দিবেলপমেন্ত ওফ নোর্থ-ইস্তর্ন রিজনগী মন্ত্রালয় রাজ্য মন্ত্রী (আই.সি.) অমসুং প্রধান মন্ত্রী ওফিসকী রাজ্য মন্ত্রী দা.জিতেন্দ্রনা কোবিদ-১৯ লান্থেংননবা জম্মু অমসুং কশ্মীরনা শেম-শারিবশিংগী মতাংদা ঙসি য়েংশিনখ্রে। য়েংশিনবা অসি জম্মু অমসুং কশ্মীর য়ুনিয়ন তেরিতোরীগী সেনিয়র ওফিসরশিং, হকশেলগী মহৈলোয়শঙশিং অমদি কোলেজশিংগী মকোকশিংগা লোইননা ভিদিও কনফরেন্সিংগী থোংদা পাংথোকখিবনি। 

রাজ্য মন্ত্রীনা য়ুনিয়ন তেরিতোরীগী হকশেলগা মরি লৈনবশিং, মরু ওইনা কোরোনাভাইরস নীংথিনা লান্থেংনরিবা অনাবশিং য়েংশিল্লিবা জুনিয়র রেসিদেন্ত দোক্তরশিং অমদি মেদিকেল ওফিসরশিংগা হকথেংননা ৱারী শানখি। মালেমসিদা কোবিদ-১৯ লান্থেংনরিবশিংগী মরক্তা ভারত অসি মমাং থংবা পরেংদা য়াওরিবশিংগী মরক্তা অমনি হায়না মহাক্না হায়খি।  জম্মু অমসুং কশ্মীর অসি খঙহৌদনা ওইরক্লিবা ফিভম অসিগা  লান্থেংনবদা কেরলাগুম অফবদা মনুং চল্লে হায়খি। দা.জিতেন্দ্র সিংহনা কোবিদ-১৯ লান্থেংনবদা আরোগ্য সেতু এপ শিজিন্নবগী মতাংদা অমুক্কা হন্না শন্দোক্না তাকখি। মেদিকেল অমসুং হেল্থকেয়রগী থবক তৌবশিং অশোয়-অঙাম য়াওহন্দনবগী মরমদা য়াম্না থৱায় ৱাই অমসুং মরম অসিগীদমক হেল্থকেয়রগী থবক তৌবশিং ঙাক-শেন্নবগী ওর্দিনেন্স চৎনবা হৌখ্রে। য়ুনিয়ন তেরিতোরীনা স্তেন্দরাইজ ওইবা পি.পি.ই কিৎশিং অমদি অতৈ খুৎলায়শিং ফংহন্নবা হায়জরকপদা য়ুনিয়ন তেরিতোরীশিংদা কোরোনাভাইরস তেস্ত তৌনবা চাং নাইনা পি.পি.ই. অমসুং তেস্তিং কিৎশিং ফংহনগনি হায়না মন্ত্রীনা হায়খি। 

য়ুনিয়ন তেরিতোরী অসিগী শেম-শাদুনা থৌরাং তৌবগী মতাংদা প্রজেন্তেসন অমা শেম্লদুনা, হকশেল বিভাগকী ফাইনান্সিএল কম্মিস্নর শ্রী অতল দুল্লুনা য়ুনিয়ন তেরিতোরী অসিদা হৌজিক ফাওবদা পোজিতিব ওইবা অপুনবা মী মশিং ৪৩৪ লৈরে হায়না পাও পীখি। মসিগী মনুংদা ৫৭না জম্মুদগীনি অদুগা ৩৭৭না কশ্মীরদগীনি। ইকাইখুম্নরবা মন্ত্রীনা হায়খি মদুদি মালেমগী মীকোক মশিং মিলিয়ন্দা তেস্ত তৌবগী মতাংদা জম্মু অমসুং কশ্মীরনা দিল্লীগী মথংদা লৈ। মী মিলিয়ন্দা তেস্ত তৌবদা জম্মু অমসুং কশ্মীরদা মী ৮১৮ তেস্ত তৌরি। কশ্মীরদা জোন ৮০ অমসুং জম্মুদনা ১৫ ফনবা লাকশিনবা ঙমখ্রবা জোন্নি হায়না লাওথোকখ্রে। শ্রী দুল্লুনা হায়খি মদুদি কেস খুদিংমক্কী কাংলুপশিংবু য়েংশিন্নবা য়ুনিয়ন তেরিতোরীসিদা কত্থোক্লবা অনা লায়েংশঙ শেমগৎখ্রে। য়ুনিয়ন তেরিতোরী অসিনা অনা লায়েংশঙশিংদা থবক্তগী পোত্থারবা দোক্তর ১২৬ অমুক হন্না থবক তৌহনখ্রে অমদি দি-কন্তামিনেসন তন্নেলশিং অমসুং সেম্পল খোমজিন্নবা বুথ শেমগৎখ্রে।  মমাংথংবা পরিংদা লৈবা পর্সোনেল পুম্নমক্তা মাস্ক অমদি সেফতী কিৎশিং পীখ্রে।

ইকাইখুম্নরবা মন্ত্রীদা লাইনিং-লাইশোনগী মকোক থোংবশিংগা মীফম পাংথোকখি হায়না পাউ পীখি অমদি মীয়াম্না মতেং পাংবীনবা অমদি ময়ুম-ময়ুমদা লাই খুরুম্নবা হায়খ্রে। মমাং থংবা পরিংদা লেপ্লিবা স্তাফশিং অমদি মীশিংদা লাইনা-তীলনা ঙাকথোকপা ঙম্নবা আয়ুশকী দ্রগশিং অমদি হীদাকশিং য়েন্থোকখি।