লৈবাক অসিদা থা অহুম চুপ্না চাউরাক্না য়ুমথোং কোতি ২দা হৱাই চেংৱাই কে.জি. অমা য়েনথোক্নবগীদমক্তা  পুথোক পুশিন অমসুং হৱাই চেংৱাইশিং মিল্লিং তৌবগী চাউরবা থবক অমা পাইখৎপা হৌখ্রে। চিরবা তাঞ্জা অসিদা মীয়ামগী প্রোতিনগী অৱাৎপা মেনখৎনবা, কেন্দ্র সরকারনা পি.এম. গরীব  কল্যান অন্না য়োজনা (পি.এম.জি.কে.এ.ৱাই.)গী মখাদা থা অহুম চুপ্না এন.এফ.এস.এ.গী য়ুমথোং খুদিংদা নীংথিনা মিল তৌরবা অমসুং শেংদোক্লবা  কে.জি. অমগী হৱাই চেংৱাইশিং য়েন্থোক্নবা ৱারেপ লৌখ্রে।

কেন্দ্র সরকারগী কঞ্জ্যুমর এফ্যরসকী দিপার্তমেন্তকী লমজিং মখাদা নাফেদনা পাইখৎলকপা থবক অসিদা কেন্দ্র/রাজ্যগী ৱেয়র হাউজিং কোর্পোরেশনগী গোদাউনশিংদগী মিলদা তকথোক্তবা হৱাই চেংৱাইশিং লৌখত্তুনা এফ.এস.এস.এ.আই.না পীবা ক্বালিতীগী স্তেন্দার্দকী মতুং ইন্না হাৱাই চেংৱাইশিং অসিবু মিলদা তকথোক্তুনা নত্ত্রগা নীংথিনা শেংদোক্তুনা  অমসুং  নীংথিনা মিলদা তকথোক্লবা হৱাই চেংৱাইশিং অসিবু রাজ্যশিংদা য়ৌহনবনি। মসিগী মতুংদা নীংথিনা মিলদা তকথোক্লবা হৱাই চেংৱাইশিং অসিবু রাজ্য সরকারগী গোদাঊনশিংদা পুদুনা অমসুং য়েন্থোক্নবগীদমক্তা পি.দি.এস. দুকানশিংদা য়ৌহনবনি।

মিল্লরশিং অদু ওনলাইন ওক্সনগী খুত্থাংদা নাফেদনা আউৎ তর্ন রেসিও (ও.তি.আর.) বিদশিংগী মতুং ইন্না খনগনি। ও.তি.আর. বিদ্দিংদা, য়াওরিবা মিল্লরশিংনা শেংদোকপা, মিল্লিং তৌবা, পেক্কিং তৌবা, পুশিল্লকপা অমসুং পুথোরকপা অনিমক্কী পুথোক পুশিন তৌবদা চংখিবা শেল অদু পারগা মিল তক্ত্রিবা হৱাই চেংৱাইগী ক্বিনতল অমমমদা পারগা  মিলদা তক্লবা হৱাই চেংৱাইগী চাদা ওইনা কোত তৌহনগনি। পেক্কিং অসি কে.জি. ৫০গী বেগতা তৌগনি। মিল্লরশিংদা মিলদা তকপগী মমল অমত্তা পীরোই। মিল্লরশিং অসি পুন্সিন্দুনা কাংলুপ নাইনা শেমগনি। পুথোক্লিবা রাজ্যশিংদদি, মফম অদুদা ফংবা রো মেতরিয়েলশিং অমসুং মিল্লরশিংনা হেন্না পাম্মি। থবক অদু তৌবদা চংবা শেলদগী হৌরগা রেসনগী দুকানশিংদা চংবা শেল য়াওনা য়েন্থোকপা অসিদা চংবা শেল পুম্নমক কেন্দ্র সরকারনা লোইনা পুথোক্কনি।

