সমগ্ৰ দেশতে খাদ্যবস্তুৰ যোগান শৃংখলা অধিক শক্তিশালী কৰি তোলাৰ উদ্দেশ্য ভাৰতীয় ৰে’লৱেই সমগ্ৰ দেশতেই অত্যাৱশ্যকীয় সামগ্ৰীৰ লগতে অন্যান্য পণ্যদ্ৰৱ্য পৰিবহন কৰিবৰ বাবে সময়সূচীভুক্ত মালবাহী ৰে’লৰ অনবদ্য পৰিবহন সেৱা আৰম্ভ কৰিছে। আশা কৰা হৈছে, এই পদক্ষেপে দেশৰ সৰ্বসাধাৰণ ৰাইজ, উদ্যোগ আৰু কৃষিক্ষেত্ৰৰ বাবে প্ৰয়োজনীয় অত্যাৱশ্যকীয় সামগ্ৰীৰ উপলব্ধতা পূৰণ কৰিবলৈ সক্ষম হ’ব।

লকডাউন আৰম্ভ হোৱাৰ পৰাই আনুমানিক ৫৮ টা ৰে’লপথ (১০৯ খন ৰে’ল) বিশেষ মালবাহী ৰে’লৰ চলাচলৰ বাবে সাজু কৰা হৈছে। উল্লেখ্য যে ৫ এপ্ৰিল, ২০২০ তাৰিখলৈ মুঠ ২৭ টা পথত এই ৰে’লসমূহে চলাচল কৰিছিল, ইয়াৰ ভিতৰত ১৭ টা পথ নিয়মিত সূচীভুক্ত সেৱাৰ বাবে ব্যৱহৃত হৈছিল। ইফালে বাকীকেইটা ৰে’লপথ কেৱল একক যাত্ৰাৰ বাবেহে ব্যৱহাৰ কৰা হৈছিল। তাৰ সমান্তৰালকৈ ৪০ টা নতুন ৰে’লপথ চিনাক্ত কৰা হৈছে আৰু ব্যৱহাৰৰ বাবে সাজু কৰা হৈছে। কিছুসংখ্যক পূৰ্বৰ পথত ৰে’ল চলাচল অধিক কৰি তোলা হৈছে। ইয়াৰ ফলত ভাৰতৰ প্ৰায় আটাইবোৰ গুৰুত্বপূৰ্ণ চহৰকে ক্ষীপ্ৰতাৰে অত্যাৱশ্যকীয় সামগ্ৰীৰ পৰিৱহনেৰে সংযোজিত কৰা হ’ব। উল্লেখ্য যে এই সেৱাসমূহ পৰৱৰ্তী পৰ্যায়ত আৰু বৃদ্ধি কৰাৰ সম্ভাৱনা আছে।

সময়সূচীভুক্ত মালবাহী ৰে’লসমূহৰ যাত্ৰা গ্ৰাহকৰ চাহিদা অনুসৰিহে সাজু কৰা হয়। এই সময়সূচীভুক্ত মালবাহী ৰে’লসমূহে গদেশৰ বিভিন্ন গুৰুত্বপূৰণ ক’ৰিড’ৰ যেনে দিল্লী, মুম্বাই, কলকাতা, চেন্নাই, হায়দৰাবাদ আৰু বেঙ্গালুৰুৰ সৈতে সংযোজিত হয়। ইয়াৰ উপৰিও, গুৱাহাটীলৈ সঠিক সংযোজন সুনিশ্চিত কৰা হয়, যাতে দেশৰ উত্তৰ-পূৱ প্ৰান্তলৈ পৰ্যাপ্ত পৰিমাণৰ যোগান সুনিশ্চিত কৰিব পাৰি।

এই ৰে’লসমূহে সংযোজন কৰা অন্যান্য গুৰুত্বপূৰ্ণ চহৰসমূহ ক্ৰমে ভূপাল, আহমেদাবাদ, এলাহাবাদ,  দেৰাডুন, বাৰাণসী, বদোদৰা, ৰাঁচী, গোৰখপুৰ, থিৰুৱনন্তপুৰম, ছালেম, ৱাৰাঙ্গল, বিজয়ৱাড়া, বিশাখাপট্টনম, ৰুৰকেল্লা, বিলাসপুৰ, ভুছাৱল, টাটানগৰ, জয়পুৰ, ঝাঞ্চী, আগ্ৰা, নাছিক, নাগপুৰ, আকোলা, জালগাওঁ, ছুৰাট, পুনে, ৰাইপুৰ, পাটনা, আছাঞ্চল, কাণপুৰ, জয়পুৰ, বিকানীৰ, আজমীৰ, গোৱালিয়ৰ, মথুৰা, নেলোৰ, জবলপুৰ ইত্যাদি।

এই সময়ছোৱাত ভাৰতীয় ৰে’লৱেই অন্যান্য মালবাহী ৰে’লসমূহো গ্ৰাহকৰ চাহিদা সাপেক্ষে সক্ৰিয় কৰি তুলিছে, তাৰ ভিতৰত আছে -

