কলচর মন্ত্রলয়গী দিবেলপমেন্ত ওফ ম্যুজিয়ম্স এন্দ কলচরেল স্পেসেস (দি.এম.সি.এস.)না ঙসি সত্যজিৎ রেগী চহি চাম্মা শুবগী কুমওন থৌরম অসি হৌদোকপা ওইনা ‘এ রে ওফ জিনিয়স’ হায়বা অতেনবা ফিল্ম অমা দিজিতেল ওইনা লোঞ্চ তৌখ্রে।

ফিল্ম অদু ওনলাইনদা থাদোকপা মতমদা, দি.এম.সি.এস.কী সি.ই.ও. শ্রী রাঘৱেন্দ্র সিংনা হায়খি মদুদি ফিল্ম মচা অসিনা রেগী ফিল্ম নম্বগী অঙকপা শক্তি অমসুং কোলকাতা অমসুং মুম্বাইগী  প্রোফেস্নেলশিংনা পুনশিল্লবা  সাহিত্য, কলা, ইশৈ-নোংমাই  অমসুং দিজাইন শিনথুংনা হেন্দোক-থোইদোকপা এচিভমেন্ত কয়াগী মরমদা উৎলি । ফিল্ম অসি এৱার্দ ফংখ্রবা দায়রেক্তর অনিরুদ্ধ রোই চৌধুরী অমসুং এদিতর অরঘ্যা কমল মিত্রনা সন্দিপ রে অমসুং সোসাইতী ফোর দ প্রিজর্ভেসন ওফ সত্যজিৎ রে আর্কাইভকী মতেংনা পুথোকখিবনি। ফিল্ম অসিদা দিল্লীগী আর্ত গেলরীগী মতেংদগী ফংলকপা, চহি ৩০ চুপ্না রেগী ক্রোনিক্লর ওইরম্বা নিমায় ঘোশনা নম্বা অফাওবা ফিল্মমেকর অসিনা থবক তৌবগী অঙকপা ফংনা ফজরবা ফোতোগ্রাফ কয়াসু উৎলি।

মহাক্না মখা তানা হায়খি মদুদি, “সত্যজিৎ রে পথের পাঞ্চালী, চারুলাতা, তিন কন্যা, সোনার কেলা অমসুং ‘অপু ত্রিলোজী’গুম্বা ফিল্মগী খুত্থাংদা ঐখোয়গী ৱাখলদা হিংদুনা লৈরি। পাথের পাঞ্চালী (লম্বীগী ইশৈ)না ভারতকী সিনেমাবু মালেমগী থাক্তা পুথোকখি। কলচর মন্ত্রালয়গী দিবেলপমেন্ত ওফ ম্যুজিয়ম্স এন্দ কলচরেল স্পেসেসনা, সত্যজিৎ রে মোশন-পিকচর দাইরেক্তর, রাইতর অমসুং ইল্সত্রেতর অমা ওইনা মহাক্কী হিরম অদগী হেন্না খংবা হৈবগীদমক্তা ইকাই খুম্নবা উৎপা ওইনা ‘এ রে ওফ় জিনিয়স’ অসি খোদোল তম্বদা য়াম্না পেঞ্জৈ। স্ক্রীনিং অসিগা লোইননা ঙসি মে ২ , ২০২০দা সত্যজিৎ রেগী চহি চাম্মা শুবগী মপোক কুমোওনগী থৌরম হৌদোকখি”, হায়না শ্রী রঘৱেন্দ্রা সিংহনা মখাতানা পনখি ।

থৌদোক অদুদা, দি.এম.সি.এস.গী ওফিসিয়েল ওইবা ফেসবুক পেজ অমসুং য়ুত্যুব চেনেলসু লোঞ্চ তৌখ্রে মসিনা সত্যজিৎ রায়গী নীংশিং কুমওনগী থৌরমদা পাংথোকখিবা অতোপ্পা থৌরম কয়া অমসুং উৎকনি। ভ্যুৱরশিংনা য়েংনবা, লাইক তৌনবা অমসুং ফোলো তৌনবা মখাদা পীরিবা লিঙ্ক অসিদা চংবীয়ু।

ফেসবুক পেজ: https://www.facebook.com/A-Ray-of-Genius-Satyajit-Ray-Centenary-Celebrations-110004454032751/

য়ুত্যুব চেনেল: https://www.youtube.com/channel/UC3fwhFWVAjAXV5-T7q76Aaw/?guided_help_flow=5

ত্বীত্তর হেন্দল: https://twitter.com/a_dmcs

ভারত সরকারগী কলচর মন্ত্রলয় মখাদা দিবেলপমেন্ত ওফ ম্যুজিয়ম এন্দকলচরেল স্পেসেস  (দি.এম.সি.এস.)না ভারত্তা আইকোনিক ওইবা  ম্যুজিয়মশিং অমসুং কলচরেল স্পেসশিং ওইহন্নবগী পান্দমদা  ম্যুজিয়মশিং অমসুং কলচরেল স্পেসশিং  মোর্দনাইজ, অপগ্রেদ অমসুং ক্যুরেৎ তৌনবা খঙহল্লকখ্রে।

****