ইন্দিয়ন রেলৱেগী প্রদক্সন য়ুনিৎ ওইরিবা রেল কোচ ফেক্তরী (আর.সি.এফ.), কপুরথালাদা লৈবাক পুম্বগী লোকদাউনদা নুমিৎ ২৮নি লৈরুরবা মতুংদা ২৩/০৪/২০২০দগী কোচ শাবগী থবক অমুক হৌখ্রে। কোবিদ-১৯গা লান্থেংনবদা হনবা লৈতবা মওংদা  ফেক্তরী অসি হোম এফিয়ারস মন্ত্রালয় অমসুং মফমদুগী লৈঙাক্কী ওইবা চেকশিন থৌরাংগী কাংলোনশিং ইন্দুনা অমুক হাংদোকখিবনি। আর.সি.এফ.কী মফমগী তাউনশিপ মনুংদা লৈবা থবক তৌবা মীওই ৩৭৪৪ পুম্নমক থবক হৌবা য়াবগী অয়াবা পীখ্রে।  হোম এফিয়ারস মন্ত্রালয় অমসুং রাজ্য সরকারগী অয়াবা ফংবগী মতুং ইন্না ইন্দিয়ন রেলৱেগী কোচ শানবা অতৈ মফমশিংসু থবক হৌবা য়ারগনি।

কোচ শাবদা চংবা রিসোর্সকী অৱাৎপা লৈরবসু, আর.সি.এফ. কপুরথালানা থবক তৌবা নুমিৎ নিনীগী মনুংদা কোচ অনি শাবা ঙমখ্রে। এল.ঐচ.বি. হাই কেপাসিতি পারসেল ভান অমা অমসুং লগেজ কম জেনেরেতর কার অমা অসি মথংশিৎনা ২৩/০৪/২০২০ অমসুং ২৪/০৪/২০২০দা শাবা লোইখি।

লোকদাউনগী মতুংদা থবক শুবা লাকপা থৌমী খুদিংমক্তা খুদোংথিবদগী ঙাকথোক্নবা মাস্ক, সেনিতাইজর বোত্তল অমসুং শাপোন য়াওবা ময়োম অমমম পীখি। থবক য়াওবা য়ারবা থৌমী খুদিং অসি কোচ শান্নবগীদমক্তা শেম শাদুনা লৈরবনি। এদমিনিস্ত্রেসনগী লোইশংদা লৈবা ওফিসার খুদিংমক থবক্তা য়াওখ্রে অমসুং স্তাফশিংগী ৩৩%দি মথং মথং কান্নদুনা থবক শুহনগনি। থবক শুফমশিং, লোইশংশিং অমসুং মী লৈনবা মফমশিংদা কোবিদ-১৯গী ৱারোলশিংগী ওইবা পোস্তরশিং অমসুং চেকশিন থৌরাংশিং নপ্তুনা অমসুং ইদুনা থম্মি। শিনমী খুদিংমক মখোইবু শেন্নরিবা মথক থোংবা মীওইশিংনা থবক শুফমদা চৎনগদবা চেকশিন থৌরাংশিংগী মরমদা তাকপী তম্বিরী। থবক শুবা মীওইশিংগী ওইনা থবক শুফম অমসুং লোইশংশিংদা খুৎ য়াওদনা শাপোন মহী থোকহন্নবা অমসুং খুৎ হামফম কয়া অমসু পীরি।

শিন্মী খুদিংমক মতম মান্নদবা শিফট অহুমদা থবক শুহল্লি। শিফট অহুম অসিগী থবক লাকপা মতম, চাক চাবগী মতম অমসুং থবক লোইবগী মতমশু কান্নহল্লি। শিন্মী খুদিংমক থবক লাকপা মতমদা থর্মেল স্কেন্নর শিজিন্নদুনা মখোইগী হকচাংগী অইং-অশা ওল্লি। আর.সি.এফ.কী মফমদা লাকপা গারি খুদিংমক মফম অসিগী চংফমগী গেত্তা লৈবা মিস্ত সেনিতাইজর তন্নেলদা ফাওহন্দুনা মহীক মতাই হাৎপগী থৌওং পাংথোকই। শিন্মী খুদিংমক্না মখোইগী থবক শুফমদা সোসিএল দিস্তেন্সিংগী চৎন কাংলোনশিং অমসুং মশা মউ তনান তনান লৈদুনা লায়নাদগী ঙাকথোক্নবা চেকশিন থৌরাং খুদিংমক লৌখৎলি। আর.সি.এফ. কেম্পসকী মনুংদা লৈবা লালা লাজপৎ রেল হোস্পিতালদা কোবিদ-১৯ নাবগী সিম্পতম উৎপা মীওইশিংগী তোঙানবা কাউন্তর অমসুং ও.পি.দি.শু থম্মি। কোবিদকা মরী লৈনবা থৌওং অমা হেক্তা থেংনবা ঙম্নবা হায়দুনা আর.সি.এফ. কেম্পস্তা ফমুং ২৪ লৈবা ক্বারেন্তাইন তৌনবা মফম অমসুং এল.এল.আর. হোস্পিতালদা ফমুং ৮ লৈবা আইসোলেসন ৱার্দ অমসু শেম শাদুনা লৈরে।

রাজ্যশিংগী ওইবা লোকদাউনগী য়াথংগী মতুং ইন্না , রাজ্য সরকারগী অয়াবা হেক ফংবগা কোচ শানবা অতৈ মফমশিংসু থবক হৌরগনি।