কোল ইন্দিয়া লিমিতেদ (সি.আই.এল.)না হন্দক্কী ফিস্কেল অসিগীদমক্তা কোইলা ৭১০ মিলিয়ন তন (এম.তি.) পুথোক্কনি অমসুং কমপনী অসিগী কোইলাগী ওফতেক তার্গেৎসু ৭১০ এম.তি. ওইগনি। কেন্দ্রগী কোইলা অমসুং মাইন্সকী মন্ত্রী শ্রী প্রলহাদ জোশীনা এপ্রিল ২২, ২০২০দা ভিদিও কনফরেন্সকী খুথাংদা রাজ্যনা চলাইবা কমপনী অসিগী পর্ফোরমেন্সশিং য়েংশিনবা মতমদা তার্গেৎশিং অসি থমখিবনি।

শ্রী প্রলহাদ জোশীনা হায়খি, “কোরোনা ভাইরসকী লোকদাউন মতুংদা কোইলাগী দিমান্দ অমুক হেনগৎলক্কনি, অদুনা ঐনা কমপনী অসিগী চহি ২০২৩-২৪ ফাওবদা কোইলা তন বিলিয়ন ১ পুথোক্নবগী পান্দম অদু ফংনবা,২০২০-২১গী ফাইনেন্সিয়েল ইয়র অসিদা ৭১০ এম.তি.গী প্রোদক্সন অমসুং ওফতেক তার্গেৎশিং থম্নবা সি.আই.এল.দা তাকখিবনি।”

কেন্দ্রগী কোইলা অমসুং মাইন্সকী মন্ত্রীনা চহি চুপ্পা কোইলা চাং নাইনা পুথোক্নবগী মতাংদা মরু ওইনা হায়খি অমসুং নোংজুথা মনুংদসু পুথোকপদা লেপ্তনবা মথৌ তাবা থৌরাংশিং লৌখৎনবা  সি.আই.এল. মেনেজমেন্ততা খঙহল্লকখ্রে। মহাক্না কঞ্জ্যুমরশিংদা অফবা ক্বালিতীগী কোইলা পীননবা অমসুং চহি চুপ্পা পাৱর প্লান্তশিংদা কোইলা মরাং কাইনা ফংহন্নবা  সি.আই.এল. ওথোরিতীশিংদা হায়খ্রে।

২০২০-২১গী ফাইনেন্সিয়েল ইয়রগীদমক্তা কমপনীগী ওভর বর্দন (ও.বি.) লৌথোক্নবা থমখিবা তার্গেৎ অদু ১ বি.তি.গী প্লানগী মনুং চন্না ক্যুবিক মীতর মিলিয়ন ১৫৮০দা থম্নবা মীফম অদুদা লেপখি। ও.বি. লৌথোকপা হায়বসি মাইনিং তৌবা য়ানবগীদমক্তা কোল শিমশিং এক্সপোজ তৌনবা মথক থংবা লৈবাকশিং অদু লৌথোকপবু খঙনৈ।

“কোরোনাগী লাইচৎ অসিগী মনুংদা ফাওবা মঙাল ফংহন্নবা অহিং নুংথিল খাইদনা থবক কন্না শুরিবা কোইলাগী লান্মীশিং অসিগীদমক্তা ঐনা চাউথোকচৈ অমসুং সি.আই.এল.না মতম চানা নত্ত্রগা মাংজৌননা মখোয়দা পীরিবা তার্গেৎশিং অদু ফংগনি হায়না আশা তৌরি। সরকারনা তার্গেৎশিং অদু ফংবা ঙম্নবগীদমক্তা অঙম্বা মতেং পাংগনি” হায়না শ্রী প্রলহাদ জোশীনা মখাতানা হায়খি।

মন্ত্রীনা মখাতানা সি.আই.এল. মেনেজমেন্ততা হৌজিক হৌজিক্কী ওইনা মপান্দগী কোইলা পুশিল্লকইবা কমপনীশিংদা মখোয়গী দিমান্দশিং অদু পীননবগী ৱারী শানবা হায়খ্রে অমসুং মপানদগী পুশিল্লক্লিবা কোইলাগী মহুৎ শিন্নবা মচা খাইনা পোরমশিং য়াৎনবা পাউতাক পীরকখ্রে।