হোম ক্বরেন্তাইন তৌরিবা নাগরিকশিং ইফেক্তিব ওইনা ত্রেক তৌনবা অমসুং মখোয় য়ুমদা লৈরি হায়বা অশেংবা খঙদোক্নবা সংয়ম হায়না মিংথোনবা মোবাইল এপ্লিকেসন অমা স্মার্ত সিতিজ মিসন (এস.সি.এম.)গী মখাদা পুনে ম্যুনিসিপাল কোর্পোরেসন্না দিবেলপ তৌরে।

সিতী এদমিনিস্ত্রেসন্না হোম ক্বরেন্তাইন তৌরিবা নাগরিকশিংবু য়েংশিন্নবা তেক্নোলোজী সোলুসনশিংনা কমপ্লিমেন্ত তৌবা এদমিনিস্ত্রেতিবকী খোংথাংশিং লৌখৎলি। সিতী এদমিনিস্ত্রেসন্না নুমিৎ খুদিংগী ওইনা হোম ক্বরেন্তাইন তৌরিবা মীওইশিং য়েংশিন্নবা জোন মঙাগীদমক কত্থোক্লবা তীমশিং এপোইন্ত তৌরি। তীমশিং অসিনা হন্দক্তা ইন্তর্নেস্নেল ত্রিপশিংদগী হল্লকপশিং অমদি কোবিদ-১৯গী ত্রিৎমেন্ত তৌরবা মতুং দিসচার্জ তৌরবা মীওইশিং চেক তৌগনি। হোম ক্বারেন্তাইন স্তাম্প নম্লবা মীওইশিংবু তোঙানবা চিঞ্জাক, ফমুং, কোন-লিক, ফি-রোল অমসুং ৱাশরুম ফংহনব্রা হায়না তীমশিং অসিনা চেক তৌগনি।

হোম ক্বারেন্তাইনগী মখাদা লৈরিবা মখোয়শিং অদুনা সংয়ম মোবাইল এপ্লিকেসন দাউনলোদ তৌরব্রা হায়বদু তীমশিং অসিনা চেক তৌগনি। মোবাইল এপ্লিকেসন অসি জি.পি.এস. ত্রেকিং য়াওরি মদুনা ক্বারেন্তাইন তৌরিবা নাগরিকশিংনা মখোয়গী য়ুমশিং থাদোকপা মতম খুদিংদা সিতী এদমিনিস্ত্রেসন্না খুদক্তা এলর্ত ফংই অমদি লোকেল ৱার্দ নত্ত্রগা লোকেল পুলিস স্তেসনশিংদা পাউ য়ৌহল্লি, তুংদা মখোয়না ইমুংগা পাউ ফাউনৈ।

হোম ক্বারেন্তাইন তৌরিবা নাগরিক পুম্নমক এপ্লিকেসন অসি দাউনলোদ তৌদবা য়াদবা অমদ্ মসিবু ইন্সতোল তৌদবা য়াদবা অমা ওইহল্লি। মসিগী মশক খঙদোক্লবা নাগরিকশিং অসিবু ক্বারেন্তাইন মতম মনুংদা দিভাইসতা য়াওরিবা জি.পি.এস. ফিচর মতম পুম্নমক্তা স্বিচ ওন তৌনবা অমদি পুং ২৪ চুপ্না মোবাইল দিভাইস স্বিচ ওন তৌনবা পাউতাক পীরি। নাগরিকশিংগী মুবমেন্তশিং অদু মোনিতরিং সেলদগী য়েংশিনবা য়াই অমদি অঙাংবা, নাপু নত্ত্রগা অশংবা ওইনা মার্ক তৌই। অঙাংবনা মীওই অদু মতম শাংনা মপান্দা লৈরে হায়বা তাক্লি। নাপু মচুনা মীওই অদু অকক্নবা মফমদা চত্থোক-চৎশিন তৌরি হায়বা তাক্লি অমদি অশংবনা মীওই অদু য়ুম মনুংদা লৈরি হায়বা তাক্লি।

হোম ক্বারেন্তাইন তৌরিবা নাগরিকশিং য়েংশিল্লিবা দেশবোর্দ অমা মখাদা পীরি:

হোম ক্বারেন্তাইন তৌরিবা নাগরিকশিংগী চত্থোক-চৎশিনগী রিয়েল-তাইম ত্রেকিং মখাদা উৎলি: