বোর্দর রোদস ওর্গনাইজেশন (বি.আর.ও.)না অপীবা মতমদগী য়াম্না ঙনখৎনা রবি তুরেলগী মথক্তা তুং কোইনা লৈহৌগদবা অনৌবা থোং অমা শাদুনা অমসুং হাংদোক্তুনা লৈবাক অসিগী অতৈ মফমশিংগা পঞ্জাবতা লৈরিবা কাসিৱাল এনক্লেবকা শম্নহনখ্রে। মফম অসিদা লৈরিবা চাওরাক্না সক্ব্যার কিলোমীতর ৩৫ ওইবা এনক্লেব অসি অকক্নবা লোদ পুবা ঙম্মি।

অতাওবা থোং অসি চহি খুদিংগী নোংজু পন্থা য়ৌদ্রিঙৈদা শিদোক্লম্মি অদু নত্ত্রবদি তুরেলগী কল্লবা ঈরৈনা থোং অসিবু চেন্থদুনা পুখিগনি। মসিনা তাকপদি তুরেল অসিগী মনাক্তা লৈরিবা লৈহাও লৈরবা লম এক্কর লিশিং কয়া নোংজু পন্থাদা লৌমীশিং লৌ উবা য়াদদুনা লৈরি হায়বনি। মফম অদুদা লৈরিবা মীশিং অমসুং অর্মী (এনক্লেব অদুগী লৈরিবা ফিভম অদুগী মতুং ইন্না ) না মতম পুম্বদা নোংজু-নুংশা খায়দনা এনক্লেব অসিগা শম্নগদবা ক্লাস ৭০গী তুংকোইনা চৎকদবা থোং অমা মথৌ তাই। বোর্দর রোদস ওর্গনাইজেশন্না তুংকোইনা লৈহৌগদবা থোং অমা শানবগীদমক্তা খনখি অমসুং শিনখি।

মীতর ৪৮৪ শাংবা থোং অসি প্রোজেক্ত চেতক্কী ৪৯ বোর্দর রোদস তাস্ক ফোর্স (বি.আর.তি.এফ.)কী ১৪১ মেন্তিনেন্স কোয়না শাখিবনি। লুপা কোতি ১৭.৮৯ চংবা থোং অসি এপ্রোচ য়াওদনা অমমম্না মীতর ৩০.২৫ শাংবা সেল ১৬ য়াওই।

বোর্দর রোদস ওর্গনাইজেশন্না লৌমীশিংনা মখোয়গী লোকপা পোত্থোকশিং অদুবু কৈথেলদা কোম্না পুথোক পুশিন তৌবা য়ানবা ৱৈসাখীগী মতম নংনবা হাংদোক্নবা খন্নখি। ১৬শুবা অমসুং অরোইবা সেল দিভিজন অদু মার্চ ১৫, ২০২০দা লোইশিনখি অমসুং ঙাকথোক্নবগী শাবা থবক পুম্বা মখা তানা চত্থরম্মি অদুবু থবকশিং অদু কোবিদ-১৯গী লোকদাউন মরম ওইরগা মার্চ ২৩দা থবক অদু লেপখি। মফম অদুদা লৈরিবশিং অদুনা ফৌ-চেং লোকপগী পন্থাদা অৱাবা নংদনবা অমসুং থোং অদু ঈশিং কা হেন্না থোরকপনা মরম ওইরগা অমসুং নোংজু পন্থাদা তুরেল অদুনা ঈচেলগী মাইকৈ হোংবগী মওং লৈবনা শোক্তনবা, বোর্দর রোদ্সনা পঞ্জাব সরকার অমসুং গুর্দাশপুর জিলাগী এদমিনিস্ত্রেসন্দা হায়জখি অমসুং মথৌ তাবা অয়াবা লৌদুনা থবক অদু মখা চথখি।

দাইরেক্তর জেনরেল বোর্দর রোদস (দি.জি.বি.আর.) লেপ্তনেন্ত জেনরেল হরপাল সিংহনা হায়খি মদুদি বি.আর.ও.গী তীম্না থবক অদু কোবিদ-১৯গী মথৌ তাবা চেকশিন থৌরাং পুম্নমক লৌখত্তুনা তৌখিবনি।

অরৈবা রিসোর্স পুম্নমক থৈদোক্তুনা অমসুং অরাপ্পা বেঙ্ককী লাকপা থবক পুম্বা অতেনবা মতমগী মনুংদা লোইশিনখি। ৱৈসাখী লোইরবা মতুংগী অহানবা নিংথৌকাবদা, কৈথেলদা ত্রেক্তর শিজিন্নদুনা মখোয়গী অরোকপশিং অদু পুথোক পুশিন তৌরিবা লৌমীশিংগীদমক্তা থোং অসি হাংদোকখি।