লাইফলাইন উরানগী মখাদা এয়র ইন্দিয়া, এলাইন্স এয়র, আই.এ.এফ. অমসুং প্রাইবেৎ কেরীয়রশিংনা ফ্লাইৎ ৪৬৫ ওপরেৎ তৌরি। মসিগী মনুংদা ফ্লাইৎ ২৭৮দি এয়র ইন্দিয়া অমসুং এলাইন্স এয়রনা ওপরেৎ তৌরি। ঙসি ফাওবদা ত্রান্সপোর্ত তৌখিবা কার্গো অসি চাউরাক্না তন ৮৩৫.৯৪নি। ঙসি ফাওবদা লাইফলাইন উরান ফ্লাইৎশিংনা পাইখিবা এরিয়েল অরাপ্পা অসি কিলোমীতর ৪,৫১,০৩৮নি। কোবিদ-১৯গী মায়োক্তা ভারতকী লান্দা তেঙবাংনবা লৈবাক্কী মনুং হুঞ্জিনবা শরুকশিংদা মরুওইবা মেদিকেল কার্গো ত্রান্সপোর্ত তৌনবা সিবিল এবিয়েসন মন্ত্রালয়না লাইফলাইন উরান ফ্লাইৎশিং ওপরেৎ তৌরি।

মরুওইবা মেদিকেল কার্গো অমসুং অনাবশিং ত্রান্সপোর্ত তৌনবগীদমক পৱন হন্স লিমিতেদ য়াওনা হেলিকোপ্তর সর্বিসশিংনা জম্মু অমসুং কশ্মীর, লদাখ, অৱাং-নোংপোক অমসুং অতোপ্পা ইথৎ লমদমশিংদা ওপরেৎ তৌরি। ২০২০গী মে ৫ ফাওবদা পৱন হন্সনা কার্গো তন ২.২৭ পুদুনা কিলোমীতর ৭,৭২৯গী অরাপ্পা পাইখ্রে। অৱাং-নোংপোক লমদম, ইথৎ লমদশিং অমসুং চিংগী রাজ্যশিংদা অখন্নবা মিৎয়েং থম্লি। এয়র ইন্দিয়া অমসুং আই.এ.এফ.না জম্মু অমসুং কশ্মীর, লদাখ, অৱাং-নোংপোক অমসুং অতোপ্পা ইথৎ লমদমশিংদা মাংজিল থানা পুন্না থবক তৌমিন্নরি।

দোমেস্তিক কার্গো ওপরেতরশিং স্পাইসজেৎ, ব্লু দার্ত, ইন্দিগো অমসুং ভিস্তারানা কম্মর্সিয়েল বেসিস্তা কার্গো ফ্লাইৎশিং ওপরেৎ তৌরি। স্পাইসজেৎনা কার্গো ফ্লাইৎ ৮১৯ ওপরেৎ তৌবগা লোয়ননা কার্গো তন ৫,৯৪৬ পুদুনা কিলোমীতর ১৩,৮৩,৮৫৪গী অরাপ্পা কভর তৌখি। মসিগী মনুংদা ২৯৪দি ইন্তর্নেস্নেল কার্গো ফ্লাইৎশিংনি। ব্লু দার্তনা দোমেস্তিক কার্গো ফ্লাইৎ ২৭৮ ওপরেৎ তৌবগা লোয়ননা কার্গো তন ৪,৬৮৩ পুদুনা কিলোমীতর ৩,০৯,২৭২গী অরাপ্পা কভর তৌখি। মসিগী মনুংদা ১৪দি ইন্তর্নেস্নেল কার্গো ফ্লাইৎশিংনি। ইন্দিগোনা কার্গো ফ্লাইৎ ৯৫ ওপরেৎ তৌবগা লোয়ননা কার্গো তন ৪৭০ পুদুনা কিলোমীতর ১,৫৯,১৫৮গী অরাপ্পা কভর তৌখি অমদি ইন্তর্নেস্নেল ফ্লাইৎ ৩৮ য়াওরি। মসিদা সরকারগীদমক মমল লৌদনা মেদিকেল সপ্লাই পুবসু য়াওরি।  

ভিস্তারানা কার্গো ফ্লাইৎ ২৩ ওপরেৎ তৌদুনা কার্গো তন ১৫০ পুদুনা কিলোমীতর ৩২,৩২১গী অরাপ্পা কভর তৌখি।

ফর্মাস্যুতিকেল, মেদিকেল ইক্বুইপমেন্ত অমসুং কোবিদ-১৯ রিলিফ মেতরিয়েল ত্রান্সপোর্ত তৌনবগীদমক ইস্ত এসিয়াগা লোয়ননা কার্গো এয়র-ব্রিজ অমা হৌদোকখি। এয়র ইন্দিয়ানা পুখিবা মেদিকেল কার্গোগী চাং অসি তন ৯৭২নি। ব্লু দার্তনা ২০২০গী এপ্রিল ১৪দগী হৌরগা মে ৫ ফাওবদা গুৱাংঝৌ অমসুং শংহাইদগী মেদিকেল সপ্লাই তন ১১৪ অমদি হোং কোংদগী তন ২৪ পুরকখ্রে। স্পাইসজেৎনসু ২০২০গী মে ৫ ফাওবদা শংহাই অমসুং গুৱাংঝৌদগী মেদিকেল সপ্লাই তন ২০৪ পুরকখ্রে অমদি ২০২০গী মে ৫ ফাওবদা হোং কোং অমসুং সিঙ্গাপুরদগী মেদিকেল সপ্লাই তন ১৬ পুরকখি।

****