ਏਅਰ ਇੰਡੀਆ, ਅਲਾਇੰਸ ਏਅਰ, ਭਾਰਤੀ ਵਾਯੂ ਸੈਨਾ ਤੇ ਹੋਰ ਪ੍ਰਾਈਵੇਟ ਵਾਹਕਾਂ ਦੁਆਰਾ ‘ਲਾਈਫ਼ਲਾਈਨ ਉਡਾਨ’ ਤਹਿਤ  392 ਉਡਾਨਾਂ ਦਾ ਸੰਚਾਲਨ ਕੀਤਾ ਗਿਆ ਹੈ। ਇਨ੍ਹਾਂ ਵਿੱਚੋਂ 229 ਉਡਾਨਾਂ ਏਅਰ ਇੰਡੀਆ ਅਤੇ ਅਲਾਇੰਸ ਏਅਰ ਦੁਆਰਾ ਸੰਚਾਲਿਤ ਕੀਤੀਆਂ ਗਈਆਂ ਹਨ। ਅੱਜ ਤੱਕ ਲਗਭਗ 736.00 ਟਨ ਮਾਲ ਦੀ ਢੋਆ–ਢੁਆਈ ਕੀਤੀ ਗਈ ਹੈ। ਹੁਣ ਤੱਕ ‘ਲਾਈਫ਼ਲਾਈਨ ਉਡਾਨ’ ਫ਼ਲਾਈਟਸ ਦੁਆਰਾ 3,89,100 ਕਿਲੋਮੀਟਰ ਤੋਂ ਵੱਧ ਦੀ ਹਵਾਈ ਦੂਰੀ ਤੈਅ ਕੀਤੀ ਜਾ ਚੁੱਕੀ ਹੈ। ‘ਲਾਈਫ਼ਲਾਈਨ ਉਡਾਨ’ ਫ਼ਲਾਈਟਸ ਦਾ ਸੰਚਾਲਨ ਸ਼ਹਿਰੀ ਹਵਾਬਾਜ਼ੀ ਮੰਤਰਾਲੇ ਦੁਆਰਾ ਕੋਵਿਡ–19 ਖ਼ਿਲਾਫ਼ ਭਾਰਤ ਦੀ ਜੰਗ ’ਚ ਸਹਿਯੋਗ ਦੇਣ ਲਈ ਦੇਸ਼ ਦੇ ਦੂਰ–ਦੁਰਾਡੇ ਦੇ ਭਾਗਾਂ ਵਿੱਚ ਜ਼ਰੂਰੀ ਮੈਡੀਕਲ ਮਾਲ–ਸਪਲਾਈ ਦੀ ਆਵਾਜਾਈ ਲਈ ਕੀਤਾ ਜਾ ਰਿਹਾ ਹੈ।

‘ਲਾਈਫ਼ਲਾਈਨ ਉਡਾਨ’ ਫ਼ਲਾਈਟਸ ਦਾ ਮਿਤੀ–ਕ੍ਰਮ ਅਨੁਸਾਰ ਵੇਰਵਾ ਨਿਮਨਲਿਖਤ ਹੈ:

