দিপার্তমেন্ত ওফ সাইন্স এন্দ তেক্নোলোজী (দি.এস.তি.), গোভর্নমেন্ত ওফ ইন্দিয়াগী মখাদা লৈবা ওতোনোমস ইনস্তিত্যুৎ অমা ওইরিবা শ্রী চিত্রা তিরুনেল ইনস্তিত্যুৎ ফোর মেদিকেল সাইন্স এন্দ তেক্নোলোজী (এস.সি.তি.আই.এম.এস.তি.)গী সাইনতিস্তশিংনা অনাবা মীগী লোক-তিন নীংথিনা থম্নবগীদমক লোক-তিন অমদি অতোপ্পা হকচাঙদগী থোকলকপা মহীশিং মপং ওলহন্নবা অমদি মহীক হাৎনবগীদমক চাং য়াম্না ৱাংবা পোৎশক অমা শেম্লে‍।

এস.সি.তি.আই.এম.এস.তি.গী বাইওমেদিকেল তেক্নোলোজী ৱিংগী দিপার্তমেন্ত ওফ বাইওমেতরিএল সাইন্স এন্দ তেক্নোলোজী দাঃ মঞ্জু এস অমসুং দাঃ মনোজ কোমনাথনা শেমগৎপা চিত্রা এক্রোলোজোর্ব সিক্রেসন সোলিদিফিকেসন সিস্তেম কৌবা পোৎশক অসি লোক-তিন অমসুং হকচাঙদগী থোক্লকপা মহীশিং মপং ওনশিনহন্নবা অমসুং মহীক হাত্তোক্নবা চাং য়াম্না ৱাংনা চুপশিনবা ঙম্বা পোৎশক অমনি‍।

দি.এস.তি. সেক্রেতরী প্রোফেসর অশুতোস শর্ম্মনা হায়, “তোঙান তোঙানবা মখলগী লায়নাশিংনা নারিবা মীওইশিংদগী থোক্লকপা লোক-তিননচিংবা অসি চেকশিন্না মফম চানা মাঙহনবা হায়বসি খ্বায়দগী মরুওইবনি‍। মহীক হাৎপা ঙমবা মচাক য়াওরবা চাং য়াম্না ৱাংনা চুপশিনবা ঙমবা জেল অমা হায়বসি লোক-তিন মৈ থাদোক্ত্রিঙৈগী মমাঙদা খোমজিনবা, তাশিনবা অমদি মফম চানা থম্বদা কান্নবা ৱাফম অমা ওইগনি‍।”

এক্রাইলোজোর্ব অসিনা মশাগী কংলিঙৈগী অরুম্বগী শরুক ২০গী চাংদা মহী চুপশিনবা ঙমই অমদি মনুংদুদা মহীক হাৎপা ঙমবা মচা য়াওরি। মচাক অসি য়াওবা কন্তেনর অদুনা মহীক য়াওরবা মহী অদুবু মপং ওনশিনহন্দুনা (জেল মানবা মওংদা) লেং ওৎপা ঙমহন্দনা থমদুনা নিকথোকপগী ওইথোকপা লৈহন্দে অমদি মহীকশিং অদুবু হাত্তোকই‍। অদুগা মপং ওনশিল্লবা পোৎশক য়াওরবা পাত্র অদু অতৈ বাইওমেদিকেল ৱেস্ত মাংহনবগুম্না মৈ থাদোক্তুনা মাংহনবা য়াই‍। মসিনা হোস্পিতালগী শিন্মীশিংগী খুদোংথিবা হন্থহনগনি, পাত্রশিংদু শেনদোকপা অমদি মহীক পকহন্দনবগীদমক মী মথৌ তাররোই অদুগা মদুবু মফম চানা লোইশিনবদা লায়হল্লগনি‍।

শেমগৎলিবা সিস্তেম অসিদা সক্সন কেনিস্তর অমদি দিসপোজেবল স্পিৎ বেগশিং অসি এক্রাইলোজোর্ব তেক্নোলোজী শীজিন্নদুনা শেম্বনি‍। মখোয়গী মনুংদা এক্রাইলোজোর্ব মচাক মরোল অমা য়াওরি‍। এক্রাইলোজোর্ব সক্সন কেনিস্তর অসিনা আই.সি.য়ু.দা লৈবা অনাবশিং নৎত্রগা অতোপ্পা ৱার্দশিংদা লৈবা লোক-তিন য়াম্না থোকপা অনাবশিংগী লোক-তিন লৌশিনগনি‍। পাত্র অসি নিকথোকপা লৈররোইদবা, শীজিন্নবা লোইবগা মখুম খুমজিনবা য়াবা ওইবনা হান্ননা চৎনদুনা লাকপা বাইওমেদিকেল ৱেস্ত মৈ থাদোকপগী মওংদুদা মাঙহন্বদা চানবা ওই‍। মখুম খুমজিনবা য়ারবা অমদি মাঙহনখিবা য়ারবা এক্রাইলোজোর্ব স্পিৎ বেগ অসিনা চৎপা ঙম্বলিবা নিংশা হোনবগী অনাবশিংনা লোক-তিন শিৎচিন্নবা পীবা মৈ থাদোক্তুনা মাঙহনবা য়াবা পোৎশক্নি‍।

অনাবশিংগী লোক=তিননচিংবশিং মফম চানা হুন্দোকপা হায়বসি হোস্পিতাল খুদিংমক্কী অচৌবা শীংনবা অমনি‍। মসি মরুওইনা কোভিদ-১৯গুম্বা য়াম্না লৌনগনবা লায়নাশিংগী মতাংদদি য়াম্না মরুওই‍। অসিগুম্বা পোৎলমশিং খোমগৎপা অমদি মাঙহনখিবগী থৌওং অসিনা নর্সিং অমসুং শিৎ শেংবগী শিন্মীশিংদা খুদোংথিবা থোকহল্লি‍।

মপুঙ ওইনা আই.সি.য়ু.দদি অসিগুম্বা মহী-মনাইশিংসি সক্সন মেচিন অমনা বোত্তল নৎত্রগা কেনিস্তর অমদা চিংথোক্লগা থল্লবা মতুংদা অমুক মহিক দিকন্তামিনেসন প্রোসেসকী মতুংইন্না স্লুইস রুমদা হৈদোক্কদবনি অদুগা ৱেস্ত ফ্লুইদ দিস্পোজেল সিস্তেমগী খুত্থাঙদা মাঙহনখিগদবনি‍। থৌওংসি চত্থরিঙৈদা পায়থোক পায়শিন তৌবদা অমুক মহীক পক্লকপগী খুদোংথিবগী মথক্তা মহীক মতাং হাৎনবগী মচাক নীংথিনা লৈবা স্লুইস রুম মথৌ তাই অদুগা মসিমকসু মচাক মতিক চানা লৈতবা হোস্পিতালশিংদা অমদি লাইচৎ লাকপা মতমদা খুদক্কী ওইনা শেম্বা আইসোলেসন ৱার্দশিংদদি অরুবা ৱাফম অমা ওইরি‍। চাং য়াম্না ৱাংনা চুপশিনবা ঙম্বা পোৎশক অসিনা অনাবা মীওইশিংগী লোক-তিন নীংথিনা লোইশিনবদা কান্নবা পীগনি‍।

(মখা তাবা অকুপ্পা ৱারোলগীদমক পাউ ফাওনবিয়ুঃ মিস স্বপনা ভমদেভন, পি.আর.ও., এস.সি.তি.আই.এম.এস.তি., মোবাইলঃ ৯৬৫৬৮১৫৯৪৩, ইমেলঃ pro@sctimst.ac.in

*****