ৱাইল্দলাইফ পার্কশিং অমসুং ৱাইলদর্নেস এরিয়াশিংনা মী খুদিংমক্তা তোঙান তোঙানবা এক্সপরিয়েন্সকীদমক্তা তোপতোপ্পা খুদোংচাবশিং পীরি। তুরিজমগী মন্ত্রালয়গী দেখো অপ্না দেশকী ১৩সুবা সেসনগী ৱেবিনার অমা মে ১, ২০২০দা ‘দেস্তিনেসন - সরিস্কা তাইগর রিজর্ব’ হায়না মিংথোনবা অসি রাজস্থানগী অলৱর জিলাদা লৈবা সরিস্কা তাইগর রিজর্বকী মনুংদা লমকোইবা মীগীদমক্তা ওইবা প্রজেন্তেশন অমসুং ৱাইলদলাইফ এদভেঞ্চরগী, সফারী এক্সপরিয়েন্সকীভর্চুৱল তুরনি।

ৱেবিনার অদু সরিস্কা মেনর, তেহলাগী ফাউন্দর শ্রী গজেন্দ্র পনৱার অমসুং ইমেন্স মার্কেতিংগী সি.ই.ও. শ্রী ধিরজ ত্রিবেদীনা উৎখি।

সরিস্কা তাইগর রিজর্ব অসি অরাৱলী হিল্সতা, অলৱরদগী কিলোমীতর ৩৫, দিল্লীগী সাউথ ৱেস্ততা কিলোমীতর ২৫০ অমসুং জয়পুরগী নোর্থ ইস্ততা কিলোমীতর ১১০. অলৱরগী মহারাজাগী হান্না শাদানফম ওইরম্বা সরিস্কা ভেলী অসিদা মখল কয়া অমগী ফ্লোরা অমসুং ফাওনা ফংঙি। পার্ক অসিদা কৈ, কবোকৈ, নিলগাই, সামবার, চিতল অসিনচিংবা লৈ। মফম অসি  উচেকপু পামজবা নুংশিজবশিংগীদি খ্বাইদগী হেন্না নুংঙাইবা মফমনি মরমদি মসিদা ইন্দিয়ন পীফাউল, ক্রেস্তেদ সর্পেন্ত ইগল, সেন্দ গ্রাউস, গোল্দন বেক্ত ৱুদপেক্কর, গ্রেৎ ইন্দিয়ন হোর্ন্দ ওল, ত্রী পাই, ভলচর অমসুং অতোপ্পা ময়াম অমগী য়াম্লবা মশিং মফম অসিদা লৈরি।

সেঙ্কচুরী অসিদা ১০সুবা অমসুং ১১সুবা চহি চাগী মতমদা লৈরম্বা অরিবা লাইশঙশিংগী অতেক অকায়শিং মফম অসিদা চাইথোক্তুনা লৈরি। মসিদা মরু ওইনা পনবা য়াবশিং অদুদি কানকৱারী ফোর্ৎকী অতেক অকায়শিং অমসুং ১০সুবা চহি চাগী নীলকন্থ লাইশঙশিং। লাইশঙ অসিদা চৎপগী লম্বীদি ফবা ওইদে অদুবু মসিদা লৈরিবা আর্কিতেকচর অমসুং খাজুরাহো মানবা অহকপশিং অদুনা মফম অদুদা লাকপশিংদা ঙক্নীংঙাইগী মচাক অমা ওই। নীলকন্থ মহাদেবদা ৮শুবা অমসুং ১২শুবা চহি চাগী মরক্তা শাখিবা হিন্দু অমসুং জৈনগী লাইশঙ ৩০০গী মথক্তা অতেক অকায়শিং লৈ। অভানেরীদা লৈবা চন্দ বাউলী (স্তেপ ৱেল) অসি নিখুম্বা দাইনেস্তীনা শারম্বা অঙম্বা থাক ৩৫০০ লৈবা য়াম্না চাউবা স্তেপৱেলনি, মসি মালেমগী খ্বাইদগী চাউবা স্তেপৱেলশিংগী মরক্তা অমনি। অলৱর অসি হেরিতেজ বিল্দিংশিং, ফোর্ৎশিং, তোম্বশিং অমসুং পেলেসশিংনা থল্লবা সিতীনি। য়েংবদা চিথরোইদাবা মরু ওইবা মফমশিং অদুদি বালা কিলা. ৱিজয় মন্দির লেক পেলেসশিং, ফতেহ জঙ্গ কী গুম্বাদ, মোতী দুংগ্রী অসিনচিংবনি।

প্রোজেক্ত তাইগর অসি এনভাইরনমেন্ত, ফোরেস্ত অমসুং ক্লাইমেৎ চেঞ্জ মন্ত্রলয়গী কেন্দ্রনা পুথোকপা হৌজিক হৌজিক চৎথরিবা স্কিমনি মসিনা কৈশিংগীদমক ওইবা তাইগর রিজর্বতা কৈশিং ঙাকশেন্দুনা থম্নবগীদমক্তা কৈ লৈবা রাজ্যশিংদা কেন্দ্রনা মতেং পীরি। ভারত্তা হৌজিক হৌজিক লমলক্তা কৈ ২,৯৬৭ লৈ, ২০১৮গী খ্বাইদগী নৌবা তাইগর এস্তিমেশন রিপোর্ৎকী মতুং ইন্না  শরুক তংখাইগী মথক্তি মধ্য প্রদেশ অমসুং কর্নাতকাদা লৈ। ২০১৪গী সেন্সসকী মতুং ইন্না মখোয়গী অপুনবা মশিং অদু ২,২২৬ ওইরম্মি মদুদগী মখোয়গী মশিং অদু ৩৩%গী চাংদা হেনগৎলে।  নীংথিনা য়েংশিনবা . ঙাক-শেনবা অমসুং মপুং ওইরিবা মফমশিংদগী মীওইবগী লৈফমশিং অদু মমল খরা পীরগা  মশানা য়াজনা হোংদোকপা অসিনা তাইগর রিজর্বকী মশিংগী সোর্স ভেল্যুশিং লেংদনা থম্বা অসিনা ভারত্তা লৈরিবা কৈশিংগী ফিভম অসি লেপ্তনা হেনগৎলকপগী খ্বাইদগী মরু ওইবা মরম্নি। সরিস্কা অসি ভারত্তা রোয়ল বেঙ্গাল তাইগরশিং রিলোকেৎ তৌবদা মাইপাকখিবা অহানবা তাইগর রিজর্বনি অমসুং হৌজিক হৌজিক রিজর্ব অসিদা চাউরাক্না কৈ ২০ লৈ।

তুরিজম মন্ত্রালয়গী ৱেবিনার সিরিজ অসিগী পান্দমদি ময়াম্না খঙনদবা মফমশিং অমসুং মমিং চৎপা মফমশিংগী ময়াম্না  খঙনদবা শক্তমশিং য়াওনা ভারতকী তুরিজমগী মফমশিংগী মতাংদা এৱ্যরনেস পীবা অমসুং মসিবু প্রোমোৎ তৌবনি।

কনাগুম্বা ৱেবিনার অসিবু য়াওবা ঙমহৌদবশিংগীদমক্তা, সেসনশিং অদু https://www.youtube.com/channel/UCbzIbBmMvtvH7d6Zo_ZEHDA/featuredদা ফংবীগনি অমসুং ভারত সরকারগী তুরিজম মন্ত্রালয়গী ওইবা সোসিয়েল মীদিয়াশিংদসু ফংবিগনি।

****