ভারত সরকারনা ইং ২০২০গী এপ্রিলগী তাং ১৪দা ফোংখিবা চেরোল অমনা লৈবাক অসিদা কোভিদ ১৯ লাইচৎ লাকশিন্নবা কেন্দ্রগী য়ুম্লৈ-কৈরৈ মন্ত্রালয় (এম.ঐচ.এ.)না পীখিবা মপুং ফারবা লোকদাউনগী চৎন-কাঙলোনশিং অদু ইং ২০২০গী মেগী তাং ৩ ফাওবা মখা শমথরগনি হায়খ্রে।

হায়রিবা মথক্কী চেফোং অসিগী মখা তাবা ওইনা ভারত সরকারগী এম.ঐচ.এ.না লৈবাক অসিদা কোভিদ ১৯ লাইচৎ লাকশিন্নবা ভারত সরকারগী মন্ত্রালয়শিং/বিভাগশিং, কেন্দ্র/য়ু.তি সরকারশিংনা চৎনগদবা শেমদোক্লবা হেন্না মপুং ফারবা চৎন-কাঙলোনশিং ফোঙখ্রে। চৎন-কাঙলোনশিং অসিদা কোভিদ ১৯ লাকশিন্নবা জাতিগী থাক্তা চৎনগদবশিং; ওফিস, থবক শুফম, কারখনা অমসুং ইস্তাব্লিস্মেন্তশিংদা চৎনগদবা সোসিয়েল দিস্তেন্সিংগী এস.ও.পিশিং; অমসুং লোকদাউনগী খোঙথাংশিং থুগাইদুনা ইন্দবশিংদা দিজাস্তর মেনেজমেন্ত এক্ত ২০০৫ অমসুং আই.পি.সি, ১৮৬০গী মখাদা লৈবা চান্নবা সেক্সন পান্দুনা পীগদবা দন্দিশিংসু পীরি।

প্রজা মীয়ামগী অৱাবা হন্থননবগীদমক, অহেনবা অখন্নবা থবক খরা ইং ২০২০গী এপ্রিলগী তাং ২০দগী পাঙথোকপা য়াহল্লগনি। অদুমওইনমক হায়রিবা অহেনবা থবকশিং অসি হৌজিক পীরিবা লোকদাউনগী খোঙথাং অসি ইন্দুনা রাজ্য/য়ুনিয়ন তেরিতোরিশিং (য়ু.তিশিং)/ দিস্ত্রিক এদমিনিস্ত্রেসনশিংনা চৎনহনগনি। হায়রিবা কোম্থোক্লবশিং অসি চৎনদ্রিঙৈদা, রাজ্য/য়ুনিয়ন তেরিতোরিশিং (য়ু.তিশিং)/ দিস্ত্রিক এদমিনিস্ত্রেসনশিংনা ওফিস, থবক শুফম, কারখনা অমসুং ইস্তাব্লিস্মেন্তশিংদা চৎনগদবা সোসিয়েল দিস্তেন্সিংগী কাঙলোনশিংদু ইন্ননবা শেম শাগদবনি অমসুং অতোপ্পা কাঙলুপকী ওইবা মথৌ তাবশিংদু মাঙজৌননা লৌখৎকদবনি।

শেমদোক্লবা মপুং ফারবা চৎন-কাঙলোনশিং অসি রাজ্য/য়ু.তি/দিস্ত্রিক এদমিনিস্ত্রেসনশিংনা য়াত্থোক্লবা কন্তেনমেন্ত জোনশিংদদি চৎনরোই। করিগুম্বা কন্তেনমেন্ত জোনশিং অসিদা অনৌবা জগা খরা অমুক হাপকৎলকপা তারবদি, জগাদুদা হান্না অয়াবা পীরম্বা থবক থৌরমশিং অদু ভারত সরকারগী হকশেল অমসুং য়াইফ-য়ুম্বাল মন্ত্রালয় (এম.ও.ঐচ.এফ.দব্ল্যু)গী চৎন-কাঙলোনগী মখাদা অয়াবা পীবা থবক খরা নত্তনা অতৈদি অথিং থমগনি।

এম.ঐচ.এ.না ভারত সরকারগী মন্ত্রালয়শিং/বিভাগশিং অমসুং রাজ্য সরকারশিং/ য়ুনিয়ন তেরিতোরিশিংগী এদমিনিস্ত্রেসনশিংদা মখাদা য়াওরিবা শেমদোক্লবা মপুং ফারবা চৎন-কাঙলোনশিং অসি চৎনহন্নবা হায়রি।

অপুনবা শেমদোক্লবা গাইদলাইনশিং য়েংনবা মসিদা ক্লিক তৌবীয়ু

এম.ঐচ.এ..না স্তেৎ/য়ু.তি.শিংদা থাখিবা চেরোল য়েংননবা মসিদা ক্লিক তৌবীয়ু