ঙাকশেল মন্ত্রালয়
কোবিদ-১৯গী লান্থেংদা আই.এ.এফ.না পীরিবা ঙাক্লৌ
Posted On:
27 APR 2020 6:19PM by PIB Imphal
অনৌবা কোরোনাভাইরস লাইচৎ অসিগী মনুংদা ভারত লৈঙাক্না মথৌ তারক্কদবা পুম্নমক পীবা ঙম্ননবা ইন্দিয়ন এয়র ফোর্স (আই.এ.এফ.)না মশাগী থৌরাং হেনগৎহল্লে। লাইচৎ অসিবু মায় পাক্না থেংনবা ঙম্নবগীদমক স্তেৎ লৈঙাকশিং অমসুং ঙাক্লৌ ওইরিবা এজেন্সিশিংবু মতিক চানা মথৌ তৌবা ঙমহন্নবগীদমক আই.এ.এফ.না হকশেলগা মরী লৈনবা মীওইশিংগা লোয়ননা হিদাক লাংথক অমদি চান-থক্নবা তঙাই ফদনা চংদ্রবা য়াদ্রবা পোৎলমশিং হোনবগী থবক চত্থরি।
এপ্রিল ২৫, ২০২০দা আই.এ.এফ. কী ত্রান্সপোর্ত এয়রক্রাফনা কোবিদ-১৯ লান্থেংননবা হিদাক লাংথক্কা মরি লৈবা মচাক তন ২২ পুদুনা মিজোরমগী লেংপুই এয়রপোর্ততা তাখি। পোৎলমশিংদু মিজোরম অমসুং মেঘালয় লৈঙাক্কীদমক থিনখিবনি। হৌজিক ফাওবদা আই.এ.এফ.না অনা-লায়েংগী খুৎলায় অমদি মরী লৈনবা মচাক তন ৬০০ লোম থিনখ্রে।
কুৱেৎনা ভারত লৈঙাক্তা হায়জরকপগী মতুং ইন্না মীওই ১৫না শাবা আর্ম ফোর্সেস মেদিকেল সর্ভিসেস (এ.এফ.এম.এস.) রেপিদ রেস্পোন্সকী কাংবু অমা এপ্রিল ১১, ২০২০দা কুৱেৎতা থাখি। মখোয়গী থৌদাং লোয়রবা মতুংদা কাংবু অদু এপ্রিল ২৫, ২০২০দা আই.এ.এফ.কী সি-১৩০ এয়রক্রাফতা অমুক লৌখৎলুরে। হল্লকপদা কেন্সর নাবা অথুবগী ওইনা সরজরী মথৌ তারবা চহী ৬কী নুপীমচা অমা মপাগা লোয়ননা পুরকখি।
আই.এ.এফ.কী থবক মফমশিংদা অনৌবা কোরোনাভাইরস শন্দোরকপা থিংননবা সোসিয়েল দিস্তেন্সিং থমদুননা ভারত লৈঙাক্না পীবা চৎন-পথাপ পুম্নমক ঙাক্না চৎনগা লোইননা ওপরেসনগীদমক শেম-শাবগী ফীভম ঙাক্না লৈরি। লৈবাক অসিনা লাইচৎ অসিবু লান্থেংননবা অমদি মায়থিবা পীননবা অচৌবা খোঙথাং অমা লৌখৎলিবা অসিদা শিনফমগী চৎন-পথাপ ঙাক্না মথৌ তারকপা খুদিংমক থেংননবা অচেৎপা ফিরেপ লৌরি।
*****
(Release ID: 1618905)
Visitor Counter : 110
Read this release in:
Gujarati
,
English
,
Urdu
,
Marathi
,
Hindi
,
Assamese
,
Bengali
,
Punjabi
,
Odia
,
Tamil
,
Telugu
,
Kannada