হকশেল অমসুং য়াইফ য়ুম্বালগী কেন্দ্র মন্ত্রী দা. হর্শ বর্ধনগী লুচিং মখাদা ঙসি নির্মন ভবনদা কোবিদ-১৯দা অৱাংবা থাক্কী গ্রুপ ওফ মিনিস্তর্স (জি.ও.এম.)কী ১৪ শুবা মীফম পাংথোকখ্রে। মীফম অসিদা সিবিল এবিয়েসনগী মন্ত্রী হর্দীপ এস. পুরি, মপাল থৌরম পুবা মন্ত্রী দা. এস. জয়শঙ্কর, গৃহ রাজ্য মন্ত্রী নিত্যানন্দা রাই, হকশেল অমসুং য়াইফ য়ুম্বালগী রাজ্য মন্ত্রী অশ্বিনি কুমার চৌবেগা লোয়ননা চিফ ওফ দিফেন্স স্তাফ বিপিন রাৱৎ অমসুং য়ুনিয়ন হোম সেক্রেতরী অজয় কুমার ভালাসু শরুক য়াখি।

জি.ও.এম.গী মফমদা মালেম পুম্বগী অমদি লৈবাক মনুংগী ওইবা কোবিদ-১৯ কেসশিংগী হৌজিক ওইরিবা ফিভমদা মচা খায়বা প্রজেন্তেসন অমা লান্থোকখি। গ্রুপ ওফ মিনিস্তর্সনা কোবিদ-১৯গী থিংনবা লালোং অমসুং মেনেজমেন্ত এস্পেক্তকা লোয়ননা কেন্দ্র অমসুং তোঙান-তোঙানবা রাজ্যশিংনা লৌখৎলিবা খোঙথাংশিংদা কুপথনা খন্ন-নৈনখি। লৈবাক অসিদা লৈরিবা জিলা পুম্নমকপু কেতেগোরী অহুমদা য়েন্থোক্লে হায়না জি.ও.এম.দা পাউদমখি, মখোয় অদুদি রেদ জোন (জিলা ১৩০), ওরেঞ্জ জোন (জিলা ২৮৪) অমসুং গ্রীন জোন (জিলা ৩১৯)নি। গ্রীন কেতেগোরীনা হৌখিবা নুমিৎ ২১দগী কেস অমত্তা রিপোর্ত তৌরক্তবা অদুগুম্লবা জিলাশিং অদুবু মহুৎ শিল্লি।

জি.ও.এম.দা খঙহনখি মদুদি হৌজিক শিবগী চাং অসি চাদা ৩.২নি অদুগা ফগৎলকপগী চাংনা চাদা ২৫ হেল্লি, মদুনা ক্লসতর মেনেজমেন্ত অমসুং থিংনবা লালোংগা লোয়ননা লৈবাক অসিদা লোকদাউনগী কানবা মতৌ অদু উবা ফংই। জি.ও.এম.দা মসিমসু খঙহনখি মদুদি লৈবাক্কী তোঙান-তোঙানবা মফমশিংগী অনাবশিংদগী আইসোলেৎ তৌরবা নোবেল কোরোনাভাইরসকী স্ত্রেইনশিংগী জীনোম সিক্বেন্সিংসু হৌদোক্লে।

পি.পি.ই., মাস্ক, বেন্তিরেতর্স অসিনচিংবা মরুওইবা মেদিকেল ইক্বুইপমেন্ত ফংন্নবা য়েংশিল্লিবা শক্তি লৈরবা গ্রুপ-৩না জি.ও.এম.দা পি.পি.ই., মাস্ক, বেন্তিরেতর্স, দ্রগস অমসুং অতোপ্পা মরুওইবা ইক্বুইপমেন্তশিং দরকারগী মতুং ইন্না ফংলিবা অদুগা মরী লৈননা পাউদমখি। জি.ও.এম.দা খংহনখি মদুদি লৈবাক মনুংদা পুথোকপগী চাং অসি নোংমদা পি.পি.ই. চাউরাক্না লাখ ২.৫অমসুং নোংমদা N95 মাস্ক চাউরাক্না লাখ ২ য়ৌদুনা ইকুই-কুইদনা তুংদা লৈবাক অসিগী দরকার ওইবশিং ফহনবা ঙম্লগনি। মসিগী মথক্তা লৈবাক মনুংগী মেনুফেকচর তৌরিবশিংনা বেন্তিলেতর পুথোকপসু হৌরে অমদি ওর্দরসু পীখ্রে।

