ಇಪಿಎಫ್‌ಒ 15 ಕೆಲಸದ ದಿನಗಳಲ್ಲಿ ಪಿಎಂಜಿಕೆವೈ ಅಡಿಯಲ್ಲಿ 6.06 ಲಕ್ಷ ಕೋವಿಡ್ -19 ಕ್ಲೈಮ್‍ಗಳನ್ನು ಒಳಗೊಂಡಂತೆ 10.02 ಲಕ್ಷ ಕ್ಲೈಮ್ ಗಳನ್ನು ಪಾವತಿಸಿದೆ

ಒಟ್ಟು ವಿತರಣಾ ಮೊತ್ತ 3600 ಕೋಟಿ ರೂ. ಇದರಲ್ಲಿ 1954 ಕೋಟಿ ರೂ. ಕೋವಿಡ್ 19 ಕ್ಲೈಮ್‍ ಗಳು ಸೇರಿವೆ

ವೇಗದ ವಿಲೇವಾರಿಗಾಗಿ ವಿನ್ಯಾಸಗೊಳಿಸಲಾದ ವಿಶೇಷ ತಂತ್ರಾಶದೊಂದಿಗೆ 3 ಕೆಲಸದ ದಿನಗಳಲ್ಲಿ ಶೇಕಡಾ 90 ಕೋವಿಡ್ 19 ಕ್ಲೈಮ್‍ಗಳನ್ನು ಪಾವತಿಸಲಾಗಿದೆ

ಕಾರ್ಮಿಕ ಮತ್ತು ಉದ್ಯೋಗ ಸಚಿವಾಲಯದ ಶಾಸನಬದ್ಧ ಸಂಸ್ಥೆಯಾದ ಎಂಪ್ಲಾಯೀಸ್ ಪ್ರಾವಿಡೆಂಟ್ ಫಂಡ್ ಆರ್ಗನೈಸೇಶನ್ (ಇಪಿಎಫ್‌ಒ) ಪ್ರಧಾನ ಮಂತ್ರಿ ಗರಿಬ್ ಕಲ್ಯಾಣ್ ಯೋಜನೆ (ಪಿಎಂಜಿಕೆವೈ) ಪ್ಯಾಕೇಜ್ ಅಡಿಯಲ್ಲಿ 6.06 ಲಕ್ಷ ಕೋವಿಡ್-19 ಕ್ಲೈಮ್‌ಗಳು ಸೇರಿದಂತೆ ಒಟ್ಟು 10.02 ಲಕ್ಷ ಕ್ಲೈಮ್‌ಗಳನ್ನು ಕೇವಲ 15 ಕೆಲಸದ ದಿನಗಳಲ್ಲಿ ಇತ್ಯರ್ಥಪಡಿಸಿದೆ. .

ಇದರಲ್ಲಿ ಪಿಎಂಜಿಕೆವೈ ಪ್ಯಾಕೇಜ್ ಅಡಿಯಲ್ಲಿ 1954 ಕೋಟಿ ಸಿಒವಿಐಡಿ ಕ್ಲೈಮ್‌ಗಳು ಸೇರಿ ಒಟ್ಟು ರೂ. 3600.85 ಕೋಟಿ ರೂಪಾಯಿಗಳ ವಿಲೇವಾರಿಯಾಗಿದೆ.

ಲಾಕ್‌ಡೌನ್ ಕಾರಣದಿಂದಾಗಿ ಮೂರನೇ ಒಂದು ಭಾಗದಷ್ಟು ಸಿಬ್ಬಂದಿ ಮಾತ್ರ ಕೆಲಸ ಮಾಡಲು ಸಾಧ್ಯವಾಗಿದ್ದರೂ , 90% ಕೋವಿಡ್-19 ಕ್ಲೈಮ್‌ಗಳನ್ನು 3 ಕೆಲಸದ ದಿನಗಳಲ್ಲಿ ಪಾವತಿಸಲಾಗಿದೆ, ತ್ವರಿತ ವಿಲೇವಾರಿಗಾಗಿ ವಿನ್ಯಾಸಗೊಳಿಸಲಾದ ವಿಶೇಷ ಸಾಫ್ಟ್‌ವೇರ್ ಸೇವಾ ವಿತರಣೆಯಲ್ಲಿ ಹೊಸ ಮಾನದಂಡಗಳನ್ನು ನಿಗದಿಪಡಿಸುತ್ತದೆ.

