ସ୍ଵରାଷ୍ଟ୍ର ବ୍ୟାପାର ମନ୍ତ୍ରଣାଳୟ
ଭାରତ-ପାକିସ୍ତାନ ଏବଂ ଭାରତ-ବାଂଲାଦେଶ ସୀମାରେ ବିଏସଏଫ ସହିତ ସୀମା ସୁରକ୍ଷା ବ୍ୟବସ୍ଥା ସମୀକ୍ଷା କଲେ କେନ୍ଦ୍ର ଗୃହମନ୍ତ୍ରୀ
• କୋଭିଡ-19 ସଂକ୍ରାନ୍ତରେ ଜନସାଧାରଣଙ୍କୁ ସଚେତନ କରିବା ଏବଂ ସୀମାପାର ଗତିବିଧି ବନ୍ଦ କରିବା ଲାଗି ବିଏସଏଫକୁ ଗୃହମନ୍ତ୍ରୀଙ୍କ ନିର୍ଦ୍ଦେଶ
Posted On:
10 APR 2020 5:54PM by PIB Bhubaneshwar
ଗତକାଲି ବିଏସଏଫ କମାଣ୍ଡ ଏବଂ କ୍ଷେତ୍ରୀୟ ମୁଖ୍ୟାଳୟ ସହିତ ଭିଡିଓ କନଫରେନ୍ସିଂ ଜରିଆରେ ଭାରତ-ପାକିସ୍ତାନ ଏବଂ ଭାରତ-ବାଂଲାଦେଶ ସୀମାରେ ସୀମା ସୁରକ୍ଷା ବ୍ୟବସ୍ଥାର ସମୀକ୍ଷା କରିଛନ୍ତି କେନ୍ଦ୍ର ଗୃହ ବ୍ୟାପାର ମନ୍ତ୍ରୀ ଶ୍ରୀ ଅମିତ ଶାହ ।
ସୀମାରେ, ବିଶେଷ କରି ତାରବାଡ଼ ଘେରା ହୋଇନଥିବା ଅଞ୍ଚଳରେ ଅଧିକ ସତର୍କ ଦୃଷ୍ଟି ରଖିବା ଏବଂ ସୀମାପାର ଗତିବିଧି ଉପରେ ନଜର ରଖିବା ନିମନ୍ତେ ଶ୍ରୀ ଶାହ ନିର୍ଦ୍ଦେଶ ଦେଇଥିଲେ।
ସେ ନିର୍ଦ୍ଦେଶ ଦେଇ କହିଥିଲେ ଯେ କୋଭିଡ-19 ସମ୍ପର୍କରେ ସୀମାବର୍ତ୍ତୀ କ୍ଷେତ୍ରରେ କୃଷକମାନଙ୍କୁ ସଚେତନ କରାଯିବା ଉଚିତ ଏବଂ ଏସବୁ କ୍ଷେତ୍ରରେ ସଂକ୍ରମଣକୁ ପ୍ରତିହତ କରିବା ଦିଗରେ ସତର୍କତାମୂଳକ ପଦକ୍ଷେପ ଗ୍ରହଣ କରାଯିବା ଆବଶ୍ୟକ । ସୀମାରେ ଥିବା ତାରବାଡ଼ ନିକଟକୁ ଯେପରି ଲୋକମାନେ ଅଜାଣତରେ ଚାଲିନଯାଆନ୍ତି ସେଥିପ୍ରତି ଜିଲ୍ଲା ପ୍ରଶାସନ ସହିତ ମିଶି ବିଏସଏଫ ଦୃଷ୍ଟି ଦେବା ଆବଶ୍ୟକ ।
କୋଭିଡ-19 ମହାମାରୀ ସମୟରେ ବିଏସଏଫର କାର୍ଯ୍ୟକୁ ଗୃହମନ୍ତ୍ରୀ ପ୍ରଶଂସା କରିଥିଲେ । ଲକଡାଉନ ସମୟରେ ବିଏସଏଫ ଯବାନମାନେ ସ୍ବାସ୍ଥ୍ୟ ମନ୍ତ୍ରଣାଳୟର ନିର୍ଦ୍ଦେଶ ଅନୁଯାୟୀ ସଚେତନତା ଅଭିଯାନ, ସ୍ବଚ୍ଛତା ପ୍ରୟାସ, ହାତ ସଫା ପାଇଁ ସାବୁନ ଓ ମାସ୍କ ଯୋଗାଇ ଦେବା, ଉପାନ୍ତ ଅଞ୍ଚଳର ଜନସାଧାରଣ, ପ୍ରବାସୀ ଶ୍ରମିକ, ଦିନ ମଜୁରିଆ ଓ ସୀମାବର୍ତ୍ତୀ ଅଞ୍ଚଳରେ ଅଟକିଥିବା ଟ୍ରକ ଡ୍ରାଇଭରମାନଙ୍କୁ ରାସନ, ପାଣି ଏବଂ ଡାକ୍ତରୀ ଚିକିତ୍ସା ଯୋଗାଇ ଦେଇଛନ୍ତି।
ଏହି ସମୀକ୍ଷା ବୈଠକରେ କେନ୍ଦ୍ର ଗୃହ ରାଷ୍ଟ୍ରମନ୍ତ୍ରୀ ଜି. କିଷନ ରେଡ୍ଡୀ ଓ ନିତ୍ୟାନନ୍ଦ ରାୟଙ୍କ ସମେତ ଗୃହ ସଚିବ ଓ ବିଏସଏଫ ଡିଜି ଯୋଗ ଦେଇଥିଲେ।
**********
(Release ID: 1613139)
Visitor Counter : 97
Read this release in:
Punjabi
,
English
,
Urdu
,
Marathi
,
Hindi
,
Bengali
,
Assamese
,
Gujarati
,
Tamil
,
Telugu
,
Kannada
,
Malayalam