রাজ্যশিংগী থবক শুবা, মীয়ামগী ৱাকৎ অমসুং পেন্সনগী কেন্দ্র মন্ত্রী ওইরিবা দা. জিতেন্দ্র সিংহনা ভারতকী কোবিদ-১৯গী লান্থেং অসিদা সিবিল সর্ভেন্তশিংনা লৌরিবা অচৌবা থৌদাং অসিবু ইং কুমজা ২০২০গী সিবিল সর্বিস দেনা লাকপদা ঙসি রাজ্য ২৫ অমসুং য়ু.তি. ৫গা লোয়ননা লৈবাক শিনথুংনা পাংথোকখিবা ভিদিও কোলিংগী খুথাংদা শিংথাখ্রে। সর্বিস এসোসিএসন ২৯বু মহৌশাগী ওইবা খুদোংথিবা থোক্লকপা মতমদা থেংননবা পুনশিনবা ঙমখিবা করুনা (সি.এ.আর.য়ু.এন.এ.)বু মাই পাকপগীবা খুদম ওইনা পীদুনা হেন্না চাউবা ইন্তর সর্বিস কোমরেদ্রী অমা শাগৎনবা পুক্নিং চিংশিনখি। সিবিল সর্ভেন্তশিংনা মখোয়গী নোংমগী তলবপু প্রধান মন্ত্রীগী কেয়র ফন্দদা কত্থোক্তুনা সরকারগী কোবিদ-১৯ রিলিফ ওপরেসন অসিদা শৌগৎপগীদমক থাগৎখি। মহাক্না মখাতাখি মদুদি, দিস্ত্রিক্ত কল্লেক্তরশিংনা কোবিদ-১৯ লাইচৎ লান্থেংনবদা মাংজিল থারি অমসুং ভারতনা লাইচৎ অসিবু লাকশিন্নবা হোৎনবা হায়বসি সিবিল সভেন্তশিংগী মথক্তা লৈ।

দা. জিতেন্দ্র সিংহনা হায়খি মদুদি, “মিনিমম গবর্নমেন্ত, মেক্সিমম গবর্নান্স” হায়বসিনা মোদী সরকারগী মোতো ওইরে। হৌখিবা চগী ৬ অসিদা লৈবাক অসিনা গবর্নেমেন্ত ইন্সতিত্যুসনশিংবু নৌনা শেমদোকপা অমসুং রাইৎ সাইজিং তৌবদা সিবিল সর্বিসকী অচৌবা অহোংবা অমা উখ্রে, জোইন্ত সেক্রেতরীগী থাক্তা মাইকৈ কয়া থোক্না য়েংবগুম্বা রিক্রুৎমেন্ত রিফোর্ম, ই-সর্বিস পীবদা মিৎয়েং থমদুনা ময়ামগী ওইবা সর্বিসশিংদা হেন্না ফগৎপা, মীয়াম্না মরুওইনা লৌদুনা লৌখৎপা থৌরাং কয়া অমা উবা ফংখ্রে।

দা. জিতেন্দ্র সিংহনা হায়খি মদুদি, পব্লিক গ্রিভান্সেস রিদ্রেসেল সিস্তেম অসি সেপ্তেম্বর ২০১৯দগী হৌদুনা মশক মওং চাউনা হোংলে, মসিনা মীয়ামগী ৱাকৎ লোইশিনবগী মগুনসু হেনগৎলে অমসুং ৱাকৎশিংগী অতেনবা মতমদা ৱারোইশিন পুরকপা ঙমহল্লে। মসিগা মরী লৈননা, কোবিদ-১৯গী মতাংদা লাকপা মীয়ামগী ৱাকৎ ২৫,০০০ দিনেস্নেল মোনিতর ফোর কোবিদ-১৯ পব্লিক গ্রিভান্সেসতা (https://www.darpg.gov.in) ইং ২০২০গী এপ্রিল ১-২০ ফাওবদা নুমিৎ ২০নিগী মনুংদা ৱাকৎ অমদা নুমিৎ ১.৫৭ মুক্কী চাংচত্তা লোইশিনবা ঙম্লে হায়না মহাক্না হরাউনা ফোংদোকখি।

ইং ২০২০গী এপ্রিলগী ২১দা পাঙথোক্কদবা সিবিল সর্বিসকী নুমিৎকী থৌরম অদু মালেম পুম্বদা কোবিদ-১৯ লাইচৎ শন্দোরকপনা লৈবাক পুম্বা লোকদাউন লাউথোকখিবদগী য়ৈথবা তাখি। ২০১৯ অমসুং ২০২০গী পব্লিক এদমিনিস্ত্রেসন্দা এক্সিলেন্স ফংবগী প্রধান মন্ত্রীগী মনা অদু ইং ২০২০গী ওক্তোবরগী ৩১দা, সর্দার বল্লভভাই পতেলগী মপোক নুমিৎপু ইকাই খুম্নবা ওইনা পীরগনি।

দা. জিতেন্দ্র সিংহনা হৌজিক ফাওবদা মীওই ১,৪৪,৭৩৬ হেনবনা হন্দক থাগী ৮দা লিংখৎখিবা  দি.ও.পি.তিগী ই-লর্নিং প্লেৎফোর্ম (https://igot.gov.in)দা কোবিদ-১৯ লান্থেংননবগীদমক মিং চল্লকখি অমসুং কোর্স অসিবু কেন্দিদেৎ ৯৬,২৬৮না মপুং ফানা লোইশিনখি হায়না অপেনবা ফোংদোকখি।

কেন্দ্র সরকারগী তোঙান-তোঙানবা মন্ত্রালয়শিংদা থবক তৌদুনা সরকারনা কোবিদ-১৯ লান্থেংনবসিদা সিবিল সর্ভেন্তশিংনা প্রধান মন্ত্রী কেয়র ফন্দদা মখোয়গী নোংমগী তলব কত্থোক্তুনা অমসুং সি.এস.আর. কন্ত্রিব্যুসনগী মখাদা লুপা করোর ৪২২৭ মতেং পাংখিবসি পনবদা মতিক চাবা অমনি।