ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ପ୍ରଧାନମନ୍ତ୍ରୀ ଏବଂ ଆୟର୍ଲାଣ୍ଡ ପ୍ରଧାନମନ୍ତ୍ରୀଙ୍କ ମଧ୍ୟରେ ଟେଲିଫୋନ ବାର୍ତ୍ତାଳାପ
प्रविष्टि तिथि:
22 APR 2020 7:05PM by PIB Bhubaneshwar
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ଆୟର୍ଲାଣ୍ଡ ପ୍ରଧାନମନ୍ତ୍ରୀ ମହାମହିମ ଡଃ ଲିଓ ବାରାଡକରଙ୍କ ସହ ଟେଲିଫୋନରେ କୋଭିଡ-19 ମହାମାରୀ ସଂକ୍ରମଣ ଏବଂ ଏହାଦ୍ଵାରା ଦୁଇ ଦେଶର ସ୍ୱାସ୍ଥ୍ୟ ଓ ଆର୍ଥିକ କ୍ଷେତ୍ରରେ ପଡିଥିବା ପ୍ରଭାବକୁ ନିୟନ୍ତ୍ରଣ କରିବା ଲାଗି କି ପ୍ରକାରର ପଦକ୍ଷେପ ଗ୍ରହଣ କରାଯାଇଛି ସେ ନେଇ ମଧ୍ୟ ଆଲୋଚନା କରିଥିଲେ ।
ଆୟର୍ଲାଣ୍ଡରେ ସଂକ୍ରମଣ ବିରୁଦ୍ଧରେ ଭାରତୀୟ ଡାକ୍ତର ଏବଂ ନର୍ସମାନଙ୍କ ଭୂମିକାକୁ ପ୍ରଧାନମନ୍ତ୍ରୀ ବାରାଡକର ପ୍ରଶଂସା କରିଥିଲେ । ଆୟର୍ଲାଣ୍ଡରେ ରହିଥିବା ଭାରତୀୟଙ୍କୁ ସୁରକ୍ଷା ଓ ସହଯୋଗ ପ୍ରଦାନ କରିଥିବାରୁ ପ୍ରଧାନମନ୍ତ୍ରୀ ବରାଡକରଙ୍କୁ ପ୍ରଧାନମନ୍ତ୍ରୀ ମୋଦୀ ଧନ୍ୟବାଦ ଜଣାଇଥିଲେ ଏବଂ ଭାରତରେ ରହିଥିବା ଆୟର୍ଲାଣ୍ଡ ନାଗରିକଙ୍କୁ ସେଭଳି ସୁବିଧା ପ୍ରଦାନ କରିବା ଲାଗି ପ୍ରତିଶୃତି ଦେଇଥିଲେ ।
ଭାରତ ଏବଂ ଆୟର୍ଲାଣ୍ଡ ଔଷଧ ଏବଂ ଚିକିତ୍ସା କ୍ଷେତ୍ରରେ ନିଜ ନିଜ କ୍ଷମତା ଅନୁସାରେ ଏହି ମହାମାରୀ ଲଢାଇରେ ଅଂଶଗ୍ରହଣ କରିବେ । କୋଭିଡ ପର ପରିସ୍ଥିତିରେ ଆୟର୍ଲାଣ୍ଡ ସହିତ EUକୁ ମଧ୍ୟ ଭାରତର ସହଯୋଗକୁ ମଜବୁତ କରିବା ନେଇ ଉଭୟ ନେତା ବିଚାରବିମର୍ଶ କରିଥିଲେ ।
ଏଭଳି ସଂକଟରେ ବଦଳୁଥିବା ପରିସ୍ଥିତିକୁ ଦୃଷ୍ଟିରେ ରଖି ଦୁଇ ଦେଶ ସମ୍ପର୍କରେ ରହିବା ସହିତ ପରାମର୍ଶ ଆଦାନ ପ୍ରଦାନ କରିବା ନେଇ ଉଭୟ ନେତା ସହମତି ଜଣାଇଥିଲେ ।
**********
(रिलीज़ आईडी: 1617369)
आगंतुक पटल : 296
इस विज्ञप्ति को इन भाषाओं में पढ़ें:
English
,
Urdu
,
Marathi
,
हिन्दी
,
Bengali
,
Manipuri
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam