কোবিদ-19 শন্দোরকপনা মরম ওইদুনা হেনগৎলক্লিবা শিংনবশিং অসিবু মায়োক্ননবা ওফিসরশিংগী মকোক থোংবা কাংলুপশিংগী মীফম অমা ঙসি প্রধান মন্ত্রীগী প্রিন্সিপল সেক্রেতরীনা ময়াই তাংবল লৌদুনা পাংথোকখ্রে। মসি লাইচৎ অসিগী ইম্পেক্ত থেংননবা হৌজিক হোৎনরিবশিংদা য়েংশিন্নবা প্রধান মন্ত্রী ওফিসনা তোঙান তোঙানবা থাকশিংদা পাংথোক্লিবা রিভ্যুশিংগী পরিংদা খ্বাইদগী নৌবা মীফম্নি।

প্রিন্সিপাল সেক্রেতরীনা মকোক থোংবা কাংলুপশিংনা মায়কৈ অসিদা হোৎনরিবশিং য়েংশিনখি। দরকার ওইবা পোৎলমশিং ফংহন্নবগীদমক সপ্লাই চেন অমসুং লোজিস্তিক্স মেনেজমেন্তকা মরী লৈনবা ইসুশিং, শরুক য়ারিবা স্তেকহোল্দরশিংগী কাননবগীদমক হোৎনরিবশিং, সোসিয়েল দিস্তেন্সিং ঙাকনা চৎহন্দুনা লৌমীশিংবু মখোয়গী পোত্থোকশিং লোকপদা মতেং পাংনবগীদমক লৌখৎলিবা খোংথাংশিং, মখাতাবা থাজবা থম্বা উপায় তৌবা অমদি গৃহ মন্ত্রালয়গী গাইদলাইনগী পর্কোলেসন গ্রাউন্দগী থাক্তা ফংহনবা মথৌ তাবগা মরী লৈনবা হিরমশিংদা খন্ন-নৈনখি।

রাজ্যশিংগী চিফ সেক্রেতরী পুম্নমক্কী মফমদা মাইগ্রেন্তশিং অমসুং ময়ুম লৈজদবশিং অসিনচিংবা শোক-পনবা য়াবা কাংলুপশিংগীদমক লৈফম শিল লাংনবা পাউতাক পীখ্রে হায়না খংহনখি। মসিদসু নত্তনা সেন্তরনা মসিগা মরী লৈননা রাজ্যশিংগা তোয়না পাউ ফাওনরি অমদি জিলাগী থাক্তা য়েংশিল্লি। পি.পি.ই. পুথোকপগী চাং হেঙ্গৎহল্লে অমদি হেল্থকেয়র পর্সোনেলশিংগীদমক কেপাসিতী বিলদিং শোইদনা ফংহল্লে। এন.জি.ও.শিং অমসুং সিভিল সোসাইতী গ্রুপশিংসু মোবিলাইজ তৌরি। প্রিন্সিপাল সেক্রেতরীনা ওবরলেপতগী নান্থোক্নবা অমদি রিসোর্সশিংগী য়ুতিলাইজেসন ঙমহন্নবা জিলাগী থাক্তা এন.জি.ও.শিংগা লোয়ননা কোওর্দিনেৎ তৌনবা ৱাফম থমখি।

পি.এম. গরিব কল্যান য়োজনাগী মখাদা ইকোনোমিক রিলিফ পেকেজকী থোংদা য়াইফ থৌরাংগী উপায়শিংগী মায়কৈদা হৌজিক ফাওবগী প্রোগ্রেসসু য়েংশিনখি।

মীফম অসিদা প্রধান মন্ত্রী ওফিসকী মকোকথোংবা ওফিসিয়েলশিং অমসুং ভারত সরকারগী মখাদা লৈবা অতোপ্পা মন্ত্রালয়শিংনা শরুক য়াখি।