ఆయుష్ మంత్రిత్వ‌శాఖ దేశంలో కోవిడ్ -19 మ‌హ‌మ్మారిని ఎదుర్కొనేందుకు ఆయుష్ విధానాల‌కు చెందిన క్లినిక‌ల్ ప‌ద్థ‌తుల (రోగ‌నిరోద‌క చ‌ర్య‌లు, మ‌రికొన్ని అద‌న‌పు ప‌ద్ధ‌తుల‌)ద్వారా కొన్ని చ‌ర్య‌లు చేపట్టింది.  రిస్క్ ఎక్కువ‌గా ఉన్న జనాభాపై ఆయుష్ ఆధారిత రోగ‌నిరోధ‌క చ‌ర్య‌ల ప్ర‌భావాన్ని ఆయుష్ మంత్రిత్వ‌శాఖ అధ్య‌య‌నం చేస్తోంది.. అలాగే కోవిడ్ -19 కు వ్య‌తిరేకంగా ఆయుష్ ప్ర‌తిపాదించిన , ఆయుష్ చేప‌ట్టిన చ‌ర్య‌ల‌ను కూడా అధ్య‌య‌నం చేస్తున్నారు.
విశ్వ‌విద్యాల‌య గ్రాంట్ల‌సంఘం వైస్ ఛైర్మ‌న్ డాక్ట‌ర్ భూష‌ణ్ ప‌ట్వ‌ర్ధ‌న్ అధ్య‌క్ష‌త‌న, ప‌లువురు నిపుణుల‌తో ఇందుకు సంబంధించిన వ్యూహాలె , చ‌ర్య‌ల‌ను ప్ర‌తిపాదించేందుకు ఆయుష్ మంత్రిత్వ‌శాఖ ఒక ఇంట‌ర్ డిసిప్లిన‌రీ ఆయుష్ ప‌రిశోధ‌న ,అభివృద్ధి టాస్క్‌ఫోర్స్‌ను ఏర్పాటుచేసింది.
కింద పేర్కొన్న అధ్య‌య‌నాల‌ను  మే 7,2020న లాంఛ‌నంగా ప్రారంభిస్తారు.
ఆయుర్వేదవిధానాల‌పై క్లినికల్ ప‌రిశోధ‌న‌, అద్య‌య‌నాలు, రోగనిరోధకత , కోవిడ్ -19పై పోరాటానికి అనుబంధంగాప్రామాణీకృత ర‌క్ష‌ణ‌:  ఆయుష్ మంత్రిత్వ శాఖ, ఆరోగ్య  కుటుంబ సంక్షేమ మంత్రిత్వ శాఖ (MoHFW) , సైన్స్ , టెక్నాలజీ మంత్రిత్వ శాఖల సంయుక్త ఆధ్వ‌ర్యంలో సంయుక్త‌ క్లినికల్ అధ్యయనాలను ఐసిఎంఆర్‌ సాంకేతిక సహకారంతో, కౌన్సిల్ ఆఫ్ సైంటిఫిక్ & ఇండస్ట్రియల్ రీసెర్చ్ (CSIR) ద్వారా  చేప‌డ‌తారు.

   ఇంటర్ డిసిప్లినరీ ఆయుష్ ఆర్ అండ్ డి టాస్క్ ఫోర్స్ , కోవిడ్ -19  పాజిటివ్ కేసుల‌కు సంబంధించి, నాలుగు వేర్వేరు జోక్యాలను అధ్యయనం చేయడానికి దేశవ్యాప్తంగా వివిధ సంస్థల నుండి బాగా పేరున్న నిపుణుల సమగ్ర సమీక్ష, సంప్రదింపుల ప్రక్రియ ద్వారా రోగనిరోధక అధ్యయనాల కోసం క్లినికల్ రీసెర్చ్ ప్రోటోకాల్స్, యాడ్-ఆన్ చ‌ర్య‌ల ద్వారా నాలుగు విధానాలైన‌ . అశ్వగంధ, యష్టిమ‌ధు, గుడుచి + పిప్పాలి, పాలీ హెర్బల్ ఫార్ములేష‌న్ (ఆయుష్ -64)ల‌పై ప‌రిశోధ‌న సాగిస్తారు.


కోవిడ్ -19 మ‌హ‌మ్మారి సమయంలో  సార్స్ -సిఒవి-2 పేషెంట్ల‌కు రిస్క్  ఎక్కువ ఉన్నందున వారిలో  రోగనిరోధకత పెంపు కోసం అశ్వగంధ: ఆరోగ్య సంరక్షకుల‌చే హైడ్రాక్సీక్లోరోక్విన్‌తో పోలిక  అలాగే,
        తేలికపాటి నుండి మోడరేట్ కోవిడ్ -19 చికిత్స కోసం ‘స్టాండర్డ్ ఆఫ్ కేర్’ కు అనుబంధంగా ఆయుర్వేద సూత్రీకరణల‌ ప్రభావం: యాదృచ్ఛిక, ఓపెన్ లేబుల్, సమాంతర సమర్థత, క్రియాశీల నియంత్రణ, బహుళ-కేంద్ర అన్వేషణాత్మక ఔష‌ధ‌ పరీక్ష.
    ఆయుష్ ఆధారిత రోగనిరోధక జోక్యాల ప్రభావంపై జనాభా ఆధారిత ఇంటర్వెన్షనల్ అధ్యయనాలు: ఎక్కువ రిస్క్  ఉన్న జనాభాలో కోవిడ్ -19 సంక్రమణ నివారణలో ఆయుర్వేద జోక్యాల ప్రభావాన్ని అధ్యయనం చేయడానికి ఆయుష్ మంత్రిత్వ శాఖ జనాభా ఆధారిత అధ్యయనాలను ప్రారంభిస్తోంది. కోవిడ్ -19   నివారణ సామర్థ్యాన్ని ఆయుష్ విధానాల‌ ద్వారా అంచనా వేయడం  ,హైరిస్క్‌ జనాభాలో జీవన నాణ్యత మెరుగుదలను అంచనా వేయడం దీని ప్రధాన లక్ష్యాలు. దేశవ్యాప్తంగా 25 రాష్ట్రాల్లోని ఆయుష్ మంత్రిత్వ శాఖ , జాతీయ సంస్థల క్రింద నాలుగు పరిశోధనా మండలులు, సుమారు 5 లక్షల జనాభా కలిగి ఉన్న అనేక రాష్ట్ర ప్రభుత్వాల ద్వారా ఈ అధ్యయనం జరుగుతుంది.
అధ్యయన  ఫలితం ఖచ్చితంగా కోవిడ్ -19 వంటి మహమ్మారి ని ఎదుర్కొనే స‌మ‌యంలో ఆయుష్ విధానాల ద్వారా నివారణ సామర్థ్యాన్ని శాస్త్రీయ ఆధారాల ద్వారా అర్థం చేసుకోవడంలో కొత్త మార్గాన్ని ఏర్ప‌రుస్తుంది.
.COVID 19 నివారణలో  ఆయుష్ సలహాదారుల అంగీకారం , వినియోగం  ప్రభావ అంచనా కోసం ఆయుష్ సంజీవని అప్లికేషన్ ఆధారిత అధ్యయనం: 5 మిలియన్ల మంది ప్రజలను లక్ష్యంగా చేసుకుని భారీ జనాభా  డేటాను రూపొందించడానికి ఆయుష్ మంత్రిత్వ శాఖ ఆయుష్ సంజీవ‌ని మొబైల్ యాప్‌ను అభివృద్ధి చేసింది. జనాభాలో ఆయుష్ విధానాలామోదం, అంగీకారం, వాడ‌కం , ఇంఉకు ప్ర‌జ‌లు తీసుకుంటున్న చ‌ర్య‌లు , కోవిడ్ -19 నివారణలో దాని ప్రభావం,  వంటివాటిపై డేటాను రూపొందించడం దీని ఆశించిన ఫ‌లితాల‌లో ముఖ్య‌మైన‌ది.