ভারত সরকারগী লৌউ-শিংউ, কোওপরেসন অমসুং লৌমীশিংগী য়াইফ-থৌরাং বিভাগনা লৌমীশিং অমসুং লৌউ-শিংউগী থবক থৌরমদা নুংঙাইনবা তোঙান-তোঙানবা থৌরাং কয়া  লোকদাউন মনুং অসিদা ফিল্দ লেবেলদা পায়খৎখ্রে। মসিগী মতাংদা হৌজিক ফাওবগী ওইবা ফিভম মখাদা পীরিঃ

১. ইং ২০২০ গী রবী ঋতু মনুংদা হৱাই-চেংৱাই অমসুং থাও শুংবা য়াবা মরুশিং হৌজিক রাজ্য কুন (২০) দা এম.এস.পি.দা লৈরি। নাফেদ অমসুং এফ.সি.আই.না লুপা করোর ১৩১৩গী ওইগদবা মেত্রিক তন ১,৬৭,৫৭০.৯৫ গী হৱাই-চেংৱাই অমসুং মেত্রিক তন ১,১১,৬৩৮.৫২গী  থাও শুংবা য়াবা মরু লৈশিনখ্রে অমসুং মসিনা লৌমী ১,৭৪,২৮৪ দা কান্নবা ফংহনখ্রে।

২. অৱাং নোংপোক্কী লমদা রাজ্যশিংগী মরক্তা চত্থোক-চৎশিন য়েংশিনবগা লোইননা তঙাইফদবা পোৎলমশিং অমসুং উহৈ অমসুং মনা-মশিং থাবা অমসুং মমলশিং য়েংশিন্নবা তোঙানবা সেল অমা শেমখ্রে।

৩. লৌউ-শিংউ অমসুং লৌমীশিংগী য়াইফ-থৌরাং মনত্রালয়না মহারাস্ত্রগী তিলহৌ পুথোকপা মফমশিংদগী অতোপ্পা রাজ্যশিংদা থাদোক্নবা মহারাস্ত্রা মন্দী বোর্দকা খুৎশম্নরি। হৌজিক্কী ওইনা, নাশিক জিল্লাগী মখাদা এ.পি.এম.সি.না লৈবাক অসিগী তোঙান-তোঙানবা মফমশিং, মমিং ওইনা পল্লবদা দিল্লী, হরিয়ানা, বিহার, তমিল নাদু, পঞ্জাব, কোলকতা, জম্মু কশ্মীর, কর্নাতকা, ওরিশা, গুজরাত, উত্তর প্রদেশ, অসম, রাজস্থান, মাধ্য প্রদেশ অসিনচিংবা লমশিংদা চাং নাইনা নোংমদা ত্রক ৩০০গী চাংদা থারি।

৪. মন্ত্রালয় অসিনা হোলসেলগী কৈথেল চিনবা হন্থনবা অমসুং সপ্লাই চেন হেনগৎনবা খোংথাং কয়া লৌখৎলি। নেস্নেল এগ্রিকলচর মার্কেত (ই-নাম) পোর্তেলবু অনৌবা মোদ্যুল অনী (২), (ক) ৱেয়রহাউসতা য়ুম্ফম ওইবা ত্রেদিং মোদ্যুল অমসুং (খ) ফার্মর প্রদ্যুসর ওর্গানাইজেসন (এফ.পি.ও.) মোদ্যুল হাপকত্তুনা মথৌ হাপখ্রে। ৱেয়রহাউসতা য়ুম্ফম ওইবা ত্রেদিং মোদ্যুল অসিনা লৌমীশিংদা মখোয়গী পোত্থোকশিং অদু ৱেয়রহাউসিং দিবেলপমেন্ত এন্দ রিগুলেতরী ওথোরিতী (দব্লিয়ু.দি.আর.এ.)দা রেজিস্তর তৌরবা কৈথেল অমনি হায়না নোতিফাই তৌবশিংদগী য়োনবা য়াহল্লি। এফ.পি.ও. ত্রেদিং মোদ্যুল অসিনা এফ.পি.ও.শিংনা মখোয়গী পোত্থোকশিংদু কল্লেক্সন সেন্তরশিংদগী ফোতো নত্ত্রগা ক্বালিতী পেরামীতর থাগত্তুনা মন্দীশিংদা চৎলুদনা ওনলাইন বিদীং তৌবা য়াহল্লি। হৌজিক ফাওবদা রাজ্য ১২ (পঞ্জাব, ওরিশা, গুজরাত, রাজস্থান, নোংচুপ বেঙ্গল, মহারাস্ত্রা, হরিয়ানা, আন্ধ্র প্রদেশ, তমিল নাদু, উত্তরাখন্দ, উত্তর প্রদেশ, অমসুং ঝারখন্দ)দগী এফ.পি.ও.শিংনা ললোল-ইতিক্তা শরুক য়াখ্রে।

৫. ঝারখন্দগুম্বা রাজ্যনা ই-নাম প্লেৎফোর্মগী খুথাংদা লৌমীশিংনা মখোয়গী পোত্থোকশিংদুবু ফোতোগা লোয়ননা থাগত্তুনা এ.পি.এম.সি.দা চৎলুদনা ওনলাইন বিদীং য়াহল্লিবা ফার্ম-গেৎ ত্রেদিং তৌবা হৌখ্রে।

৬. ই-নাম প্লেৎফোর্মদা লোজিস্তিক্স এগ্রিগেতরশিংগীদমক য়ুবেরাইজেসনগী মোদ্যুল হৌদোকখ্রে। মসিনা ফার্মদগী পুথোক্লকপা পোত্থোকশিংবু মন্দীদগী অতোপ্পা মফমশিংদা পুথোক-পুশিন তৌবদা থুননবা ত্রেদরশিংনা মখোয়গী মনাক নকপদা লৈবা ত্রান্সপোর্তরশিং থিবদা মতেং পাংহল্লি। মসিগী মোদ্যুল অসিদা ত্রক লাখ ১১.৩৭ অমসুং ত্রান্সপোর্তর লাখ ২.৩ হেনবনা লিঙ্ক তৌরে।