ಸೋಂಕು ತಗಲಿದ ಶ್ವಾಸಕೋಶದ ಸ್ರಾವದ ಸುರಕ್ಷಿತ ನಿರ್ವಹಣೆಗೆ ಎಸ್.ಸಿ.ಟಿ.ಐ.ಎಂ.ಎಸ್.ಟಿ. ವಿಜ್ಞಾನಿಗಳಿಂದ ಅತ್ಯುತ್ತಮ ಹೀರಿಕೊಳ್ಳುವ ವಸ್ತುವಿನ ವಿನ್ಯಾಸ

“ಕ್ರಿಮಿನಾಶಕ ವಸ್ತುವನ್ನು ಒಳಗೊಂಡ ಈ ಅತ್ಯುತ್ತಮ ಹೀರಿಕೊಳ್ಳುವ ಜೆಲ್ ಸ್ರಾವಗಳನ್ನು ಭಸ್ಮ ಮಾಡುವ ಮೊದಲು ಅದನ್ನು ಸುರಕ್ಷಿತವಾಗಿ ಸಂಗ್ರಹಿಸುವ, ಒಟ್ಟು ಮಾಡುವ ಮತ್ತು ಬಂಧಿಸಿಡುವ ಆಕರ್ಷಕ ಪ್ರಸ್ತಾಪ “:

ಡಿ.ಎಸ್.ಟಿ. ಕಾರ್ಯದರ್ಶಿ ಪ್ರೊ. ಅಶುತೋಷ್ ಶರ್ಮಾ

ಈ ವಸ್ತುವಿಗೆ 'ಚಿತ್ರಾ ಎಕ್ರೈಲೋಸೋರ್ಬ್ ಸ್ರಾವ ಘನೀಕರಣ ವ್ಯವಸ್ಥೆ' ಎಂದು ನಾಮಕರಣ ಮಾಡಲಾಗಿದೆ

ಭಾರತ ಸರಕಾರದ ವಿಜ್ಞಾನ ಮತ್ತು ತಂತ್ರಜ್ಞಾನ ಇಲಾಖೆ (ಡಿ.ಎಸ್.ಟಿ.) ಅಡಿಯಲ್ಲಿ ಕಾರ್ಯ ನಿರ್ವಹಿಸುವ ಸ್ವಾಯತ್ತ ಸಂಸ್ಥೆಯಾದ ಶ್ರೀ ಚಿತ್ರಾ ತಿರುನಾಳ್ ವೈದ್ಯ ವಿಜ್ಞಾನಗಳ ಮತ್ತು ತಂತ್ರಜ್ಞಾನ (ಎಸ್.ಸಿ.ಟಿ.ಐ.ಎಂ.ಎಸ್.ಟಿ.) ಸಂಸ್ಥೆಯ ವಿಜ್ಞಾನಿಗಳು ಸೋಂಕು ತಗಲಿದ ಶ್ವಾಸಕಾಂಗ ವ್ಯವಸ್ಥೆಯ ಮತ್ತು ದೇಹದ ದ್ರವರೂಪಿ ಸ್ರಾವಗಳನ್ನು ಸುರಕ್ಷಿತವಾಗಿ ನಿರ್ವಹಿಸಲು ಸ್ರಾವಗಳನ್ನು ಘನೀಕರಿಸುವ, ಅತ್ಯುತ್ತಮ ದಕ್ಷ ರೀತಿಯಲ್ಲಿ ಹೀರಿಕೊಳ್ಳುವ ವಸ್ತುವನ್ನು ವಿನ್ಯಾಸಗೊಳಿಸಿ ಅಭಿವೃದ್ದಿಪಡಿಸಿದ್ದಾರೆ.

“ಚಿತ್ರಾ ಎಕ್ರೈಲೋಸೋರ್ಬ್ ಸ್ರಾವ ಘನೀಕರಣ ವ್ಯವಸ್ಥೆ” ಎಂದು ನಾಮಕರಣ ಮಾಡಲಾಗಿರುವ ಇದನ್ನು ಎಸ್.ಸಿ.ಟಿ.ಐ.ಎಂ.ಎಸ್.ಟಿ. ಯ ಜೈವಿಕ ವೈದ್ಯಕೀಯ ತಂತ್ರಜ್ಞಾನ ಘಟಕದ ಜೈವಿಕ ವಸ್ತು ವಿಜ್ಞಾನ ಮತ್ತು ತಂತ್ರಜ್ಞಾನ ವಿಭಾಗದ ಡಾ. ಮಂಜು ಎಸ್. ಮತ್ತು ಡಾ. ಮನೋಜ್ ಕೋಮತ್ ಅವರು ಅಭಿವೃದ್ದಿಪಡಿಸಿದ್ದು, ಇದು ಶ್ವಾಸಕಾಂಗದಿಂದ ಮತ್ತು ದೇಹದಿಂದ ಸ್ರವಿಸಲ್ಪಡುವ ದ್ರವರೂಪದ ಸ್ರಾವಗಳನ್ನು ಅತ್ಯುತ್ತಮ ರೀತಿಯಲ್ಲಿ ಹೀರಿಕೊಂಡು ಕ್ರಿಮಿಗಳನ್ನು ನಾಶ ಮಾಡುತ್ತದೆ.

