কোবিদ-১৯গী মায়োক্তা লান্থেংনবদা ইন্দিয়ন এয়র ফোর্সনা মাগী অকনবা তেংবাং মখা তানা চত্থরি। আই.এ.এফ.না লৈবাক পুম্বগী ওইনা নোদেল পীফমশিং অমদি ফংফমশিংগী মরক্তা ‘এয়র-ব্রীজ’ শাননবা অমদি য়েংশিন্দুনা থম্নবা মরুওইবা ঙাক্লৌ পীরিবা ইনফ্রাস্ত্রকচরগা লোয়ননা মাগী চত্থোক-চৎশিনগী পাম্বৈশিং অমদি রোতরী ৱিং এয়রক্রাফশিং থাংদোক-থাংজিন তৌখ্রে। আই.এ.এফ.না হকশেলগী থৌমীশিংবু ফ্লাইৎনা পুথোক-পুশিন তৌবগা লোয়ননা পি.পি.ই., তেস্তিং কিৎ, মহিক-মনাই হাৎনবা পোৎলমশিং অমদি অতৈ খুৎশু-খুৎলায়শিং পুথোক-পুশিন তৌখ্রে।  

আই.এ.এফ.না রাজ্য ১৬ অমদি জম্মু-কশ্মীরগী য়ুনিয়ন তেরিতোরীশিং, লদাখ অমদি পুদুচেরীদা ফ্লাইৎনা পোৎলমশিং পুখ্রে। লদাখকী য়ুনিয়ন তেরিতোরীদগী তেস্ত তৌনবা স্বাব সেম্পলশিং মরু ওইনা পুবা তঙাই ফদবনা আই.এ.এফ.না মখা তানা পুরি। মসিদা নত্তনা, আই.এ.এফ.না দি.আর.দি.ও. অমসুং আই.সি.এম.আর. য়াওনা এজেন্সী কয়াগী কোবিদকী তেংবাংগী ওইবা পোৎলমশিং ফ্লাইতা পুখি। হৌজিক ফাওবদা, আই.এ.এফ.না চাউরাক্না তন ৪৫০গী হকশেলগী ওইবা খুৎলাইশিং অমদি তেংবাংগী পোৎলমশিং পুথোক-পুশিন তৌখ্রে।   

ভারত সরকারনা চৎনহনখিবা গাইদলাইনশিংগা লোয়ননা কোবিদ-১৯গী চেকশিন-থৌরাংগী মতাংদা ই-পাওশিং আই.এ.এফ.কী বেজ খুদিংমক্তা ফংহনখ্রে। আই.এ.এফ.কী মফমশিংদা নোবেল কোরোনাভাইরস ঙাকথোক্নবা চেকশিন্না মহিক-মনাই হাৎনবা অমদি সোসিএল দিস্তেন্সিংগী পাম্বৈশিং থমখ্রে। আই.এ.এফ. থৌমীশিং অমদি মখোযগী ইমুং-মনুংগী মীশিংবু তেক্ত-কায়দনা চেকশিন্না থম্নবা পাম্বৈ অমা ওইনা ‘আরোগ্য সেতু’ এপ্লিকেসন অসি শিজিন্নখ্রে।

জাতি অসিনা শোক্নবদগী লৌনবা অনাবা অসিগা মায়োক্ননবা অমদি মায়থিবা পীনবা খোংকাপ লাওনা থাংখিবনা, মথৌ-মশিন অমগুম্না আই.এ.এফ.না অথুবগী ওইনা মথৌ-তাবশিং মপুং ফাহন্নবা অমুক হন্না অচেৎপা ৱাফম থমখ্রে।