কোবিদ-১৯ গী মায়োক্তা চংশিল্লিবা ভারতকী লান্দা মতেং পাংনবা লৈবাক অসিগী মনুং হুঞ্জিনবা মফমশিংদা মরুওইবা মেদিকেল কার্গো ত্রান্সপোর্ত তৌনবা সিভিল এভিয়েসন মন্ত্রালয়না লাইফলাইন উরান ফ্লাইৎশিং ওপরেৎ তৌরি। এয়র ইন্দিয়া, এলাইন্স এয়র, এ.আই.এফ. অমসুং প্রাইভেৎ কেরিয়রশিংনা লাইফলাইন উরানগী মখাদা ফ্লাইৎ ২৭৪ ওপরেৎ তৌরি। মসিগী মনুংদা ফ্লাইৎ ১৭৫দি এয়র ইন্দিয়া অমসুং এলাইন্স এয়রনা ওপরেৎ তৌরি। ঙসি ফাওবদা ত্রান্সপোর্ত তৌখিবা কার্গো অসি চাউরাক্না তন ৪৬৩.১৫নি। ঙসি ফাওবদা লাইফলাইন উরান ফ্লাইৎশিংনা পায়খিবা এরিয়েল অরাপ্পা অসি কিলোমীতর ২,৭৩,২৭৫নি।

লাইফলাইন উরান ফ্লাইৎশিংগী দেত-ৱাইজ ব্রেকঅপ মখাদা লৈরে:

জম্মু অমসুং কশ্মীর, লাদাখ, ইথৎশিং অমসুং অৱাং নোংপোক লমদমদা ক্রিতিকেল মেদিকেল কার্গো অমসুং অনাবশিং ত্রান্সপোর্ত তৌনবা পৱন হন্স লিমিতেদ য়াওনা হেলিকোপ্তর সর্বিসশিং ওপরেৎ তৌরি।

দোমেস্তিক লাইফলাইন উরান ফ্লাইৎশিংনা হব অমসুং স্পোক মোদেল অমদা ওপরেৎ তৌরি। দিল্লী, মুম্বাই, চেন্নাই, কোলকত্তা, হায়দ্রাবাদ, বেঙ্গলোর অমসুং গুৱাহাতীদা কার্গো হবশিং লিংখৎলি। লাইফলাইন উরান ফ্লাইৎশিংনা মসিগী হবশিং অসিবু দিব্রুগর, অগরতালা, আইজোল, দিমাপুর, ইম্ফাল, জোরহাত, লেংপুই, মৈশুরু, নাগপুর, কোইম্বেতোর, ত্রিবান্দম, ভুবনেশ্বর, রাইপুর, রাঞ্চী, শ্রীনগর, পোর্ত ব্লেয়র, পতনা, কোচিন, বিজয়ৱারা, অহমেদাবাদ, জম্মু, কার্গিল, লদাখ, চান্দীগর, গোৱা, ভোপাল অমসুং পুনেদা লৈরিবা এয়ারপোর্তশিংগা শম্নরি। অৱাং-নোংপোক লমদম, ইথৎ লমদমশিং অমসুং চিংগী রাজ্যশিংদা অখন্নবা মিৎয়েং থম্লি। এয়র ইন্দিয়া অমসুং এলাইন্স এয়রনা জম্মু অমসুং কশ্মীর, লদাখ, অৱাং-নোংপোক অমসুং অতোপ্পা ইথৎ লমদমশিংদা মরুওইনা পুন্না থবক তৌমিন্নরি।  

দোমেস্তিক কার্গো ওপরেতরশিং ব্লু দার্ত, স্পাইস জেৎ অমসুং ইন্দিগোনা কমর্সিয়েল বেসিসতা কার্গো ফ্লাইৎশিং ওপরেৎ তৌরি। স্পাইসজেৎনা ২০২০গী মার্চ ২৪দগী এপ্রিল ১৭ ফাওবগী মনুংদা কার্গো ফ্লাইৎ ৩৯৩ ওপরেৎ তৌবগা লোয়ননা কার্গো তন ৩১৮৩ পুদুনা কিলোমীতর ৫,৬৪,৬৯১গী অরাপ্পা কভর তৌখি। মদুগী মনুংদা ১২৬তি ইন্তর্নেস্নেল কার্গো ফ্লাইৎশিংনি। ব্লু দার্তনা ২০২০গী মার্চ ২৫দগী এপ্রিল ১৭ ফাওবগী মনুংদা দোমেস্তিক কার্গো ফ্লাইৎ ১৩৪ ওপরেৎ তৌবগা লোয়ননা কার্গো তন ২১২২ পুদুনা কিলোমীতর ১,৩২,২৯৫গী অরাপ্পা কভর তৌখি। ইন্দিগোনা ২০২০গী এপ্রিল ৩-১৭ ফাওবগী মনুংদা কার্গো ফ্লাইৎ ২৯ ওপরেৎ তৌবগা লোয়ননা কার্গো তন ৩১ পুদুনা কিলোমীতর ২৬,৬৯৮গী অরাপ্পা কভর তৌখি। মসিদা সরকারগীদমক মমল লৌদনা মেদিকেল সপ্লাই পুবা য়াওরি।

ইন্তর্নেস্নেল সেক্তর - ফার্মাতিকেল, মেদিকেল ইক্বিপমেন্ত অমসুং কোবিদ-১৯ রিলিফ মেতরিয়েলগী ত্রান্সপোর্তেসনগীদমক ২০২০গী এপ্রিল ৪দগী হৌরগা এয়র-ব্রিজ অমা হৌদোক্লে। তাং তাংগী ওইবা পুরকখিবা মেদিকেল কার্গোগী চাং মখাদা লৈরে:

কৃশী উরান প্রোগ্রামগী মখাদা এয়র ইন্দিয়ানা মুম্বাই অমসুং ফ্রেঙ্কফর্তকী মরক্তা মসিগী অনিশুবা ফ্লাই ২০২০গী এপ্রিল ১৫দা ওপরেৎ তৌদুনা ফ্রেঙ্কফর্ত্তা মতম মতমগী ওইবা উহৈ অমসুং মনা-তন ২৭ পুদুনা চৎখি অমদি জেনরেল কার্গো তন ১০গা লোয়ননা হল্লকখি। এয়র ইন্দিয়ানা এপ্রিল ১৩দা মুম্বাই অমসুং লন্দনগী মরক্তা অহানবা ফ্লইৎ ওপরেৎ তৌদুনা তন ২৮.৯৫গী উহৈ অমসুং মনা-মশিং পুখি অমদি জেনরেল কার্গো মেতরিয়েল তন ১৫.৬কা লোয়ননা হল্লকখি। এয়র ই্ন্দিয়ানা দরকারগী মতুং ইন্না ক্রিতিকেল মেদিকেল সপ্লাইশিং ত্রান্সফর তৌনবগীদমক অতোপ্পা লৈবাকশিংদা কত্থোক্লবা সেদ্যুল কার্গো ফ্লাইৎশিং ওপরেৎ তৌগনি। এয়র ইন্দিয়ানা ২০২০গী এপ্রিল ১৫দা দিল্লী-সীচেল্স-মোরিসস-দিল্লীগী মরক্তা অসিগুম্লবা অহানবা ফ্লাইৎ ওপরেৎ তৌদুনা সীচেল্সতা তন ৩.৪গী মেদিকেল সপ্লাই অমসুং মোরিসসতা তন ১২.৬কী মেদিকেল সপ্লাই পুদুনা চৎখি।