ಡಿ.ಎಸ್.ಟಿ. ಕಾರ್ಯದರ್ಶಿ ಪ್ರೊ. ಅಶುತೋಷ್ ಶರ್ಮಾ ಹೇಳುತ್ತಾರೆ ; “ ವಿವಿಧ ಸೋಂಕಿನ ಪರಿಸ್ಥಿತಿಯ ರೋಗಿಗಳ ಸೋಂಕಿತ ಸ್ರಾವವನ್ನು ಸುರಕ್ಷಿತವಾಗಿ ವಿಸರ್ಜಿಸುವುದು ಬಹಳ ಪ್ರಮುಖವಾದುದು. ಕ್ರಿಮಿನಾಶಕ ವಸ್ತುವನ್ನು ಒಳಗೊಂಡ ಅತ್ಯುತ್ತಮ ಹೀರಿಕೊಳ್ಳುವ ಜೆಲ್ ಇಂತಹ ಸ್ರಾವಗಳನ್ನು ಅವುಗಳನ್ನು ಭಸ್ಮ ಮಾಡುವುದಕ್ಕೆ ಮೊದಲು ಸುರಕ್ಷಿತ ಸಂಗ್ರಹಣೆ, ಒಗ್ಗೂಡಿಸುವಿಕೆ ಮತ್ತು ಬಂಧಿಸಿಡುವಿಕೆಗೆ ಆಕರ್ಷಕ ಪ್ರಸ್ತಾಪ ಇದು .” ಎಂದು.

ಎಕ್ರೈಲೋಸೋರ್ಬ್ ತನ್ನ ಶುಷ್ಕ ಭಾರದ 20 ಪಟ್ಟು ಹೆಚ್ಚು ದ್ರವವನ್ನು ಹೀರಿಕೊಳ್ಳಬಲ್ಲದು. ಮತ್ತು ಅದು ಆ ಸ್ಥಳದಲ್ಲಿಯೇ ಕ್ರಿಮಿಗಳನ್ನು ನಾಶ ಮಾಡುತ್ತದೆ. ಈ ವಸ್ತುವನ್ನು ತುಂಬಿದ ಕಂಟೈನರ್ ಗಳು ಅಥವಾ ಬುಟ್ಟಿಗಳು ಮಾಲಿನ್ಯಯುಕ್ತ ದ್ರವವನ್ನು ಘನೀಕೃತಗೊಳಿಸುವ (ಜೆಲ್ ರೀತಿಯಲ್ಲಿ ) ಅದು ಹೊರಚೆಲ್ಲುವುದನ್ನು ನಿರ್ಬಂಧಿಸುತ್ತವೆ ಮತ್ತು ಅದರಲ್ಲಿಯ ಕ್ರಿಮಿಗಳನ್ನು ನಾಶ ಮಾಡುತ್ತವೆ. ಈ ಘನೀಕೃತ ತ್ಯಾಜ್ಯ ವಸ್ತುಗಳನ್ನು ಒಳಗೊಂಡ ಡಬ್ಬಿಗಳನ್ನು ಬಳಿಕ ಇತರ ಎಲ್ಲಾ ಜೈವಿಕ ತ್ಯಾಜ್ಯವನ್ನು ಭಸ್ಮ ಮಾಡುವ ಮೂಲಕ ವಿಭಜಿಸುವಂತೆ ವಿಸರ್ಜಿಸಬಹುದು.ಈ ತಂತ್ರಜ್ಞಾನ ಆಸ್ಪತ್ರೆ ಸಿಬ್ಬಂದಿಗಳ ಅಪಾಯ ಸಾಧ್ಯತೆಯನ್ನು ಕಡಿಮೆ ಮಾಡುತ್ತದೆ, ಸ್ವಚ್ಚತಾ ಬಾಟಲುಗಳನ್ನು ಮತ್ತು ಡಬ್ಬಿಗಳನ್ನು ಮರುಬಳಕೆಗೆ ಕ್ರಿಮಿನಾಶಕಗೊಳಿಸುವ ಮತ್ತು ಸ್ವಚ್ಚಗೊಳಿಸುವ ಸಿಬ್ಬಂದಿಗಳ ಅಗತ್ಯವನ್ನು ನಿವಾರಿಸುತ್ತದೆ. ಮತ್ತು ತ್ಯಾಜ್ಯ ವಿಸರ್ಜನೆಯನ್ನು ಸುರಕ್ಷಿತ ಹಾಗು ಸುಲಭಗೊಳಿಸುತ್ತದೆ.

ಈ “ಎಕ್ರೈಲೋಸೋರ್ಬ್’ ಹೀರಿಕೊಳ್ಳುವ ಡಬ್ಬಿಗಳು ಐ.ಸಿ.ಯು. ರೋಗಿಯ ಅಥವಾ ವಾರ್ಡಿನಲ್ಲಿ ಚಿಕಿತ್ಸೆ ಪಡೆಯುತ್ತಿರುವ ರೋಗಿಯ ಶ್ವಾಸಕೋಶದ ದ್ರವರೂಪಿ ಸ್ರಾವಗಳನ್ನು ಸಂಗ್ರಹಿಸುತ್ತವೆ. ಈ ಡಬ್ಬಿಗಳು ಹೊರಗೆ ತುಳುಕದಂತೆ ಭದ್ರಪಡಿಸಲಾಗಿರುತ್ತದೆ. ಮತ್ತು ಬಳಕೆಯ ಅಂತರ ಅದನ್ನು ಮುಚ್ಚಬಹುದಾಗಿರುತ್ತದೆ. ಆ ಮೂಲಕ ಅದು ಸುರಕ್ಷಿತ ಮತ್ತು ಜೈವಿಕ ತ್ಯಾಜ್ಯವನ್ನು ಭಸ್ಮ ಮಾಡುವ ಯಥೋಚಿತ ರೀತಿಯಲ್ಲಿ ವಿಸರ್ಜಿಸಬಹುದಾಗಿರುತ್ತದೆ. ಮುಚ್ಚಬಹುದಾದ (ಸೀಲ್ ಮಾಡಬಹುದಾದ) ಮತ್ತು ವಿಸರ್ಜಿಸಬಹುದಾದ ಎಕ್ರೈಲೋಸೋರ್ಬ್’.. ಬ್ಯಾಗ್ ಗಳನ್ನು ಶ್ವಾಸಕಾಂಗದ ಸೋಂಕು ಇರುವ ರೋಗಿಗಳ ಕಫ ಮತ್ತು ಜೊಲ್ಲು ಘನೀಕರಿಸುವುದಕ್ಕೂ ಒದಗಿಸಲಾಗುತ್ತದೆ. ಅವುಗಳನ್ನು ಬಳಿಕ ಸುಡಬಹುದು. ಅಭಿವೃದ್ದಿಪಡಿಸಿದ ವ್ಯವಸ್ಥೆಯಲ್ಲಿ , ಹೀರಿಕೊಂಡ ಕ್ಯಾನ್ ಗಳು, ವಿಸರ್ಜಿಸಬಹುದಾದ ಬ್ಯಾಗ್ ಗಳನ್ನು “ಎಕ್ರೈಲೋಸೋರ್ಬ್” ತಂತ್ರಜ್ಞಾನ ಅಳವಡಿಸಿ ವಿನ್ಯಾಸ ಮಾಡಲಾಗಿದೆ. ಅವುಗಳನ್ನು ಒಳಭಾಗದಲ್ಲಿ “ಎಕ್ರೈಲೋಸೋರ್ಬ್” ಅಳವಡಿಕೆ ಮಾಡಿ ರೂಪಿಸಲಾಗಿದೆ.