শক্তি লৈরবা গ্রুপ-১১গী চিয়ারমেন য়ুনিয়ন হোম সেক্রেতরী অজয় কুমার ভালানা জি.ও.এম.দা পাউদমখি মদুদি মখোয়না লাইচৎ লাকশিন্নবা হৌজিক ফাওবদা লৌখৎলিবা খোঙথাংশিংগী য়ৌরক্লিবা ইসুশিং য়েংশিল্লি।

শক্তি লৈবা গ্রুপ-৯গী চিয়ারমেন অমসুং সেক্রেতরী (এম.ই.আই.তি.ৱাই.) অজয় সোহনেনা কোবিদ-১৯ থেঙননবগীমক তেক্নোলোজী সোলুসনশিং অমসুং দাতা মেনেজমেন্তকা লোয়ননা দিল তৌবগী প্রজেন্তেসন অমা লান্থোকখি। মন্ত্রালয়শিং অমসুং শক্তি লৈরবা গ্রুপশিংনা পাংথোক্লিবা থবকশিংদা জি.ও.এম.না অপেনবা ফোংদোকখি।

দা. হর্শ বর্ধন্না ফোংদোকখি মদুদি থিংনবা লালোংগীদমক তেক্নোলোজীবু মপুং ওইনা শিজিন্নবা মথৌ তাই অমসুং মসিনা কোবিদ-১৯ মেনেজ তৌবগী মওংশিং হেন্না চেৎশিনহনবদা মতেং ওইরি।

জি.ও.এম.দা মসিমসু পাউদমখি মদুদি ২০২০গী মে ৪ ফাওবদা প্রধান মন্ত্রী গরিব কল্যান পেকেজগী মখাদা মখাগী প্রোগ্রেস অসি পায়খৎলে:

• প্রধান মন্ত্রী গরিব কল্যান য়োজনাগী মখাদা রাজ্য/য়ুনিয়ন তেরিতোরী ৩৬না অহানবা থা (এপ্রিল)গী এন্তাইতলমেন্ত ওইনা বেনেফিসরী কোতি ৫৮.৭৭তা মেত্রিক তন লাখ ২৯.৩৯ য়েন্থোকখ্রে অমসুং রাজ্য/য়ুনিয়ন তেরিতোরী ২০না হৌজিক ফাওবদা অনিশুবা থা (মে)গী এন্তাইতলমেন্ত ওইনা বেনেফিসরী কোতি ১১.৬৩দা মেত্রিক তন ৫.৮২ য়েন্থোকখ্রে। হৌজিক ফাওবদা রাজ্য/ য়ুনিয়ন তেরিতোরী ৩৬না ফুদ কোর্পোরেসন ওফ ইন্দিয়াদগী চেং-চাক পুন্না মেত্রিক তন লাখ ৬৬.০৮ হোনখ্রে।
• উজ্জ্বলা (পি.এম.য়ু.ৱাই.) বেনেফিসরীশিংদা লুপা কোতি ৬৮৬৮.৭৪গী শেনফম অমা ত্রান্সফর তৌখ্রে। ২০২০গী এপ্রিল-মে মনুংদা পি.এম.য়ু.ৱাই. সীলিন্দর কোতি ৪.৯৮ বুক তৌখ্রে অমদি কোতি ৪.৭২ দেলিবর তৌখ্রে।
• ২০-২১গী মনুংদা বেনেফিসরী (লৌমী) কোতি ৮.১৮দা অমমমদা লুপা ২০০০/২০০০গী ফাইনান্সিয়েল সেঙ্কসন গ্রান্ত তৌখ্রে অমসুং ২০-২১গী মনুংদা দি.বি.তি. কেস ত্রান্সফরগী মখাদা লৌমীশিংদা লুপা কোতি ১৬,৩৬৪ রিলিজ তৌখ্রে।
• সেনিয়র সিতিজনশিং, লুখ্রাবীশিং অমসুং দিব্যাংগীদমক তেঙবাং অমা ওইনা  মতিক চারবা বেনেফিসরীশিংগী একাউন্ত কোতি ২.৮১২দা লুপা কোতি ১৪০৫গী শেনফম ফন্দগী অহানবা ইন্তোলমেন্ত ওইনা বেনেফিসরী অমমমদা লুপা ৫০০ রিলিজ তৌখ্রে। লুপা ৫০০গী মথংগী ইন্সতোলমেন্ত অনিশুবা থাখায়দগী চত্থরগনি।
• ঙসি ফাওবদা নুপী প্রধান মন্ত্রী জন ধন য়োজনা একাউন্ত কোতি ২০.০৫দা একাউন্ত খুদিংগী লুপা ৫০০ হাপখ্রে। শেনফম অসি পি.এম.জি.কে.পি.গী মখাদা কেশ ত্রান্সফর ওইনা তৌবনি।
• ই.পি.এফ.ও.গী মেম্বর লাখ ৯.২৭না ওনলাইন ৱিথদ্রোৱেলগী খুদোংচাবা লৌদুনা লুপা কোতি ২৮৯৫গী শেনফম ফংখ্রে।

