প্রধানমন্ত্রীগী লোইশঙ
প্রধান মন্ত্রী অমসুং মালদীবকী রাস্ত্রপতিনা তেলিফোন্দা ৱারী শানখ্রে
Posted On:
20 APR 2020 1:14PM by PIB Imphal
ঙসি পধান মন্ত্রী নরেন্দ্র মোদীনা মালদীবকী রাস্ত্রপতি, হিস এক্সিলেন্সী শ্রী ইব্রাহিম মোহমদ সোলীগা লোয়ননা তেলিফোন্দা ৱারী শানখ্রে।
লুচিংবশিং অসিনা হৌজিক-হৌজিক মখোয়গী লৈবাকশিংদা ওইরিবা কোভিদ-১৯গী ইনফেক্সনগী মতাংদা পাউ তম্নখি।
সার্ক লৈবাকশিংগী মরক্তা য়ানখিবা কোওর্দিনেসন মোদালিতীশিং মিৎকুপ নাহুমশিংনা পায়খৎলিবসিদা অপেনবা ফোংদোক্নখি।
ভারতকী হিদাক লাংথক্কী তীম অমা মালদীবতা অঙনবা শরুক্তা য়ৌখিবা, অমসুং ভারতনা খুদোল তমখিবা চঙদবা য়াদ্রবা হিদক লাংথকশিং অদুনা ইথৎ অসিদা লাইনা শন্দোকপা লাকশিনবদা চাউনা মতেং পাংখ্রে তাবদা প্রধান মন্ত্রীনা হরাউবা ফোঙদোকখি।
মালদীবকুম্বা লমকোইবশিংগী মপান তাংবা শেনমিৎলোন্দা লাইচৎ অসিনা পীরিবা তোপ-তোপ্পা শিংনবা অসি পল্লদুনা, কোভিদ-১৯না হকশেল অমসুং শেনমিৎলোন্দা পীরিবা চৈথেং অসি খরতা ওইরসু হন্থহন্নবগীদমক ভারতকী তেংবাং মখা তানা পীখিগনি হায়না প্রধান মন্ত্রীনা মালদীবকী রাস্ত্রপতিদা থাজবা পীখি।
হৌজিক ওইরিবা হেলথ ক্রাইসিস অমসুং নাকল অনীমক্কী মরীগী অতোপ্পা হীরমশিংদা থোরকপা সমস্যাশিং থেংননবা মখোয়গী ওফিসিএলশিং পাউ ফাওনদুনা লৈনবা লুচিংবা অনিনা য়ানখি।
(Release ID: 1616329)
Visitor Counter : 237
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam