লাইফলাইন উরানগী মখাদা ঙসি ফাওবদা ওপরেৎ তৌরিবা কার্গো ফ্লাইৎ ৭৪গী মনুংদা ৫৬তি এয়র ইন্দিয়া গ্রুপনা ওপরেৎ তৌরি। নুমিৎ তরুক (২৬-৩১ মার্চ ২০২০) হেনবদগী এয়র ইন্দিয়া, এলাইন্স এয়র, আই.এ.এফ., পৱন হন্স অমসুং প্রাইবেৎ কেরিয়রশিংনা ফ্লাইৎশিং ওপরেৎ তৌরি। ঙসি ফাওবদা লাইফলাইন উরান ফ্লাইৎশিংনা পাইদুনা চৎখিবা অরাপ্পা অসি কিলোমীতর ৭০,০০০ হেনখ্রে অমদি ঙসি ফাওবদা চাউরাক্না কার্গো তন ৩৮ ত্রান্সপোর্ত তৌখ্রে।

কার্গো মপৈশিং অসিদা মাস্কশিং, গ্লোবশিং অমসুং অতোপ্পা তুমশিলহন্নীংঙাই ওইবা কা হেন্না লুমদবা মফম চাউনা কনবা পোৎলমশিং য়াওরি মদুনা পোৎ তন খুদিংগী অহেনবা কার্গো স্পেস দরকার ওইরি। চেকশিন থৌরাংগা লোয়ননা পেসেঞ্জর ফমফম এরিয়া অমদি ওবর হেদ কেবিন্দা কার্গো স্তোর তৌনবা অখন্নবা অয়াবসু লৌরে।

ইন্তর্নেস্নেল ফ্রন্ততা সিবিল এভিয়েসন মন্ত্রালয় অমসুং এয়র ইন্দিয়ানা ২০২০গী এপ্রিল ৩দগী হৌরগা ক্রিতিকেল মেদিকেল সপ্লাইগীদমক ভারত অমসুং চাইনাগী মরক্তা কার্গো এয়র – ব্রিজ অমা হৌদোক্নবা চাইনিজ ওথোরিতীগা লোয়ননা থবক তৌরি। কোবিদ-১৯গী মায়োক্তা ভারতকী লান্দা মতেং পাংনবগীদমক লৈবাক্কী মনুং হুঞ্জিনবা শরুকশিংদা চংদ্রবা য়াদবা মেদিকেল কার্গো ত্রান্সপোর্ত তৌনবগীদমক সিবিল এভিয়েসন মন্ত্রালয়না লাইফলাইন উরান ফ্লাইৎশিং ওপরেৎ তৌরি।

লাইফলাইন উরান ফ্লাইৎশিংগী দেৎ-ৱাইজ ব্রেকঅপ মখাদা লৈরে:

* লদাখ, দিমাপুর, ইম্ফাল, গুৱাহাতী অমসুং পোর্ত ব্লেয়রগীদমক এয়র ইন্দিয়া অমসুং আই.এ.এফ.না পুন্না থবক তৌমিন্নরি।