প্রধানমন্ত্রীগী লোইশঙ
প্রধান মন্ত্রী অমসুং আয়রলেন্দগী প্রধান মন্ত্রীগী মরক্তা তেলিফোন্দা ৱারী শানখ্রে
Posted On:
22 APR 2020 7:05PM by PIB Imphal
আয়রলেন্দগী প্রধান মন্ত্রী হিজ এক্সিলেন্সী দা. লিও বরদকরগা লোয়ননা ঙসি তেলিফোন্দা ৱারী শানখিবা মনুংদা প্রধান মন্ত্রীনা কোবিদ-১৯ লাইচৎকী ফিভম অমসুং নাকল অনিমক্না মসিগী হকশেল অমসুং শেনমিৎলোনগী ইম্পেক্ত কন্ত্রোল তৌনবা লৌখৎলিবা খোঙথাংশিংগী মতাংদা খন্ন-নৈনখি।
প্রধান মন্ত্রী বরদকরনা আয়রলেন্দদা ইনফেক্সন থেংনবদা ভারত্তগী হৌখিবা দোক্তরশিং অমসুং নর্শিংনা লৌরিবা থৌদাং অদুবু থাগৎপা ফোংদোকখি। প্রধান মন্ত্রীনা আয়রলেন্দদা লৈরিবা ভারতকী নাগরিকশিংবু ঙাক-শেনবীরিবা অমদি তেঙবাং পীবীরিবা অদুগীদমক প্রধান মন্ত্রী বরদকরবু থাগৎপা ফোংদোকখি অমদি ভারত্তা লৈরিবা আয়রলেন্দগী নাগরিকশিংদা চপ মান্ননা ফংহনগনি হায়না ৱাশকখি।
লাইচৎ অসিগী মায়োক্তা মালেমনা লান্থেংনরিবা অসিদা থৌদাং য়ানবা ভারত অমসুং আয়রলেন্দনা ফার্মাতিকেল অমসুং মেদিকেলগী লমদা মখোয়গী থৌনা হেঙ্গৎহনবা য়াই হায়না লুচিংবা অনিনা য়ানবা পুরকখি। মখোয়না কোবিদকী মতুং আয়রলেন্দগা লোয়ননা অমদি য়ুরোপিয়ন য়ুনিয়নগা লোয়ননা ভারতকী কোওপরেসন হেন্না চেৎশিলহন্নবগীদমক্তসু খন্ন-নৈনখি।
লুচিংবশিংনা ক্রাইসিসকী ওইরক্লিবা ফিভমদা পাউ ফাওনবা অমদি অমগ-অমগা তাথোক-তাশিন তৌবদসু য়ানখি।
(Release ID: 1617377)
Visitor Counter : 148
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam