা লমদা ফাওদুনা কিলোমীতর ৯০ খোংনা চৎলি অমসুং মসিদা অহল ওইরবা য়াত্রিশিংনা অৱাবা কয়া মায়োক্নৈ।

সিক্কিম অমসুং নেপাল ফাওদুনা চৎপা অতোপ্পা লম্বী অনি অমসু লৈ। মখোয়না চাউরাকপা চাদা ২০দি ভারতকী লম্বীদা মখাগী লম্বীগী খোংচৎ অসি চৎলি অমসুং চাদা ৮০দি চাইনাদা মখাগী লম্বীগী খোংচৎ অসি চৎলি। ঘাতিয়াবগর-লিপুলেখ লম্বী অসি হাংদোকখিবগা লোইননা মসিগী রেশিও অসি ওন্থোক্নখ্রে। হৌজিক্তি মানাসরোৱরদা লাই খুরুম্বা চৎলিবশিংনা মখাগী লম্বীগী খোংচৎশিং অসি চাদা ৮৪দিভারতকী লম্বীদা চৎকনি অমসুং চাদা ১৬ অমনা চাইনাগী লম্বীদা চৎকনি। মসি তশেংনা ইতিহাসতা লৈহৌরগনি হায়না পল্লদুনা ঙাকশেল মন্ত্রীনা হায়খি।

বোর্দর রোদ ওর্গনাইজেসন (বি.আর.ও.)গী ইঞ্জিনীয়রশিং অমসুং পর্সোনেলশিংদা নুংঙাইবা ফোংদোক্লদুনা মখোয়গী কত্থোকপা অদুনা মরম ওইরগা থবক অসি মপুং ফাহনবা ঙম্লিবনি হায়খি, মসিগা লোইননা ঙাকশেল মন্ত্রীনা লম্বী অসি শাবা মতমদা পুন্সি মাংখিবশিং অদুগীসু থমোয় শোক্না নুংঙাইতবা ফোংদোকখি। মহাক্না অথাপ্পা মফমশিংদা লৈবা বি.আর.ও.গী পর্সোনেলশিং অমসুং মখোয়গী  ইমুং-মনুংদগী থাপ্না লৈরিবা অদুসু কোবিদ-১৯গী লুরবা মতম অসিদা মখোয়না লৌরম্বা থৌদাং অদুগীদমক্তা থাগৎপা ফোংদোকখি।

 

https://static.pib.gov.in/WriteReadData/userfiles/image/PIC3KFBX.jpeg

 

শ্রী রাজনাথ সিংনা হায়খি মদুদি হেক হৌরকপদগী বি.আর.ও.না উত্তরাখন্দগী গরৱাল অমসুং মশিগা লোইননা কুমাউনগী মফমশিংদা শেমগৎ শাগৎপগী থবকশিংদা হকথেংননা শরুক য়ারক্লি। মহাক্না বি.আর.ও.গী পর্সোনেলশিংদা লৈবাক অসি শেম্বদা মখোয়না চাউরবা থৌদাং লৌবগীদমক্তা নুংঙাইবা ফোংদোকখি অমসুং মসিগী পান্দম অসি ফংবগীদমক্তা ওর্গনাইজেসন অসিগী রেঙ্ক খুদিংমক্তা য়াইফবা ওইরসনু হায়না মহাক্না হায়খি।

বি.আর.ও.গী বাইরক্তর জেনরেল লেফতিনেন্ত জেনরেল হর্পাল সিংগী মতুং ইন্না, অৱাবা কয়া মায়োক্নবনা মরম ওইরগা লম্বী অসি শেম্বা-শাবদা অপনবা কয়া থেংনখি। লেপ্তনা উন তাশিল্লকপা, চপ য়ুংনা ৱাংবা অমসুং য়াম্না ইংবনা মরম ওইরগা থবক শুবগী মতম অদু থা মঙা খক্তমক ওইখি। কৈলাশ-মানসরোৱর য়াত্রা অসি জুনদগী ওক্তোবর ফাওবগী থবক শুবা মতম অসি থোকখি অমসুং মফম অদুগী মীয়ামশিং অমসুং মখোয়গী পোৎচৈশিং পুথোক-পুশিন তৌবগা লোইননা লাল্লোনবশিংগী  (চাইনাগা লাল্লোন-ঈতিক তৌনবগীদমক্তা) চত্থোক-চৎশিন তৌবগা মতম চপ মান্নখিবনা মরম ওইরগা শেমগৎ-শাগৎপগীদমক্তা নোংমগী পুংশিং অদু মখাতানা হন্থহনখি।

মসিগী মথক্তা হৌখিবা খরদা খঙহৌদনা ঈশিং-ঈচাউ কয়া অমসুং অমংবা নোং কাইবনা মরম ওইরগা য়াম্লবা অমাং-অতা কয়ামরুম অমা থোকখি। হৌরকপগী কিলোমীতর ২০দা, চিং অদুদা অকনবা  নুং অমসুং চপ য়ুংবাগুম্না লৈবা অসিনা মরম ওইরগা বি.আর.ও.না পুন্সি কয়া অমা মাংখি অমসুং খুৎলাই ২৫ অমসু কালি তুরেল মনুংদা তাশিন্দুনা ফিভম থিনা শোকখি। অসিগুম্বা খুদোংচাদবা কয়া অমা লৈরবসু, হৌখিবা চঈ অনিদা, বি.আর.ও.না থবক শুফম কয়া অমা থমদুনা অমসুং মোদর্ন তেক্নোলোজীগী খুৎচু-খুৎলাইশিং শিজিন্নদুনা আউৎপুৎ অদু শরুক ২০ থোক্না হেনগৎহনখি।হেলিকোপ্তরশিংসু সেক্তর অসিদা শিজিন্নবা য়াম্লবা তন কয়াগী স্তোরশিং/ খুৎচু-খুৎলাইশিং পুরক্নবা শিজিন্নখি।

 

https://static.pib.gov.in/WriteReadData/userfiles/image/PIC19CWJ.jpeg

 

থৌরম অদুদা চীফ ওফ দিফেন্স স্তাফ জেনরেল বিপিন রাৱত, চীফ ওফ আর্মী স্তাফ জেনরেল এম.এম. নরবনে, দিফেন্স সেক্রেতরী দা. অজয় কুমার, অলমোরা (উত্তরাখন্দ)দগী লোক সভা মেম্বর ওফ পার্লিয়ামেন্ত শ্রী অজয় তম্তা অমসুং দিফেন্স মন্ত্রালয়গী সেনিয়র ওফিসিয়েলশিং অমসুং বি.আর.ও.না শরুক য়াখি। 

https://pibcms.nic.in/WriteReadData/userfiles/bro.mp4

****

 

 



(Release ID: 1622212) Visitor Counter : 10