ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଏବଂ ଥାଇଲାଣ୍ଡ ପ୍ରଧାନମନ୍ତ୍ରୀ ପ୍ରୟୁତ ଚାଂ-ଓ-ଚାଙ୍କ ମଧ୍ୟରେ ଟେଲିଫୋନ ବାର୍ତ୍ତାଳାପ
Posted On:
01 MAY 2020 7:30PM by PIB Bhubaneshwar
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ଥାଇଲାଣ୍ଡ ପ୍ରଧାମନ୍ତ୍ରୀ ମହାମହିମ ପ୍ରୟୁତ ଚାଂ-ଓ-ଚାଙ୍କ ସହିତ ଟେଲିଫୋନ ଯୋଗେ କଥାବାର୍ତ୍ତା କରିଛନ୍ତି ।
ASEAN ଏବଂ ଆନୁଷଙ୍ଗିକ ସମ୍ମିଳନୀରେ ଯୋଗଦେବା ପାଇଁ ନଭେମ୍ବର 2019ରେ ବ୍ୟାଙ୍କକ ଗସ୍ତକୁ ସ୍ମରଣ କରି ପ୍ରଧାନମନ୍ତ୍ରୀ ଥାଇଲାଣ୍ଡର ରାଜକୀୟ ପରିବାରର ସଦସ୍ୟ ତଥା ସେଠାକାର ଲୋକଙ୍କୁ ଶୁଭେଚ୍ଛା ଜଣାଇଛନ୍ତି ।
କୋଭିଡ-19 ମହାମାରୀର ମୁକାବିଲା ପାଇଁ ନିଜ ନିଜ ଦେଶରେ ନିଆଯାଉଥିବା ପଦକ୍ଷେପ ସମ୍ପର୍କରେ ଦୁଇ ନେତା ଅବଗତ ହୋଇଥିଲେ ।
ମହାମାରୀର ମୁକାବିଲା ପାଇଁ ଆଞ୍ଚଳିକ ଏବଂ ବିଶ୍ୱସ୍ତରୀୟ ସହଯୋଗର ମହତ୍ତ୍ୱ ଉପରେ ପ୍ରଧାନମନ୍ତ୍ରୀ କହିଥିଲେ । ଥାଇଲାଣ୍ଡର ଫାର୍ମାସ୍ୟୁଟିକାଲ୍ ଆବଶ୍ୟକତାରେ ସହଯୋଗ କରିବାକୁ ସେ ଭାରତର ପ୍ରତିଶ୍ରୁତିକୁ ଥାଇଲାଣ୍ଡ ପ୍ରଧାନମନ୍ତ୍ରୀଙ୍କୁ ସୁନିଶ୍ଚିତ କରାଇଥିଲେ ।
ଦୁଇ ଦେଶର ଗବେଷକ, ବୈଜ୍ଞାନିକ ଏବଂ ଉଦ୍ଭାବକମାନଙ୍କ ମଧ୍ୟରେ ସହଯୋଗ ବୃଦ୍ଧି ଲାଗି ଉଭୟ ନେତା ସହମତ ହୋଇଥିଲେ ।
ନିଜ ନିଜ ଅଞ୍ଚଳରେ ଉପସ୍ଥିତ ଥିବା ଉଭୟ ଦେଶରେ ନାଗରିକମାନଙ୍କୁ ଦିଆଯାଉଥିବା ସୁବିଧାକୁ ନେତାମାନେ ପ୍ରଶଂସା କରିଥିଲେ ଏବଂ ଏହିପରି ସମର୍ଥନ ଜାରି ରଖିବାକୁ ପ୍ରତିଶୃତି ଦେଇଥିଲେ ।
ଥାଇଲାଣ୍ଡ ଭାରତର ଏକ ଗୁରୁତ୍ୱପୂର୍ଣ୍ଣ ପଡୋଶୀ ଏବଂ ମୂଲ୍ୟବାନ ସାମୁଦ୍ରିକ ଅଂଶୀଦାର ଅଟେ ।
**********
(Release ID: 1620491)
Visitor Counter : 177