સમગ્ર દેશમાં પૂરવઠા શ્રુંખલાને પ્રોત્સાહન આપવાના એક મોટા પગલા તરીકે ભારતીય રેલવેએ જરૂરી ચીજવસ્તુઓ અને માલસામાનની રાષ્ટ્રવ્યાપીહેરફેર માટે સમયપત્રક ધરાવતી પાર્સલ ટ્રેનોનીવિના અવરોધ સેવાઓનો પ્રારંભ કર્યો છે. તેનાથી સામાન્ય નાગરિકો, ઉદ્યોગો અને કૃષિ માટે જરૂરી માલસામાનની ઉપલબ્ધતાને વેગ મળે તેવી શક્યતા છે.

લૉકડાઉન શરુ થયું ત્યારથી પાર્સલ વિશેષ ટ્રેનો માટે અંદાજે 58 રૂટ (109 ટ્રેનો) નિર્દિષ્ટ કરવામાં આવી છે. 5 એપ્રિલ 2020 સુધી 27 રૂટ સૂચવવામાં આવ્યા હતા કે જેમાંથી 17 રૂટ નિયમિત યાદી મુજબની સેવાઓવાળા હતા જ્યારે બાકીની એકમાત્ર ટ્રીપ માટે હતી. ત્યારબાદ 40 નવા રૂટ શોધી કાઢવામાં આવ્યા અને નિર્દિષ્ટ કરવામાં આવ્યા (અને અગાઉના કેટલાક રૂટની ફ્રિકવન્સી વધારી દેવામાં આવી છે). આ સાથે જ ભારતના લગભગ તમામ શહેરો ઝડપી ગતિએ જરૂરી સામાનની હેરફેર માટે જોડાઈ શકશે. અત્રે નોંધનીય છે કે આ સેવાઓને આગળ જતા વધારવામાં આવે તેવી શક્યતા છે.

સમયપત્રકવાળી પાર્સલ ટ્રેનોનું ગ્રાહકોની માંગ અનુસાર આયોજન કરવામાં આવ્યું છે. સમયપત્રકવાળી પાર્સલ ટ્રેનો દેશના મહત્વના કોરીડોરને જોડે છે, જેવા કે દિલ્હી, મુંબઈ, કોલકાતા, ચેન્નાઈ, હૈદરાબાદ અને બેંગલુરુ. આ ઉપરાંત દેશના ઉત્તર-પૂર્વ પ્રદેશમાં પૂરવઠો પૂરો પાડવાની ખાતરી કરવા માટે ગુવાહાટી સુધીના યોગ્ય સંપર્કની પણ ખાતરી કરવામાં આવી છે.

આ ટ્રેનો દ્વારા જોડાયેલા અન્ય મહત્વના શહેરોમાં ભોપાલ, અલાહાબાદ, દહેરાદૂન, વારાણસી, અમદાવાદ, વડોદરા, રાંચી, ગોરખપુર, તિરુવનંતપૂરમ, સાલેમ, વારાંગલ, વિજયવાડા, વિશાખાપટ્ટનમ, રુરકેલા, બિલાસપુર, ભુસાવલ, ટાટાનગર, જયપુર, ઝાંસી, આગ્રા, નાસિક, નાગપુર, અકોલા, જલગાંવ, સુરત, પુણે, રાયપુર, પટના, આસનસોલ, કાનપુર, જયપુર, બિકાનેર, અજમેર, ગ્વાલિયર, મથુરા, નેલ્લોર, જબલપુર વગેરેનો સમાવેશ થાય છે.

