ভাৰত চৰকাৰৰ প্ৰধান বৈজ্ঞানিক উপদেষ্টাৰ কাৰ্য্যালয়
পোষ্ট কৰা হৈছে:
13 APR 2020 7:31PM by PIB Guwahati
জনবহুল এলেকাত ক’ভিড-১৯ৰ সংক্ৰমণ নিয়ন্ত্ৰণৰ বাবে কেতবোৰ সৰল নিৰ্দেশনা জাৰি কৰিছে ভাৰত চৰকাৰৰ মুখ্য বৈজ্ঞানিক উপদেষ্টা কাৰ্যালয়ে৷ বিশেষকৈ যিবোৰ অঞ্চলত সামূহিক শৌচালয়, স্নানাগাৰ আৰু কাপোৰ ধোঁৱা হয়, সেইবোৰ এলেকাৰ বাবে এই নিৰ্দেশনা জাৰি কৰা হৈছে৷
ইয়াৰ মুল উদ্দেশ্য হৈছে অনাময় আৰু স্বাস্থ্যসন্মত কাম-কাজৰ উপায়ৰ ক্ষেত্ৰত গুৰুত্ব আৰোপ কৰা, যাৰ জৰিয়তে এই ৰোগ নিয়ন্ত্ৰণত সহায়ক হয়৷
সঘনাই হাত ধোঁৱা ব্যৱস্থাৰ প্ৰয়োজনীয়তাক গুৰুত্ব সহকাৰে লৈ বিশ্বজুৰি মহামাৰী ৰোধৰ বাবে ফলপ্ৰসু ব্যৱস্থা হিচাপে পৰিগণিত নিজে হাত ধোঁৱাৰ বাবে এনে স্থানসমূহত সুলভ ব্যৱস্থাৰ সংস্থাপন কৰিবলৈও নিৰ্দেশনাত উল্লেখ কৰা হৈছে৷
ভৰিৰে চলোৱা ষ্টেচনসমূহে অতি আংশকা থকা এলেকাত প্ৰত্যক্ষভাৱে কোনো সামগ্ৰী চোৱাৰ সমস্যা দুৰ কৰি সংক্ৰমণৰ সম্ভাৱনা কম কৰাৰ লগতে হাত ধোৱাৰ সময়ত পানীও ৰাহি কৰে৷
লকডাউনৰ মাজতো আনকি সমূদায়ৰ স্বেচ্ছাসেৱক আৰু কৰ্তৃপক্ষই স্থানীয়ভাৱে উপলব্ধ সহজলভ্য সামগ্ৰীৰে প্ৰস্তাৱিত ডিজাইন প্ৰস্তুত কৰিবলৈ অনুমতি দিয়া হৈছে৷
ৰাজহুৱা আৰু সমূহীয়া শৌচালয়ত এনে ভৰিৰে চালিত সুবিধা সংস্থাপন কৰিলে হাত ধোঁৱাৰ প্ৰতিও লোকসকল অনুপ্ৰাণিত হ’ব৷
এই নিৰ্দেশনাত সমূদায়ৰ মাজত অনাময় আৰু স্বাস্থ্যসন্মত ব্যৱস্থা বজাই ৰাখিবলৈ শৌচালয় ভালদৰে ব্যৱহাৰ কৰাৰ নিৰ্দেশনাও স্পষ্টকৈ উল্লেখ কৰা আছ৷ সাধাৰণ ব্যৱস্থা যেনে-শৌচালয়ৰ সময়ত সদায় মুখ আৱৰণী আৰু চেণ্ডেল পিন্ধা, ব্যৱহাৰ কৰাৰ পাছতে তৎক্ষণাত হাত ধোৱা আৰু সামাজিক দুৰত্ব বজাই ৰখাৰ ওপৰত আলোকপাত কৰা হৈছে৷ তদুপৰি, এলেকাটো পৰিস্কাৰ আৰু বীজানুমুক্ত কৰাৰ বাবে বীজানুনাশক ব্যৱহাৰ কৰাৰ বিষয়েও সবিশেষ উল্লেখ আছে৷
ইফালে, ৰোগ প্ৰতিৰোধৰ ক্ষেত্ৰত গুৰুত্বপূৰ্ণ ভূমিকা পালন কৰা অগ্ৰণী কৰ্মী আৰু চাফাই কৰ্মীসকলৰ প্ৰতি সহযোগিতা আগবঢ়োৱা আৰু সন্মান প্ৰদৰ্শনৰ সন্দৰ্ভতো উল্লেখ কৰা আছে৷
ভাৰত চৰকাৰৰ বৈজ্ঞানিক উপদেষ্টা অধ্যাপক কে বিজয় ৰাঘৱনে কয় যে ক’ভিড-১৯ মহামাৰীৰ বিৰুদ্ধে ভাৰতে ঐক্যবদ্ধভাৱে অটাইতকৈ ফলপ্ৰসূ পদক্ষেপ হাতত ল’লে৷ ধাৰাবীৰ দৰে জনবহুল এলেকাৰ প্ৰতি অধিক গুৰুত্ব আৰোপ কৰা প্ৰয়োজন৷ পিএছএ কাৰ্যালয়ত ৰখা এই মেনুৱেলে প্ৰতীয়মান কৰিছে কেনেকৈ কৰম থৰচী তথা ফলপ্ৰসূ ব্যৱস্থাৰ অসাধাৰণ ইতিবাছক প্ৰভাৱ থাকে৷ সম্প্ৰদায়ৰ নেতা, এনজিঅ’ আৰু কৰ্পৰেটছক এই পদক্ষেপসমূহ ৰূপায়ণ কৰিবলৈ আহ্বান জনায়৷
এই নিৰ্দেশনাসমূহ ইংৰাজীৰ বাদেও হিন্দী, মাৰাঠী আৰু উৰ্দুকে ধৰি আমাৰ সকলো স্বীকৃতিপ্ৰাপ্ত ভাৰতীয় ভাষাত উপলব্ধ হ’ব৷
****
KGS/DB