ভারত সরকারগী দিপার্তমেন্ত ওফ সাইন্স এন্দ তেক্নোলোগী (দি.এস.তি.)গী মখাদা লৈবা ওতোনোমস ইন্সতিত্যুৎ, জৱাহরলাল নেহরু সেন্তর ফোর এদভান্স সাইন্তিফিক রিসর্চ (জে.এন.সি.এ.আর.)গী সাইন্তিস্তশিংনা কমর্সিয়েলী ওইনা ফংবা করক্যুমিনগা মান্নবা মহৌশাগী ওইবা অমসুং অহোংবা পোত্থোক বর্বরিনগী স্ত্রকচর মোদিফাই তৌদুনা অলঝৈমরগী ইনহিবিতর ওইনা শিজিন্ননবা বর- দি.দা ওনথোকখ্রে। মখোয়গী রিসর্চ ৱার্ক অদু সাইন্তিফিক জর্নেল আই. সাইন্সতা ফোংখ্রে।

অলঝৈমর লাইনা অসি খ্বাইদগী শীনথুংনা শন্দোক্লিবা ন্যুরোদিজিনরতিব দিসওর্দরনি অমসুং দিমেন্সিয়া পুম্নমক্কী ৭০%দি মসিনা থোকহনবনি। মল্তিফেসেতেৎ তোক্সিসিতী ওইবা লাইনা অসিগী মল্তিফেক্তোরিয়েল নেচর অসিনা মরম ওইরগা ইফেক্তিভ ওইবা মেদিকেশন পুথোকপদা রিসর্চরশিংগীদমক্তা অরুবা থবক অমা ওইহল্লি।

প্রোফ. তি. গোবিন্দারাজু, জে.এন.সি.এস.আর.দগী স্বর্নাজায়ন্তিগী ফেলোনা মহৌশাগী ওইবা পোত্থোক্তা য়ুমফম ওইরগা থেরাপেতিক কেন্দিদেৎশিং পুথোক্নবা মহাক্কী তীমবু লমজিংখি অমসুং ভারত অমসুং চাইনাদা ফংবা আইসোক্বিনোলিনগী মহৌশাগী ওইবা পোত্থোক বর্বরিন অসি খনখি অমসুং মসি ত্রেদিশনেল মেদিসিন অমসুং অতোপ্পদসু শিজিন্নৈ। তৌগুম্বসুং বর্বরিন অসি তুমবদা য়াম্না ৱাই অমসুং সেলশিং তোক্সিক ওই। অসিনা মরম ওইরগা বর্বরিনদগীতুম্বা ঙম্বা (মহি ওইবা), এন্তিওক্সিদেন্ত বর-দি.দা ওইনা শেমদোকই। মখোয়না মসি অলঝৈমর লাইনাগী মল্তিফেসেতেদ এমিলোইদ তোক্সিসিতীগী মল্তিফংসনেল ইনহিবিতরনি হায়বা খঙবা ঙমখি।

প্রোতীন এগ্রিগেশন অমসুং এমিলোইদ তোক্সিসিতীনা মপুং ওইনা ন্যুরোনেল সেলশিংদা উবা ফংবা মল্তিফেসেতেদ তোক্সিসিতী থোকহল্লি। রিয়েক্তিব ওক্সিজেন স্পিসীস (আর.ও.এস.) জেনরেৎ তৌবা, মাইতোকোন্দ্রিয়েল দিসফংশন, সীনাপ্তিক সিগ্নেলিংদা অয়েৎপা পীবা অমসুং প্রিমেচ্যোর সেল দেথসু থোকহল্লিবনি। জে.এন.সি.এস.আর.গী তীম্না ইন সেল্যুলো মল্তিফেসেতেদ তোক্সিসিতী অমেল্যোরেৎ তৌনবা মসিগী মল্তিফংশনেল ইনইবিতর অসি পুথোকখিবনি।

বর-দি.গী স্ত্রকচরেল এত্রিব্যুৎশিং অদুনা রিয়েক্তিব ওক্সিজেন স্পিসিস (আর.ও.এস.) জেনরেৎ তৌবা থিংঙি অমসুং ওকসিদেতিভ দেমেজ তৌবদগী কল্লি। বর-দি.না মেতালগী মখা পোনবা অমসুং মখা পোনবা এমীলোইদ বিতা (Aβ) (হায়রিবা অসি অলঝৈমরগী লাইনা অসিনা নারবা মীশিংগী ব্রেনশিংদা ফংবা এমীলোইদ প্লেকশিংগী মরু ওইবা কম্পোনেন্ত অমা ওইনা অলঝৈমরগী লাইনাদা মরু ওইনা য়াওরিবা এমিনো এসিদশিংগী পেপ্তাইৎশিং অদুনি ) অসি পুন্সিন্নবদগী থিংঙি।

তীম অসিনা অলঝৈমরগী লাইনা অসিগী মল্তিফেসেতেদদ Aβ তোক্সিসিতীদা তার্গেৎ তৌবদা ইফেক্তিব ওইনবা পুথোকখিবনি। বর্বরিনদা মিথাইলেতেদ ফেনোলিক আইদ্রোক্সীল গ্রুপ ৪ য়াওই, অদুনা ঈশিংদা তুমদে। মহৌশাগী পোত্থোক ওইবা বর্বরিন অসি ঈশিংদা তুম্বা পোলীফেনোলিক দিরাইবেতিব বর-দি. ফংনবা দিমিথাইলেশন তৌহনখি। বর্বরিনদা দিমিথাইলেশন এজেন্ত BBr3 (বোরোন ত্রাইব্রোমাইৎ)না ত্রীৎমেন্ত তৌবা মতম বর-দি. পুথোকই বর্বরিনগী দিমিথাইলেশন তৌবনা, ফেনোলিক গ্রুপ ৪ অদু ফ্রী ওইরে, ঈশিংদা তুম্বগী চাং হেনগৎহল্লে, এন্তিওক্সিদেন্ত প্রোপর্তী য়াওরে, অমসুং অলঝৈমরগী লাইনা অসিগী মল্তিফেসেতেদ তোক্সিসিতী এমেল্যোরেৎ তৌনবা Cu-কোওরদিনেশন তৌবা। কুপ্থনা নৈনবদা অলঝৈমরগী লাইনাগী Aβ তোক্সিসিতী অসি বর-দি.না মোদ্যুলেৎ তৌবা উবা ফংখি। বর-দি. ত্রীৎমেন্ত তৌবনা মাইতোকোন্দ্রিয়েল দিসফংশন অমসুং মসিগা মান্নবা ন্যুরোনেল তোক্সিসিতী থোকহন্দে, মসিনা প্রিমেচ্যোর এপোপতোসিস (সেল শিবা)দা মতেং পাংঙি, হায়রিবশিং অসিনা মরম ওইরগা বর-দি.বু অলঝৈমরগী লাইনা অসিগী মল্তিফেসেতেদদ Aβ তোক্সিসিতী এমেল্যোরেৎ তৌনবা খ্বাইদগী ওইথোক্কদবা থেরাপেতিক কেন্দিদেৎ অমা ওইহল্লি।

এন্তিওক্সিদেন্ত বর-দি.না রিয়েক্তিব নাইত্রোজেন স্পিসিস (আর.এন.এস.) অমসুং রিয়েক্তিব ওক্সিজেন স্পিসিস (আর.ও.এস.) অনিমক মপুংফানা কোকহল্লি অমসুং দি.এন.এ. শোকপা, প্রোতীন ওক্সিদেশন, অমসুং লিপিদ পেরোক্সিদেশনদগী ঙাকথোকই, হায়রিবশিং অসিনা ন্যুরোনেল দেথ থোকহনগদবা মাংনবগী মশক ওইবা বায়োকেমিকেল কাসকেৎ রিয়েক্সন কয়া অমা থোকহল্লি। বর-দি.না তোক্সিক Aβ ফাইব্রিলার এগ্রিগেৎশিং শেম্বদগী থিংঙি অমসুং ন্যুরোনেল দেথকী মরু ওইবা মরম অমা ওইরিবা মাইতোকোন্দ্রিয়া দিসফংশন তৌবদগী ঙাকথোকই, মখোয়গী সীন্থেতিকেলী ওইনা বর্বরিনবু বর-দি.দা ওন্থোকপা, মল্তিফংশনেল এন্তিওক্সিদেন্ত অঞসুং এগ্রিগেশন মোদ্যুলেতরগী দিজাইন স্ত্রেতেজীনা ইন ভিত্রো অমসুং ইন সেল্যুলো কন্দিশনশিং অনিমক্তা মল্তিপল Aβ তোক্সিসিতী মপুংফানা এমেল্যোরেৎ তৌই।

মসিগী মল্তিফংশনেল এত্রিব্যুৎশিং অসিনা বর-দি. অসি অলঝৈমরগী লাইনাগী মল্তিফেসেতেদ তোক্সিসিতী লায়েংনবা কান্নগদবা থেরাপেতিক্স পুথোক্নবগীদমক্তা ফগদবা কেন্দিদেৎ অমা ওইহল্লি।

ফিগরগী সোর্স: আইসাইন্স, ২০২০

[পব্লিকেশনগী লিঙ্ক:

https://www.cell.com/iscience/fulltext/S2589-0042(20)30189-9.

https://www.cell.com/iscience/fulltext/S2589-0042(20)30189-9#secsectitle0135

পব্লিকেশনগী অকুপ্পা মরোলশিং:

কে. রাজাসেখর, এস. সমান্তা, ভি. বাগোবন্দ, এন.এ. মুরুগন অমসুং তি. গোবিন্দারাজু, এন্তিওক্সিদেন্ত বর্বরিন-দিরাইবেতিব ইনইবিৎস মল্তিফেসেতেদ এমিলোইদ তোক্সিসিতী, আইসাইন্স (সেল প্রেস), ২০২০, ২৩,১০০১০৫. নেচরেল প্রদক্ত দিরাইবদ ইনইবিতর ওফ মল্তিফেসেতেদ এমীলোইদ তোক্সিসিতী ইন অলঝৈমরস দিজীজ ফিগর.

https://www.cell.com/iscience/fulltext/S2589-0042(20)30189-9

অকুপ্পা মরোলগীদমক প্রোফ. তি. গোবিন্দারাজু tgraju@jncasr.ac.in, ফোন নম্বর: ওফিস-080-2208 2969; মোবাইল: 94490 32969 দা কনতেক্ত তৌবীয়ু]

****