শ্রীনগরদগী কৈন্য কুমারী ফাওবা, জমুদগী শিলোং ফাওবদা নোংমগী থবক শুদুনা খুৎশুমন তাল্লগা চাবা ভারতকী তোঙান-তোঙানবা মফমদগী লাক্লগা থবক শুরিবা মীওইশিংদদি চাবা ফংদবা হায়বসি কোভিদ-১৯গা চপ মান্ননা অৱাবা অমা ওইরি। মখোয়গী খুদোংথিবসিদা নুংনাংবা ফাওরদুনা, নবরত্ন সি.পি.এস.ই. অমা ওইরিবা আর.ই.সি লিমিতেদকী সি.এস.আর. আর্ম অমসুং পাৱর মন্ত্রালয়গী এদমিনিস্ত্রেতিব কন্ত্রোলগী মখাদা লৈবাক অসিগী পাৱর সেক্তর প্রোজেক্তকী শেনথুম থাদবগী মকোক ওইরিবা আর.ই.সি. ফাউন্দেসন্না থোংলবা চানবা, রাসন, য়ুতিলিতী পেকেৎশিং, মাস্ক, সেনিতাইজর অমসুং লৈফম চাফম য়াওনা হৌজিক ফাওবদা লোকদাউন মনুংসিদা নোংমগী খুৎশুমন তাল্লগা চাবা শিন্মী ৭৬,০০০দা অমসুং মখোইগী ইমুং মনুংদা পীবীরি। আর.ই.সি. ফাউন্দেসন্না হান্ননা লুপা করোর ৭ অসিগুম্বা থবক থৌরমশিংদা থাদখ্রে অমসুং মসিদগী হেন্না থাদনবসু শেম শারি।

কেন্দ্রগী পাৱর অমসুং ন্যু এন্দ রিন্যুৱেবল ইনর্জী মন্ত্রী ওইরিবা শ্রী আর.কে. সিংহগী ৱারোল তারদুনা আর.ই.সি.না ভারতনা কোরোনাভাইরসকা লান্থেংনরিবা অসিদা মতেং পাংনবগীদমক প্রধান মন্ত্রীগী সিতিজেন্স এসিস্তেন্স অমসুং ইমর্জেন্সী সিচুৱেসন্স (পি.এম. কেয়র্স) ফন্দদা লুপা করোর ১৫০সু মাঙজৌননা দোনেৎ তৌখ্রবনি। মসিগীসু মথক্তা, আর.ই.সি.গী শিন্মী খুদিংমক্না মশা-মশানা চোংথোক্নরক্তুনা মখোয়গী নোংমগী তলব প্রধান মন্ত্রী নেস্নেল রিলীফ ফন্দদা হাপখ্রে।

আর.ই.সি. ফাউন্দেসন্না রাজ্যশিংনা চলাইজবা পাৱর দিস্ত্রিব্যুসন য়ুতিলিতীশিংগা খুৎশম্নদুনা চানবা পোৎলমশিং, অতোপ্পা মাস্ক অমসুং সেনিতাইজরগী য়ুতিলিতী পেকেৎশিং পীরি। আর.ই.সি.না নুংতিগী মী মরি লৈবা ইমুং অমা চাবা কোন্নগদবা চানবা পেকেৎ ৫০০ য়েন্থোক্নবা দিল্লী পুলিসকা খুৎশম্নখ্রে। আর.ই.সি. ফাউন্দেসন্না ভারতকী তোঙান-তোঙানবা জিল্লাদা লৈরিবা দিস্ত্রিব্যুসন কম্পনীশিং, কলেক্তর অমসুং/নত্ত্রগা দিস্ত্রিক্ত মেজিস্ত্রেৎশিংগী ওফিসশিংদা নুমিৎ ১০দগীনা ৩০নি ফাওবগী নুমিৎ খুদিংগী থোংলবা চানবা পোৎলম য়েন্থোক্নবা ফন্দসু থাদখ্রে। হায়রিবা অসিমক অতোপ্পা জিলাশিংদসু মখোয়গী জগাদা পাঙথোক্নবা ৱারী শান্নরি। মসিগীসু মথক্তা, য়ুম-য়ুমদা থোং থাক্নবা পোৎলম লৈবশিংগীদমক থোংজদুনা চানবা পোৎলমসু পীরি।

বিহার, নোংচুপ বঙ্গাল, ওরিশা, গুজরাত অসিনচিংবদগী লাকপা গুরুগ্রামদা শারিবা আর.ই.সি. ৱার্লদ হেদক্বাতরগী শিন্মী অমসুং নোংমগী খুৎশুমল তাল্লগা চাবা শিন্মী ৩০০ রোম অমসুং অতোপ্পা লৈজদ্রবা মফমদুগী অকোইবদা লৈবা মীওইশিংদসু আতা, চেঙ, হৱাই, থাও, সাপোন, সেনিতাইজর অসিনচিংবা চয়োল খুদিংগী পীরি।