মসিগী তৌরিবা থবক অসি চেংচাক পুথোক পুশিন তৌবদগী য়াম্না হেন্না চাউই অমসুং য়াম্না হেন্না লুই। হৱাই চেৱাইগী কে.জি. খুদিংমক্না য়ামদ্রবদা ত্রক্তা ত্রিপ অহুম (করিগুম্বা কানদা মরি) ফাওবদি থাংদুনা পুই অমসুং অসিগা চপ মান্ননা লোদিং/অনলোদিংগী থৌওংশু পাংথোক্লি। অরাপ্পা মফমশিংদা পুথোক পুশিন তৌবা অসি পোৎচৈ পুনবা ত্রেনগী খুত্থাংদা তৌই, মতম অয়ামবদদি মখাগী লম্বিদা ত্রকশিংগী খুত্থাংদা পুথোক পুশিন তৌই। প্রজাশিংদা চাউরাক্না ৫.৮৮ এল.এম.তি.গী মিলদা তক্লবা/ শেংদোক্লবা হৱাই চেংৱাইশিং য়েন্থোক্নবগী থৌওং অসিদা চাউরাক্না  ৮.৫ লাখ এম.তি.গী  মিলদা তকথোক্ত্রিবা হৱাই চেংৱাইশিং পুথোক পুশিন তৌগদৌরিবনি। সরকারনা স্কীম অসিগীদমক্তা লৈবাক শিনবা থুংনা লৈরিবা চাউরাক্না ১৬৫ নাফেদকী গোদাউনশিংদা লৈরিবা স্তোকশিং অদু শিজিন্নবগী অয়াবা  পীখ্রে। হৌজিক ফাওবদা নাফেদনা লৈবাক অসিদা লৈরিবা দাল মিল ১০০গী মথক্তা থবক তৌহনখ্রে।

থা খুদিংগী, রেসনগী দুকানশিংগী খুত্থাংদা লৈবাক অসিদা লৈরিবা এন.এফ.এস.এ.গী য়ুমথোং খুদিংমক্তা য়েন্থোক্নবগীদমক্তা ১.৯৬ এল.এম.তি.গীহৱাই চেংৱাইশিংমথৌ তাই। মিলদা তক্লবা / শেংদোক্লবা হৱাই চেংৱাইগী চাউরাক্না শরুক মরি থোকপগী অহুমদি (১.৪৫ এল.এম.তি.গী মথক) রাজ্য সরকারশিং / য়ু.তি.গী এদমিনিস্ত্রেশনশিংদা পীখ্রে। রাজ্য কয়া অমদা থবক অসিগী খোংজেল য়াংখৎনবগীদমক্তা মখোয়গী জুরিসদিক্সনগী মখাদা লৈবা দাল মিলশিংদগী মিলদা তক্লবা হৱাই চেংৱাইশিং লৌখৎনবা হায়খ্রে।

য়েন্থোক্নবগীদমক্তা রাজ্য অমসুং য়ু.তি.শিংনা  থা অমগী চংগদবশিং অদুগী শরুক অহুম থোকপগী শরুক অমদি থুংগদবা মফমশিংদা য়ৌহনখ্রে। রাজ্য অমসুং য়ু.তি. ১৭ মিং ওইনা পল্লবদা – অন্ধ্র প্রদেশ, অসাম, সত্তিশগর, দিল্লী, হরিয়ানা, হিমাচল প্রদেশ, মহারাশ্ত্র, মেঘালায়া, অরুনাচল প্রদেশ, অন্দমানশিং, চান্দিগর, ওরিশা, পঞ্জাব, রাজস্থান, সিক্কিম, তামিল নাদু, তেলঙ্গনানা য়েন্থোকপা হৌখ্রে।অতৈ অতোপ্পা রাজ্য অমসুং য়ু.তি.শিংনশু সোসিয়েল দিস্তেন্সিং অমসুং মীয়ামদা অসোই অঙাম য়াওদনবগীদমক্তা মে থাগী অহানবা চয়োলদা হৱাই চেংৱাইশিং য়েনথোকপগা লোইননা চেংচাকশিং য়েনথোকপদা পুন্না য়েনথোক্নবা ৱারেপ লৌখ্রে। হৌজিক ফাওবদা ৩০,০০০ এম.তি.গী হৱাই চেংৱাইশিং য়েন্থোখ্রে, মসি মে থাগী অহানবা চয়োলদদি হেন্না খোংজেল য়াংখৎলগনি। রাজ্যশিং / য়ু.তি. কয়া অমনা, মরু ওইনা অন্দামানশিং, চান্দিগর, দাদ্রা নাগর হৱেলি, গোৱা, লদাখ, পুদুচেরী, লক্সদ্বীপ অমসুং পঞ্জাবশু য়াওনা থা অহুমগী মিলদা তক্লবা / শেংদোক্লবা হৱাই চেংৱাইশিং অসি অমুক্তদা

দিপার্তমেন্ত ওফ কঞ্জ্যুমর এফ্যরসনা লৌউ-শিংউ অমসুং লৌমীশিংগী য়াইফ-থৌরাং মন্ত্রালয়গী মতেংগা লোইননা . রাজ্যশিং / য়ু.তি.শিং, নাফেদ, দাল মিলশিং অমসুং ৱ্যেরহাউজিং কোরপোরেশনশিংগা খুৎশম্ননা থবক তৌনবা জোইন্ত সেক্রেতরীনা লুচিংবা কাংলুপ মঙা শেমখ্রে। সেক্রেতরী, লৌউশিংঊ অমসুং সেক্রতরী, কঞ্জ্যুমর এফ্যরসনা পুন্না নুংতিগী ওইনা থবক অসিদা খুমাং কয়াম চাউশিনখ্রে হায়বদু কুপ্না য়েংশিল্লি অমসুং গ্রাউন্দ লেভেলদা লৈবা অপনবা অথিংবশিং  অদুশু লৈতনবা হোৎনরি। কেবিনেত সেক্রেতরী মশামক্না য়েন্থোক্লিবা অসিবু নোংমা নোংমগী ওইবা মোংদা কুপ্না শেন্নরি।

কঞ্জ্যুমর এফ্যেরসকী দিপার্তমেন্তনা হৱাই চেংৱাইগী ওইবা অসিগুম্বাচাউরবা থবক অসি অহানবা ওইনা  পাইখৎপনি।থবক অসিদা চাউরাক্না ত্রক ত্রিপ লাখ ২মুক চংগদৌরি অমসুং লোদিং/অনলোদিং তৌবদা চয়োল মরিগী মথক্তা মতম  চংগনি। মসি মহৌশাগী মতমদদি য়াম্না আশা চাউবা কোংথাং অমনি অদুবু লোকদাউন মনুং অসিদদি দাল মিলশিং অমসুং গোদাউনশিংনা ওতস্পোত ওইবা মফমশিংদা লৈবা মরম্না য়াম্না শিংননীঙাই ওইবা থবক্নি। মফমশিং অসিদা থবক থৌরমশিং অসি অসোয় অঙাম য়াওদনা পাংথোপা হায়বসি য়াম্না তঙাইফদে। অসিগুম্বা মফমশিংদদি ত্রকশিং অমসুং লোদিং অমসুং অনলোদিং তৌনবগীদমক্তা লেবরশিংফংবা হায়বসি য়াম্না চাউবা খুদোংচাদবা অমনি।

অয়াম্বা বেনিফিস্যরিশিংনা অহানবা থাগী কোতা অদু এপ্রিল মনুংদা নত্রগা থেংলবদা মেগী অহানবা চয়োলদা ফংগনি। রাজ্যশিং অমসুং য়ু.তি.শিংনা থা অহুমগী হৱাই চেংৱাই পুম্নমক অমুক্তদা য়েন্থোকপা য়াগনি। লেমহৌরিবা রাজ্যশিংগীদমক্তা থা অহুমগী পুন্না মে মনুংদা, য়ারগদি মেগী অহুমশুবা চয়োলদা য়েন্থোক্নবা কন্না হোৎনরি। রাজ্য অমসুং য়ু.তি.শিংনা করি থৌরাং পাইখৎলিবগে হায়বদু এপ্রিলগী ২৪,২০২০দা কঞ্জ্যুমর এফ্যেরসকী সেক্রেতরীনা য়েংশিনখ্রে।  কঞ্জ্যুমর এফ্যেরসকী সেক্রেতরীনা পাইখৎলিবা থৌরাংশিং অদুদা অপেনবা ফোংদোক্লদুনা রাজ্য অমসুং য়ু.তি.শিংদা মখোয়গী কোওপরেশন অমসুং সপোর্তকীদমক্তা থাগৎপা ফোংদোকখ্রে অমসুং লাক্কদৌরিবা চয়োল অসিদা য়েন্থোকপগী থবক অসি হেন্না খুমাং চাউশিল্লগনি হায়বগী আশা তৌরি হায়না ফোংদোকখ্রে।