ಕೇಂದ್ರ ಸರ್ಕಾರ ಕೋವಿಡ್-19 ಸಾಂಕ್ರಾಮಿಕ ರೋಗವನ್ನು ನಿಭಾಯಿಸಲು ಆರ್ಥಿಕವಾಗಿ ದುರ್ಬಲ ವರ್ಗಗಳಿಗೆ ಸಹಾಯ ಮಾಡಲು 26.03.2020 ರಂದು ಪಿಎಂಜಿಕೆವೈ ಯನ್ನು ಪ್ರಾರಂಭಿಸಿತು. ಕೋವಿಡ್-19 ಸಾಂಕ್ರಾಮಿಕ ರೋಗದ ವಿರುದ್ಧ ಹೋರಾಡಲು ಇಪಿಎಫ್ ಯೋಜನೆಯಿಂದ ಹಿಂದೆ ಸರಿಯುವ ಅವಕಾಶವನ್ನು ಸರ್ಕಾರ ಘೋಷಿಸಿತು. ತುರ್ತು ಅಧಿಸೂಚನೆಯು ಇಪಿಎಫ್ ಯೋಜನೆಯಲ್ಲಿ ವಿಶೇಷ ಪ್ಯಾರಾ 68 ಎಲ್ (3) ಅನ್ನು ಪರಿಚಯಿಸಿತು, ಇದರಲ್ಲಿ ಮೂರು ತಿಂಗಳವರೆಗೆ ಮೂಲ ವೇತನ ಮತ್ತು ಡಿಎಗೆ ಮರುಪಾವತಿಸಲಾಗದ ಹಿಂಪಡೆಯುವಿಕೆಯನ್ನು ಒದಗಿಸುತ್ತದೆ ಅಥವಾ ಇಪಿಎಫ್ ಖಾತೆಯಲ್ಲಿ ಸದಸ್ಯರ ಸಾಲಕ್ಕೆ 75% ವರೆಗೆ ಯಾವುದು ಕಡಿಮೆ.ಮೊತ್ತವೋ ಅದನ್ನು ಹಿಂಪಡೆಯುವ ಅವಕಾಶವಿದೆ,

ಆನ್‌ಲೈನ್ ಕೋವಿಡ್-19 ಮುಂಗಡ ಕ್ಲೈಮ್‍ಗಳನ್ನು ಸಲ್ಲಿಸಲು ಸಹ ಇಪಿಎಫ್‌ಒ ಸೌಲಭ್ಯವನ್ನು ಒದಗಿಸಿದೆ, ಇತರ ಸೇವೆಗಳ ಜೊತೆಗೆ ಮೊಬೈಲ್ ಫೋನ್‌ಗಳಿಂದ ಉಮಂಗ್ ಆ್ಯಪ್ ನಲ್ಲಿ ಸಹ ಸಲ್ಲಿಸಬಹುದು.

ಈ ಕಷ್ಟಕರ ಪರಿಸ್ಥಿತಿಯಲ್ಲಿ ಇಪಿಎಫ್‌ಒ ತನ್ನ ಸದಸ್ಯರಿಗೆ ಸೇವೆ ಸಲ್ಲಿಸುವ ಬದ್ಧತೆಯನ್ನು ಪುನರುಚ್ಚರಿಸುತ್ತದೆ ಮತ್ತು ಈ ಬಿಕ್ಕಟ್ಟನ್ನು ನಿವಾರಿಸಲು ಇಪಿಎಫ್‌ಒ ಕಚೇರಿಗಳು ಕಾರ್ಯನಿರ್ವಹಿಸುತ್ತವೆ.

***