ಹೈದರಾಬಾದ್‌ನ ಸಿಎಸ್‌ಐಆರ್- ಸೆಲ್ಯುಲಾರ್ ಮತ್ತು ಮಾಲಿಕ್ಯುಲರ್ ಬಯಾಲಜಿ ಕೇಂದ್ರವು (ಸಿಸಿಎಂಬಿ) ಕೋವಿಡ್-19 ವಿರುದ್ಧದ ಹೋರಾಟದಲ್ಲಿ ಬಹು ವಿಧಗಳಲ್ಲಿ ತೊಡಗಿಸಿಕೊಂಡಿದೆ

ಹೈದರಾಬಾದ್ ಮೂಲದ ಸಿಎಸ್‌ಐಆರ್ನ ಪ್ರಮುಖ ಜೀವಶಾಸ್ತ್ರ ಪ್ರಯೋಗಾಲಯ ಸಿಸಿಎಂಬಿ, ದೇಶದಲ್ಲಿ ಕೋವಿಡ್-19 ವಿರುದ್ಧ ಹೋರಾಡಲು ಹಲವಾರು ಸಾಧನ ಮತ್ತು ವಿಧಾನಗಳನ್ನು ಬಳಸುತ್ತಿದೆ.

ಇತ್ತೀಚಿನ ಕೆಲವು ಪ್ರಮುಖ ಮುಖ್ಯಾಂಶಗಳು:

ರೋಗಿಯ ಮಾದರಿಗಳ ಪರೀಕ್ಷೆ

ಸಿಸಿಎಂಬಿ ಕೋವಿಡ್-19ರ ಅಧಿಕೃತ ಪರೀಕ್ಷಾ ಕೇಂದ್ರವಾಗಿದೆ. SARS-CoV-2 ವೈರಸ್ ಅನ್ನು ಪರೀಕ್ಷಿಸಲು ತೆಲಂಗಾಣದ 33 ಜಿಲ್ಲೆಗಳ ಸರ್ಕಾರಿ ಆಸ್ಪತ್ರೆಗಳಿಂದ ರೋಗಿಗಳ ಮಾದರಿಗಳನ್ನು ಪಡೆಯುತ್ತಿದೆ. ಪ್ರಸ್ತುತ, ಇದರ ಪರೀಕ್ಷಾ ಸಾಮರ್ಥ್ಯವು ದಿನಕ್ಕೆ ಸುಮಾರು 350 ಮಾದರಿಗಳಾಗಿದೆ.

ಕೋವಿಡ್-19 ಪರೀಕ್ಷೆಯ ತರಬೇತಿ

ನಿಮ್ಸ್, ಐಪಿಎಂ, ಹೈದರಾಬಾದ್‌ನ ಸರ್ಕಾರಿ ಜ್ವರ ಆಸ್ಪತ್ರೆ ಮತ್ತು ವಾರಂಗಲ್‌ನ ಕಾಕತೀಯ ವೈದ್ಯಕೀಯ ಕಾಲೇಜಿನ ಸಿಬ್ಬಂದಿ ಸೇರಿದಂತೆ 5 ಸರ್ಕಾರಿ ಆಸ್ಪತ್ರೆಗಳ 25 ವೈದ್ಯರು, ತಾಂತ್ರಿಕ ಸಿಬ್ಬಂದಿ ಮತ್ತು ವಿದ್ಯಾರ್ಥಿಗಳಿಗೆ ತರಬೇತಿ ನೀಡಿದೆ. ಈ ತರಬೇತಿ ಪಡೆದವರನ್ನು ಆಯಾ ಆಸ್ಪತ್ರೆಗಳಲ್ಲಿ ಪರೀಕ್ಷಾ ಚಟುವಟಿಕೆಗಳಿಗಾಗಿ ನಿಯೋಜಿಸಲಾಗಿದೆ. ಇದಲ್ಲದೆ, ಸಿಎಸ್ಐಆರ್-ಸಿಸಿಎಂಬಿ ರೋಗಿಗಳ ಮಾದರಿಗಳನ್ನು ನಿರ್ವಹಿಸಲು ಮತ್ತು ಆರ್ ಟಿ-ಪಿಸಿಆರ್ ನಲ್ಲಿ ಉತ್ತಮ ಅಭ್ಯಾಸಗಳ ಬಗ್ಗೆ ತರಬೇತಿ ವೀಡಿಯೊಗಳನ್ನು ಸಹ ರೂಪಿಸಿದೆ. ಈ ವೀಡಿಯೊಗಳು ಅಧಿಕೃತ ಕೇಂದ್ರಗಳಿಗೆ ಲಭ್ಯವಿದ್ದು, director@ccmb.res.in ಅನ್ನು ಸಂಪರ್ಕಿಸುವ ಮೂಲಕ ಪಡೆಯಬಹುದಾಗಿದೆ.

SARS-CoV-2 ಜೆನೋಮ್‌ನ ಸೀಕ್ವೆನ್ಸಿಂಗ್

ಸಿಎಸ್ಐಆರ್ ಲ್ಯಾಬ್‌ಗಳು ಕೊರೊನಾ ವೈರಸ್‌ನ ಜೆನೋಮ್ ಸೀಕ್ವೆನ್ಸಿಂಗ್ ನಲ್ಲಿ ಪ್ರಗತಿ ಸಾಧಿಸುತ್ತಿವೆ ಮತ್ತು ಸಿಸಿಎಂಬಿ ನೆಕ್ಸ್ಟ್ ಜನರೇಷನ್ ಸೀಕ್ವೆನ್ಸಿಂಗ್ ಮತ್ತು ಎಸ್‌ಎಆರ್ಎಸ್-ಕೋವಿ -2 ವೈರಸ್‌ನ ಸಂಪೂರ್ಣ ಜೆನೋಮ್ ಸೀಕ್ವೆನ್ಸಿಂಗ್ ಅನ್ನು ಮ್ಯಾಪ್ ಮಾಡಲು ವಿಶ್ಲೇಷಣೆ ನಡೆಸುತ್ತಿದೆ. ಹೆಚ್ಚಿನ ವೈರಲ್ ಹೊರೆ ಇರುವ ರೋಗಿಯ ಮಾದರಿಗಳನ್ನು ಜೆನೋಮ್ ವಿಶ್ಲೇಷಣೆಗಾಗಿ ಆಯ್ಕೆ ಮಾಡಲಾಗುತ್ತದೆ. ಸಿಸಿಎಂಬಿ ಕೆಲವು ರೋಗಿಗಳ ವೈರಲ್ ಐಸೊಲೇಟ್‌ಗಳನ್ನು ಸೀಕ್ವೆನ್ಸ್ ಮಾಡಿದೆ ಮತ್ತು ಮುಂದಿನ 3-4 ವಾರಗಳಲ್ಲಿ ನೂರಾರು ವೈರಸ್ ಐಸೊಲೇಟ್‌ಗಳನ್ನು ಸೀಕ್ವೆನ್ಸ್ ಮಾಡುವ ಗುರಿಯನ್ನು ಹೊಂದಿದೆ.

ಪುನರಾವರ್ತಿತ ಪರೀಕ್ಷೆ ಮತ್ತು ಹೊಸ ಔಷಧಿಗಳಿಗಾಗಿ SARS-CoV-2 ವೈರಸ್ ಅನ್ನು ಬೆಳೆಸುವುದು

ಆರ್ & ಡಿ ಸಮುದಾಯಕ್ಕೆ ಕೊರತೆಯಿರುವ ಒಂದು ಪ್ರಮುಖ ಸಾಧನವೆಂದರೆ ಪುನರಾವರ್ತಿತ  ಔಷಧಿಗಳನ್ನು ಪರೀಕ್ಷಿಸಲು ವೈರಲ್ ಕಲ್ಚರ್ಗಳ ಕೊರತೆ ಅಥವಾ ಹೊಸ ಔಷಧಗಳು ಅಥವಾ ವಿವಿಧ ಆಣ್ವಿಕ ಮಾದರಿಗಳಿಂದ ಊಹಿಸಲಾದ ಹೊಸ ಅಣುಗಳು. ಸಿಎಸ್ಐಆರ್-ಸಿಸಿಎಂಬಿ ಈ ಕಾರ್ಯದಲ್ಲಿ ತೊಡಗಿಸಿಕೊಂಡಿದೆ ಮತ್ತು ವೆರೋ ಸೆಲ್ ಲೈನ್ ನಲ್ಲಿ SARS-COV-2 ವೈರಸ್ ಅನ್ನು ಬೆಳೆಸುವ ವ್ಯವಸ್ಥೆಯನ್ನು ಸ್ಥಾಪಿಸುತ್ತಿದೆ. ಇದು ವೈರಸ್ ಗಳ ಬೆಳವಣಿಗೆಗೆ ಅನುಕೂಲ ಕಲ್ಪಿಸುತ್ತದೆ. ಶೀಘ್ರದಲ್ಲೇ ಈ ವ್ಯವಸ್ಥೆ ಸಿದ್ಧವಾಗಲಿದೆ ಎಂದು ಆಶಿಸಲಾಗಿದೆ.

ಕೊನೆಯದಾಗಿ, ಸಿಸಿಎಂಬಿ ಕೊರೊನಾ ಸಾಂಕ್ರಾಮಿಕ ಕುರಿತು ವಿವಿಧ ಮುನ್ನೆಚ್ಚರಿಕೆಗಳು ಮತ್ತು ಸಲಹೆಗಳನ್ನು ಪ್ರಾದೇಶಿಕ ಭಾಷೆಗಳಲ್ಲಿ ಸಾಮಾಜಿಕ ಮಾಧ್ಯಮ ವೇದಿಕೆಗಳಲ್ಲಿ ಸಾರ್ವಜನಿಕರಿಗೆ ತಲುಪಿಸುವಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿದೆ.

ಆರ್ ಟಿ –ಪಿಸಿಆರ್ ಬಗ್ಗೆ ವೈದ್ಯಕೀಯ ಸಿಬ್ಬಂದಿಗೆ ತರಬೇತಿ

ಕೊರೊನಾ ಮಾದರಿಗಳ ಪರೀಕ್ಷೆ

***