ರೋಗಿಗಳಿಂದ ಸೋಂಕು ಇರುವ ಸ್ರಾವಗಳನ್ನು ವಿಲೇವಾರಿ ಮಾಡುವುದು ಪ್ರತೀ ಆಸ್ಪತ್ರೆಗೂ ಒಂದು ಸವಾಲು . ಇದು ಕೋವಿಡ್ -19 ರಂತಹ ಅತ್ಯಂತ ತೀವ್ರ ತೆರನಾದ ಸಾಂಕ್ರಾಮಿಕ ರೋಗಗಳಿಂದ ಬಳಲುತ್ತಿರುವ ರೋಗಿಗಳ ವಿಷಯದಲ್ಲಿ ಅತ್ಯಂತ ಕಠಿಣ. ಇಂತಹ ತ್ಯಾಜ್ಯವನ್ನು ಸಂಗ್ರಹಿಸುವುದು ಮತ್ತು ಅವುಗಳನ್ನು ವಿಲೇವಾರಿ ಮಾಡುವುದು ದಾದಿಯರು ಮತ್ತು ಸ್ವಚ್ಚತಾ ಸಿಬ್ಬಂದಿಗಳನ್ನು ಅತ್ಯಂತ ಅಪಾಯಕ್ಕೆ ಈಡು ಮಾಡುತ್ತದೆ.

ಸಾಮಾನ್ಯವಾಗಿ ಐ.ಸಿ.ಯು. ನಲ್ಲಿ ಸ್ರಾವಗಳನ್ನು ಹೀರಿಕೊಳ್ಳುವ ಯಂತ್ರದ ಮೂಲಕ ಬಾಟಲುಗಳಲ್ಲಿ ಅಥವಾ ಕ್ಯಾನುಗಳಲ್ಲಿ ಹೀರಿಕೊಂಡು ಶೇಖರಿಸಲಾಗುತ್ತದೆ, ಅವು ತುಂಬಿದಾಗ ಅವುಗಳನ್ನು ಚರಂಡಿ ಕೊಠಡಿಯಲ್ಲಿ ಮಾಲಿನ್ಯ ನಿವಾರಣ ಪ್ರಕ್ರಿಯೆಯನ್ವಯ ಖಾಲಿ ಮಾಡಲಾಗುತ್ತದೆ ಮತ್ತು ತ್ಯಾಜ್ಯ ದ್ರವ ವಿಸರ್ಜನಾ ವ್ಯವಸ್ಥೆಯ ಮೂಲಕ ವಿಸರ್ಜಿಸಲಾಗುತ್ತದೆ. ಈ ಪ್ರಕ್ರಿಯೆಯಲ್ಲಿ ತ್ಯಾಜ್ಯ ನಿರ್ವಹಿಸುವಾಗ ಅಲ್ಲಿ ಮತ್ತೆ ಮಾಲಿನ್ಯ ಉಂಟಾಗುವ ಅಪಾಯವಿದೆ, ಇದರಿಂದಾಗಿ ಎಲ್ಲಾ ಸಲಕರಣೆಗಳಿರುವ ಚರಂಡಿ ಕೊಠಡಿಗಳು ಕ್ರಿಮಿನಾಶಕ ಸವಲತ್ತುಗಳೊಂದಿಗೆ ಇರಬೇಕಾಗುತ್ತದೆ. ಇದು ಸಾಂಕ್ರಾಮಿಕ ರೋಗಗಳ ಸಂದರ್ಭದಲ್ಲಿ ರೂಪಿಸಲಾಗುವ ತಾತ್ಕಾಲಿಕ ಐಸೋಲೇಶನ್ ವಾರ್ಡ್ ಗಳಲ್ಲಿ ಅಥವಾ ಅಷ್ಟೊಂದು ಸಲಕರಣೆ ಸವಲತ್ತುಗಳಿಲ್ಲದ ಆಸ್ಪತ್ರೆಗಳಲ್ಲಿ ಲಭ್ಯ ಇರುವುದು ಸಾಧ್ಯವಿಲ್ಲ. ಈ ಅತ್ಯುತ್ತಮ ಹೀರಿಕೊಳ್ಳುವ ವಸ್ತು ಸೋಂಕು ಇರುವ ಶ್ವಾಸಕೋಶ ಸ್ರಾವಗಳ ನಿರ್ವಹಣೆಯಲ್ಲಿ ಅತ್ಯುಪಯುಕ್ತವಾಗಲಿದೆ.

(ಹೆಚ್ಚಿನ ವಿವರಗಳಿಗೆ ದಯವಿಟ್ಟು ಸಂಪರ್ಕಿಸಿ :ಶ್ರೀಮತಿ ಸ್ವಪ್ನಾ ವಾಮದೇವನ್ , ಸಾರ್ವಜನಿಕ ಸಂಪರ್ಕಾಧಿಕಾರಿ, ಎಸ್.ಸಿ.ಟಿ.ಐ.ಎಂ.ಎಸ್.ಟಿ., ಮೊಬೈಲ್: 9656815943, ಮಿಂಚಂಚೆ : pro@sctimst.ac.in)

***