  ‘ਲਾਈਫ਼ਲਾਈਨ ਉਡਾਨ’ ਰਾਹੀਂ ਦੇਸ਼ ਅੰਦਰ ਲਿਜਾਂਦੇ ਜਾਣ ਵਾਲੇ ਮਾਲ ’ਚ; ਕੋਵਿਡ–19 ਨਾਲ ਸਬੰਧਿਤ ਰੀਜੈਂਟਸ, ਐਨਜ਼ਾਈਮਜ਼, ਮੈਡੀਕਲ ਉਪਕਰਣ, ਟੈਸਟਿੰਗ ਕਿਟਸ, ਪਰਸਨਲ ਪ੍ਰੋਟੈਕਟਿਵ ਇਕਵਿਪਮੈਂਟ (ਪੀਪੀਈ – PPE), ਮਾਸਕਸ, ਦਸਤਾਨੇ, ਐੱਚਐੱਲਐੱਲ (HLL) ਅਤੇ ਆਈਸੀਐੱਮਆਰ (ICMR) ਦੀ ਹੋਰ ਸਮੱਗਰੀ; ਰਾਜਾਂ / ਕੇਂਦਰ ਸ਼ਾਸਿਤ ਪ੍ਰਦੇਸ਼ਾਂ ਦੀਆਂ ਸਰਕਾਰਾਂ ਦੁਆਰਾ ਮੰਗੇ ਗਏ ਮਾਲ/ਸਾਮਾਨ ਅਤੇ ਡਾਕ ਪੈਕੇਟ ਆਦਿ ਸ਼ਾਮਲ ਹਨ। ਉੱਤਰ–ਪੂਰਬੀ ਖੇਤਰ, ਟਾਪੂ–ਖੇਤਰਾਂ ਅਤੇ ਪਹਾੜੀ ਰਾਜਾਂ ਉੱਤੇ ਖਾਸ ਧਿਆਨ ਕੇਂਦ੍ਰਿਤ ਕੀਤਾ ਗਿਆ ਹੈ। ਏਅਰ ਇੰਡੀਆ ਅਤੇ ਭਾਰਤੀ ਵਾਯੂ ਸੈਨਾ ਨੇ ਮੁੱਖ ਤੌਰ ’ਤੇ ਜੰਮੂ ਤੇ ਕਸ਼ਮੀਰ, ਲਦਾਖ, ਉੱਤਰ–ਪੂਰਬ ਅਤੇ ਹੋਰ ਟਾਪੂ–ਖੇਤਰਾਂ ਲਈ ਤਾਲਮੇਲ ਕੀਤਾ ਹੈ।

ਦੇਸ਼ ਅੰਦਰ ਮਾਲ ਦੀ ਸਪਲਾਈ ਕਰਨ ਵਾਲੇ ਅਪਰੇਟਰ ਸਪਾਈਸ–ਜੈੱਟ, ਬਲੂ ਡਾਰਟ ਅਤੇ ਇੰਡੀਗੋ ਵਪਾਰਕ ਆਧਾਰ ਉੱਤੇ ਮਾਲ–ਵਾਹਕ ਉਡਾਨਾਂ ਦਾ ਸੰਚਾਲਨ ਕਰ ਰਹੇ ਹਨ। ਸਪਾਈਸ–ਜੈੱਟ ਨੇ 24 ਮਾਰਚ ਤੋਂ ਲੈ ਕੇ 26 ਅਪ੍ਰੈਲ 2020 ਤੱਕ 10,69,071 ਕਿਲੋਮੀਟਰ ਦੀ ਦੂਰੀ ਤਹਿ ਕਰਦਿਆਂ 608 ਮਾਲ–ਵਾਹਕ ਉਡਾਨਾਂ ਦਾ ਸੰਚਾਲਨ ਕੀਤਾ ਅਤੇ 4,428 ਟਨ ਮਾਲ ਦੀ ਢੋਆ–ਢੁਆਈ ਕੀਤੀ। ਇਨ੍ਹਾਂ ਵਿੱਚੋਂ 216 ਕੌਮਾਂਤਰੀ ਮਾਲ–ਵਾਹਕ ਉਡਾਨਾਂ ਸਨ। ਬਲੂ ਡਾਰਟ ਨੇ 2,28,085 ਕਿਲੋਮੀਟਰ ਦੀ ਦੂਰੀ ਤਹਿ ਕਰਦਿਆਂ 211 ਮਾਲ–ਵਾਹਕ ਉਡਾਨਾਂ ਦਾ ਸੰਚਾਲਨ ਕੀਤਾ ਅਤੇ 25 ਮਾਰਚ ਤੋਂ ਲੈ ਕੇ 26 ਅਪ੍ਰੈਲ 2020 ਤੱਕ 3,481 ਟਨ ਮਾਲ ਦੀ ਢੋਆ–ਢੁਆਈ ਕੀਤੀ। ਇਨ੍ਹਾਂ ਵਿੱਚੋਂ 10 ਕੌਮਾਂਤਰੀ ਉਡਾਨਾਂ ਸਨ। ਇੰਡੀਗੋ ਨੇ 3 ਅਪ੍ਰੈਲ ਤੋਂ ਲੈ ਕੇ 26 ਅਪ੍ਰੈਲ 2020 ਤੱਕ 77,996 ਕਿਲੋਮੀਟਰ ਦੀ ਦੂਰੀ ਤਹਿ ਕਰਦਿਆਂ 50 ਮਾਲ–ਵਾਹਕ ਉਡਾਨਾਂ ਦਾ ਸੰਚਾਲਨ ਕੀਤਾ ਤੇ ਇਸ ਦੌਰਾਨ 185 ਟਨ ਮਾਲ ਦੀ ਢੋਆ–ਢੁਆਈ ਕੀਤੀ; ਇਨ੍ਹਾਂ ਵਿੱਚੋਂ ਉਸ ਦੀਆਂ 17 ਕੌਮਾਂਤਰੀ ਉਡਾਨਾਂ ਸਨ। ਇਸ ਵਿੱਚ ਸਰਕਾਰ ਲਈ ਮੁਫ਼ਤ ਲਿਜਾਂਦੀਆਂ ਜਾਣ ਵਾਲੀਆਂ ਮੈਡੀਕਲ ਸਪਲਾਈਜ਼ ਵੀ ਸ਼ਾਮਲ ਹਨ। ਵਿਸਤਾਰਾ ਨੇ 19 ਅਪ੍ਰੈਲ ਤੋਂ ਲੈ ਕੇ 26 ਅਪ੍ਰੈਲ 2020 ਤੱਕ 12 ਮਾਲ–ਵਾਹਕ ਉਡਾਨਾਂ ਦਾ ਸੰਚਾਲਨ ਕਰਦਿਆਂ 16,952 ਕਿਲੋਮੀਟਰ ਦੀ ਦੂਰੀ ਤਹਿ ਕੀਤੀ ਅਤੇ 82 ਟਨ ਮਾਲ ਦੀ ਢੋਆ–ਢੁਆਈ ਕੀਤੀ।