মীফম অদুদা প্রীতি সুদন সেক্রেতরী (ঐচ.এফ.দবল্যু), রাজেশ ভুশন ও.এস.দি./সেক্রেতরী (ঐচ.এফ.দবল্যু), ঐচ. বর্ধন শরিঙ্গলা সেক্রেতরী (ফোরেন এফিয়ার্স), রবি কপুর সেক্রেতরী (তেক্সতাইল), প্রদীপ সিংহ খারোলা সেক্রেতরী (সিবিল এবিয়েসন), পি.দি. বাঘেলা সেক্রেতরী (ফার্মাস্যুতিকেল), অনুপ ৱাধাৱন সেক্রেতরী (কমর্স), অনশু প্রকাশ সেক্রেতরী (তেলেকোম), বলরাম ভারগাবা দি.জি.-আই.সি.এম.আর, অনিল মলিক এদিস্নেল সেক্রেতরী (এম.ঐচ.এ.), দা. নীতা বর্ম দি.জি.-এন.আই.সি., লেফতনেন্ত জেনরেল অনুপ বেনর্জী দি.জি-এ.এফ.এম.এস, রজিব গার্গ দি.জি.ঐচ.এস., লব অগরৱাল জে.এস. (এম.ও.ঐচ.এফ.দবল্যু)গা লোয়ননা ফার্মা, আই অমসুং বি, তেক্সতাইল, এন.আই.সি., দি.জি.সি.এ. মন্ত্রালয়দগী অতোপ্পা ওফিসিয়েলশিংসু শরুক য়াখি।

কোবিদ-১৯গা মরী লৈনবা তেক্নিকেল ইসুশিং, গাইদলাইনশিং অমসুং এদভাইজরীদা ঔথেন্তিক অমসুং অপদেত ওইবা ইনফোর্মেশন পুম্নমক্কীদমক চানবীদুনা চাং নাইনা ভিজিৎ তৌবীয়ু https://www.mohfw.gov.in/.

কোবিদ-১৯গা মরী লৈনবা তেক্নিকেলগী ৱাহংশিং technicalquery.covid19[at]gov[dot]inদা অমসুং অতোপ্পা ৱাহংশিং ncov2019[at]gov[dot]inদা ইমেল তৌবীরকপা য়াগনি।

কোবিদ-১৯দা করিগুম্বা মখল অমা হেক্তগী ৱাহং লৈরগদি হকশেল অমসুং য়াইফ য়ুম্বাল মন্ত্রালয়গী হেল্পলাইন নম্বর +91-11-23978046 নত্রগা 1075 (তোল-ফ্রী)দা চানবীদুনা কোল তৌবীরকউ। কোবিদ-১৯দা রাজ্যশিং/য়ুনিয়ন তেরিতেরীশিংগী হেল্পলাইন নম্বরশিংগী লিস্ত মখাগী অসিদগী ফংবীগনি https://www.mohfw.gov.in/pdf/coronvavirushelplinenumber.pdf .

****