આ સમયગાળા દરમિયાન ગ્રાહકોની માંગ અનુસાર ભારતીય રેલવે અન્ય પાર્સલ ટ્રેનો પણ ચલાવી રહી છે, જેમાં નીચેનાનો સમાવેશ થાય છે:

1. પાલનપુર (ગુજરાત)થી પલવલ (નવી દિલ્હી) અને રેનીગુન્તા (આંધ્રપ્રદેશ)થી દિલ્હી સુધી ‘દૂધ સ્પેશ્યલ’
2. કાંકરિયા (ગુજરાત)થી કાનપુર (યુપી) અને સંકરેલ (કોલકાતા નજીક) સુધી દૂધના ઉત્પાદનો
3. મોગા (પંજાબ)થી ચંગસારી (આસામ) સુધી ખાદ્યાન્ન ઉત્પાદનો

સમયપત્રકવાળી પાર્સલ ટ્રેનો એવા રૂટ પર પણ ચલાવવામાં આવી રહી છે કે જ્યાં માંગ ઓછી છે જેથી કરીને દેશનો કોઇપણ હિસ્સો રહી ના જાય. કેટલીક ટ્રેનો માત્ર 2 પાર્સલ વાન અથવા 1 પાર્સલ વાન અને બ્રેક વાન સાથે ચાલી રહી છે.

જુદા-જુદા ક્ષેત્રોમાં કોવીડ-19 રોગચાળાના પગલે શરુ કરવામાં આવેલ પાર્સલ ટ્રેનો નીચે મુજબ છે:

(આમાહિતી 8 એપ્રિલ સવાર સુધીની છે અને તે આગળ નિયમિતપણે બદલાતી રહેવાની સંભાવના છે.)

રૂટની યાદી

અત્યાર સુધીમાં ઇન્ટર રેલવે (લાંબા અંતરની) તરીકે પાર્સલ વિશેષ ટ્રેનોની 32 જોડીઓને નિર્દિષ્ટ કરવામાં આવી છે જ્યારે બાકીની ઇન્ટ્રા રેલવે (ટૂંકા અંતરની) છે.

આ પાર્સલ વિશેષ ટ્રેનો માટેના કેટલાક લાંબા અંતર નીચે મુજબ છે:

1. કલ્યાણ – સંતરાગાચી
2. કલ્યાણ – ચાંગસરી
3. નવી દિલ્હી– ચેન્નાઈ
4. સાલેમ – ભટીંડા
5. સાલેમ – હિસ્સાર
6. યેશવંતપુર– હઝરત નિઝામુદ્દીન
7. યેશવંતપુર– હાવડા
8. યેશવંતપુર– ગોરખપુર
9. યેશવંતપુર– ગુવાહાટી
10. અમદાવાદ – ગુવાહાટી
11. કારાંબેલી– ચાંગસરી
12. કાંકરિયા – સંકરેલ

આ ટ્રેનોના માધ્યમથી પાર્સલ પહોંચાડવાની સુવિધા કોઇપણ વ્યક્તિ અથવા કંપની દ્વારા ઉઠાવી શકાય છે. ઉપલબ્ધ પ્રવાહો અનુસાર નીચેનો માલસામાન સમગ્ર દેશના ખૂણાઓમાં પહોંચાડવામાં આવી રહ્યો છે:

1. નાશ પામે તેવી વસ્તુઓ (ઈંડા, ફળો, શાકભાજીઓ, માછલીસહીત)
2. દવાઓ, દવાના સાધનો, માસ્ક
3. દૂધ અને દૂધના ઉત્પાદનો
4. બિયારણ (કૃષિના ઉપયોગ માટે)
5. અન્ય સામાન્ય વસ્તુઓ જેવી કે ઈ-કોમર્સ કન્સાઈન્મેન્ટ, પેકેજીંગવાળા ખાદ્યાન્ન પદાર્થો, પુસ્તકો, સ્ટેશનરી, પેકિંગ સામગ્રી વગેરે.
6. ટ્રેનોને અનુકુળ હોય તેવા તમામ સ્ટેશનો ઉપર રોકાણ સ્ટોપેજ આપવામાં આવી રહ્યું છે જેથી કરીને મહત્તમ શક્ય હોય તેટલું પાર્સલ કલીયરન્સ કરી શકાય.તમામ ઝોનલ રેલવે મુખ્ય સમાચાર પત્રોમાં આ ટ્રેનોના સમયપત્રક છાપી રહી છે. આ ઉપરાંત, નિયમિત ગ્રાહકો અને સરકારી સંસ્થાઓને પણ સંપર્ક કરવામાં આવી રહ્યો છે.

RP

*****