ਅੰਤਰਰਾਸ਼ਟਰੀ ਖੇਤਰ– ਫ਼ਾਰਮਾਸਿਊਟੀਕਲਸ, ਮੈਡੀਕਲ ਉਪਕਰਣ ਅਤੇ ਕੋਵਿਡ–19 ਰਾਹਤ ਸਮੱਗਰੀ ਦੀ ਢੋਆ–ਢੁਆਈ ਲਈ ਪੂਰਬੀ ਏਸ਼ੀਆ ਨਾਲ ਇੱਕ ‘ਕਾਰਗੋ ਏਅਰ–ਬ੍ਰਿੱਜ’ (ਮਾਲ ਹਵਾਈ ਪੁਲ) ਸਥਾਪਿਤ ਕੀਤਾ ਗਿਆ ਸੀ। ਏਅਰ ਇੰਡੀਆ ਦੁਆਰਾ ਲਿਆਂਦੀ ਗਈ ਮੈਡੀਕਲ ਮਾਲ–ਸਪਲਾਈ ਦੀ ਮਿਤੀ-ਵਾਰ ਮਾਤਰਾ ਨਿਮਨਲਿਖਤ ਹੈ:

ਉਪਰੋਕਤ ਤੋਂ ਇਲਾਵਾ, ਬਲੂ ਡਾਰਟ 14 ਅਪ੍ਰੈਲ ਤੋਂ ਲੈ ਕੇ 26 ਅਪ੍ਰੈਲ 2020 ਤੱਕ ਗੁਆਂਗਜ਼ੂ ਤੋਂ 109 ਟਨ ਮੈਡੀਕਲ ਸਪਲਾਈਜ਼ ਲਿਆਂਦੀਆਂ ਹਨ। ਬਲੂ ਡਾਰਟ ਨੇ 25 ਅਪ੍ਰੈਲ 2020 ਨੂੰ ਸ਼ੰਘਾਈ ਤੋਂ 5 ਟਨ ਮੈਡੀਕਲ ਮਾਲ ਦੀ ਸਪਲਾਈ ਵੀ ਚੁੱਕੀ ਸੀ। ਸਪਾਈਸ–ਜੈੱਟ ਨੇ ਵੀ 26 ਅਪ੍ਰੈਲ, 2020 ਤੱਕ ਸ਼ੰਘਾਈ ਤੋਂ 140 ਟਨ ਅਤੇ  25 ਅਪ੍ਰੈਲ 2020 ਨੂੰ ਹੌਂਗ ਕੌਂਗ ਅਤੇ ਸਿੰਗਾਪੁਰ ਤੋਂ 13 ਟਨ ਮੈਡੀਕਲ ਸਪਲਾਈ ਚੁੱਕੀ ਸੀ।

****

ਆਰਜੇ/ਐੱਨਜੀ