نئی دہلی،8- اپریل 2020/ملک بھر میں سپلائی چین کو زبردست فروغ دینے کے لئے  انڈین ریلویز نے ضروری اشیائے صارفین اور دیگر سامان کے  ملک بھر میں نقل و حمل کے لئے ٹائم ٹیبلڈ پارسل ریل گاڑیوں کی بغیر رکاوٹ  والی خدمات شروع کی ہیں۔ اس سے عام شہریوں ، صنعت اور زراعت کے لئے مطلوبہ ضروری سامان کی دستیابی کو فروغ ملنے کی توقع ہے۔

لاک ڈاؤن شروع ہونے کے بعد سے پارسل خصوصی ریل گاڑیوں کے لئے  تقریباً 58 روٹوں (109 ریل گاڑیوں)کو نوٹی فائی کیا گیا ہے۔ 5 اپریل 2020 تک 27 روٹ نوٹی فائی کئے گئے تھے جن میں سے 17 روٹ مستقل  مقررہ خدمات کے تھے جبکہ   بقیہ روٹ  صرف   ایک چکر کے لئے  تھے۔  اس کے بعد 40 نئے روٹوں کی شناخت کی گئی اور انہیں نوٹی فائی کیا گیا (اور چند گزشتہ روٹوں کا بھی اضافہ کیا گیا)۔اس کے ساتھ ہی ہندستان کے تمام اہم شہرتیز رفتار کے ساتھ ضروری مال  کے نقل و حمل کے لئے جڑ جائیں گے ۔قابل توجہ ہے کہ   ان خدمات میں مزید اضافہ کئے جانے کی توقع ہے۔

ٹائم ٹیبلڈ پارسل ریل گاڑیوں کا منصوبہ  گراہکوں کی مانگ کے مطابق تیار کیا گیاہے۔  ٹائم ٹیبلڈ پارسل ریل گاڑیاں  ملک کے اہم کوریڈور یعنی  دہلی، ممبئی، کولکتہ ، چنئی، حیدرآباد اور بنگلورو کو جوڑتی ہیں۔ اس کے علاوہ  ملک کے شمال مشرقی خطے میں سپلائی کو یقینی بنانے کے لئے  گوہاٹی کے لئے بھی  مناسب کنیٹی ویٹی کو یقینی بنایا گیا ہے۔

 ان ریل گاڑیوں کے ذریعہ جوڑے  جانے والے دیگر اہم شہروں میں بھوپال، الہ آباد، دہرہ دون ،وارانسی ، احمد آباد، وڈوڈرہ، رانچی ، گورکھپور، تھرواننتام پورم سمیت سلیم ، وارنگل،  وجے واڑہ ، وشاکھاپٹنم ، راورکیلا ، بلاسپور، بھوساول ٹاٹا نگر ، جے پور، جھانسی ، آگرہ ،  ناسک، ناگپور، اکولا،  جل گاؤں ، سورت، پنے  ، رائے پور، پٹنہ، آسنل سول ، کانپور، جے پور، بیکانیر،  اجمیر،  گوالیار، متھرا، نیلور ، جبل پور وغیرہ  شامل ہیں۔

انڈین ریلویز  اس مدت کے دوران گراہکوں کی مانگ کے مطابق  دیگر پارسل ریل گاڑیاں بھی چلا رہی ہے۔  جن میں درج ذیل شامل ہیں:

الف)’ ملک اسپیشل ‘پالن پور( گجرات )سے پلول (نزد دہلی) تک   اور رینی گنٹا (آندھراپردیش) سے دہلی تک

ب) دودھ کی مصنوعات کے لئے –کانکڑیا (گجرات)سے کانپور(اترپردیش) اور سنکریل (نزد کولکتہ ) تک

ج)اشیائے خوردنی –موگا (پنجاب) سے چاند ساری (آسام ) تک

ٹائم ٹیلبڈ پارسل ریل گاڑیاں  ایسے روٹوں پر بھی چلائی جارہی ہیں جہاں مانگ کم ہے۔  اس کا مقصد یہ ہے کہ ملک کا کوئی بھی حصہ بچا نہ رہے۔  چند ریل گاڑیاں  محض 2 پارسل وین یا ایک پارسل وین اور بریک  وین  کے ساتھ چلائی جارہی ہیں۔

یہ پارسل ریل گاڑیاں مختلف زون میں کووڈ-19 عالمی وبا کے پیش نظر درج ذیل  تفصیل کے مطابق شروع کی گئی ہیں۔

(یہ معلومات8 اپریل کی صبح تک کی ہےاور  اس میں مستقل طور پر اضافہ ہونے کی توقع ہے)

روٹوںکی فہرست

کل روٹ :58

 اب تک  انٹر ریلوے(طویل دوری)  کے طو رپر تقریباً 32 پیئر پارسل اسپیشل   نوٹی فائی کی گئ ہیں جبکہ  بقیہ  انٹر ا ریلوے (کم دوری) والی ہیں۔

پارسل اسپیشل  ٹرینوں کے لئے  کچھ لمبے روٹ درج ذیل ہیں:

1. کلیان-سانترا رانچی
2. کلیان-چانگ ساری
3. نئی دہلی-چنئی
4. سلیم-بھٹنڈہ
5. سلیم-حصار
6. یشونت پور-حضر ت نظام الدین
7. یشونت پور-ہواڑہ
8. یشونت پور-گورکھپور
9. یشونت پور –گوہاٹی
10. احمد آباد-گوہاٹی
11. کرم بیلی-چانگ ساری
12. کنکریا-سنکریل

ان ریل گاڑیوں کے ذریعہ پارسلوں کی ڈھلائی  کی سہولت کوئی بھی شخص یا کمپنی حاصل کرسکتی ہے۔ موجودہ  رجحان کے مطابق  ملک  بھر میں درج ذیل مال کی ڈھلائی کی جارہی ہے۔

1. جلد خراب ہونے والی  اشیا (انڈوں ، پھلوں ، سبزیوں ،مچھلیوں سمیت )
2. ادویات، طبی آلات ، ماسک

• iii. دودھ اور ڈیری مصنوعات
• iv. بیج(زرعی استعمال کے لئے)

5. دیگر عام مال مثلاً ای کامرس کنسائنمنٹ اور ڈبہ بند  خوراک کے آئٹم، کتابیں ،اسٹیشنر ی ، پیکنگ میٹریل وغیرہ

ان ریل گاڑیوں کو تمام ممکنہ مقامات پر راستے میں روکا جائے گا تاکہ  پارسلوں کی زیادہ سے زیادہ  ممکنہ کلیئرنس ہوسکے۔  زونل ریلویز بڑے  اخباروں میں ان  ریل گاڑیوں کے ٹائم ٹیبل شائع کرارہے ہیں۔ اس کے علاوہ  مستقل گراہکوں اور سرکاری ایجنسیوں سےبھی رابطہ کیا جارہا ہے۔

م ن۔  ا گ ۔ ج

Uno-1561