ক) পালনপুৰ (গুজৰাট)ৰ পৰা পালৱাল (দিল্লীৰ সমীপত)লৈ আপু ৰেনিগুণ্টা (অন্ধ্ৰপ্ৰদেশ) ৰ পৰা দিল্লীলৈ ‘গাখীৰ বিশেষ বা মিল্ক স্পেচিয়েলছ’

খ) কংকাৰিয়া (গুজৰাট)ৰ পৰা কাণপুৰ আৰু সংক্ৰাইল (কলকাতাৰ সমীপত)লৈ দুগ্ধজাত সামগ্ৰী

গ) পঞ্জাৱৰ মোগাৰ পৰা অসমৰ চাংসাৰিলৈ খাদ্য সামগ্ৰী

উল্লেখ্য যে যিবোৰ স্থানত চাহিদা কম আছে, সেইবোৰ স্থানৰ মাজেৰেও এই সময়সূচীৰ মালবাহী ৰে’লবোৰ চলাচল কৰিছে, যাতে দেশৰ কোনো প্ৰান্তই বা কোনোটো স্থানেই অসংযোজিত হৈ থাকিব নালাগে। কিছুমান ৰেল কেৱল দুখনকৈ মালবাহী ভান বা এখন মালবাহী ভান আৰু ব্ৰেক ভানৰ সৈতে চলি আছে।

ক’ভিড-১৯ মহামাৰীৰ পৰিপ্ৰেক্ষিতত নিম্নোল্লিখিত মণ্ডলসমূহত এইসমূহ মালবাহী ৰে’লৰ চলাচল আৰম্ভ কৰা হৈছে -

(এই তথ্যখিনি ৮ এপ্ৰিলৰ পুৱা পৰ্যন্ত, আৰু অনুক্ৰমে নিয়মিতভাৱে আপডেট কৰি থকা হ’ব।)

পথসমূহৰ তালিকা

এই পৰ্যন্ত, প্ৰায় ৩২ টা যোৰাৰ বিশেষ মালবাহী ইণ্টাৰ ৰে’লৱে (দীৰ্ঘ দূৰত্বৰ) হিচাপে চিহ্নিত কৰা হৈছে, ইফালে বাকী থকা খিনিক ইণ্ট্ৰা-ৰে’লৱে (কম দূৰত্বৰ) বিশেষ মালবাহী হিচাপে চিহ্নিত কৰা হৈছে।

এই বিশেষ মালবাহীৰ বাবে দীৰ্ঘ দূৰত্বৰ পথসমূহ এনেধৰণৰ:

1) কল্যাণ - চণ্ট্ৰাগাচি

2) কল্যাণ - চাংসাৰি

3) নতুন দিল্লী - চেন্নাই

4) চালেম - ভাটিণ্ডা

5) চালেম - হিশাৰ

6) যশৱন্তপুৰ – হজৰত নিজামুদ্দিন

7) যশৱন্তপুৰ - হাওৰা

8) যশৱন্তপুৰ - গোৰখপুৰ

9) যশৱন্তপুৰ - গুৱাহাটী

10) আহমেদাবাদ - গুৱাহাটী

11) কৰমবেলি - চাংসাৰি

12) কংকাৰিয়া – চংক্ৰাইল

এইসমূহ ৰে’লেৰে মালবাহী পৰিবহন কৰা সুবিধা যিকোনো ব্যক্তি বা প্ৰতিষ্ঠানেই গ্ৰহণ কৰিব পাৰে। সাম্প্ৰতিক পৰিস্থিতি সাপেক্ষে নিম্নোক্ত সামগ্ৰীবোৰ দেশৰ বিভিন্ন প্ৰান্তলৈ ৰে’লযোগে পৰিবহন কৰি থকা হৈছে -

i. সোনকালে ক্ষয় হোৱা খাদ্য সামগ্ৰী (কণী, ফল-মূল, শাক-পাচলি, মাছ ইত্যাদি)

ii. ঔষধ, চিকিৎসাৰ সা-সঁজুলি, মাস্ক

iii. গাখীৰ আৰু দুগ্ধজাত সামগ্ৰী

iv. বীজ (কৃষিকাৰ্যৰ বাবে)

v. অন্যান্য সাধাৰণ পণ্য সামগ্ৰী যেনে ই-কমাৰ্চ কনছাইনমেণ্ট, পেকেটত থকা খাদ্য সামগ্ৰী, কিতাপ, ষ্টেশ্যনাৰী, পেকেটত থকা অন্যান্য সামগ্ৰী ইত্যাদি।

সংশ্লিষ্ট ৰে’লসমূহৰ যাত্ৰাপথত আটাইবোৰ সাম্ভাৱ্য স্থানতে ষ্টপেজ প্ৰদান কৰা হৈছে, যাতে সৰ্বাধিক পৰিমাণৰ মালবাহী ক্লীয়েৰেন্স সম্ভৱ হয়। ইতিমধ্যেই মাণ্ডলিক ৰে’লৱেসমূহে এই ৰে’লবোৰৰ সময়সূচী আগশাৰীৰ বাতৰি কাকতত প্ৰকাশ কৰিছে। ইয়াৰ উপৰিও, নিয়মিত গ্ৰাহক আৰু চৰকাৰী এজেন্সিসমূহৰ সৈতেও যোগাযোগ কৰা হৈছে।

***

SG/MKV/RD