প্রধানমন্ত্রীগী লোইশঙ
প্রধান মন্ত্রী অমসুং জোর্দানগী হাশেমাইত কিংদমগী নিংথৌগী মরক্তা তেলিফোন্দা ৱারী শানখ্রে
प्रविष्टि तिथि:
16 APR 2020 7:52PM by PIB Imphal
প্রধান মন্ত্রী শ্রী নরেন্দ্র মোদীনা জোর্দানগী হাশেমাইত কিংদমগী নিংথৌগী হিজ মেজেস্তী কিং অব্দুল্লা IIগা ঙসি তেলিফোন্দা ৱারী শানখ্রে।
প্রধান মন্ত্রীনা লাক্কদৌরিবা শেংলবা রামজান থাগীদমক হিজ মেজেস্তী অমসুং জোর্দানগী প্রজাশিংবু নুংঙাইবা ফোংদোকখি।
লুচিংবা অনিনা কোবিদ-১৯ লাইচৎনা মালেমদা ওইরক্লিবা শিংনবশিং অমদি মসিনা থোকহল্লিবশিং ঙাকথোক্নবা মখোয়-মখোয়গী সরকারশিংনা লৌখৎলিবা খোংথাংশিংগী মতাংদা খন্ন-নৈনখি। মখোয়না ইনফোর্মেশন অমসুং খ্বাইদগী ফবা প্রেক্তিসশিং শেয়ার তৌদুনা অমদি দরকার ওইবা সপ্লাইশিং ফংহন্দুনা খ্বাইদগী ওইথোকপা য়াবা চাংদা অমনা অমগী হোৎনরিবশিংদা মতেং পাংবদা য়ানখি।
প্রধান মন্ত্রীনা জোর্দান্দা লৈরিবা ভারত মচাশিংদা তেঙবাং ফংহনবগীদমক হিজ মেজেস্তীবু থাগৎখি।
লুচিংবশিংনা কোবিদ-১৯গা মরী লৈনবা ইশুশিং লোইননা অতোপ্পা রিজনেল অমসুং গ্লোবেল ইশুশিংদা মখোয়গী তিমশিংনা নক্ননা থবক তৌমিন্নবদা য়ানখি।
(रिलीज़ आईडी: 1615408)
आगंतुक पटल : 213
इस विज्ञप्ति को इन भाषाओं में पढ़ें:
English
,
Urdu
,
Marathi
,
हिन्दी
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam