এফ.সি.আই.না লৈবাক অপুনবগী রাজ্যশিংদা পি.এম. গরীব কল্যান য়োজনা (পি.এম.জি.কে.এ.ৱাই.) চৎনহন্নবগীদমক্তা স্তোক মরাং কাইনা থাখ্রে, মদু মথংগী থা অহুমগীদমক্তা মী অমদা থা খুদিংগী চাননবা হৱাই-চেংৱাই কিলোগ্রাম ৫ নেস্নেল ফুদ সেক্যুরিতী এক্ত (এন.এফ.এস.এ.)কী বেনিফিসরী পুম্নমক্তা লেম্না য়েন্থোক্কনি। য়ু.পি., বিহার, তেলঙ্গনা, অসম, হিমাচল প্রদেস, মেঘালয়, সিক্কিম, উত্তরাখন্দ, মহারাস্ত্রা, গুজরাত, হরিয়ানা, কেরলা, মাজোরমগুম্বা রাজ্যশিংনা হান্ননা স্কিম অসিগী মখাদা এফ.সি.আই.দগী হৱাই-চেংৱাই হোনবা হৌখ্রবনি। মথংগী নুমিৎ খরনি অসিদা অতৈ রাজ্যশিংসু পি.এম.জি.কে.এ.ৱাই.গী মখাদা য়েন্থোক্নবগীদমক চাননবা হৱাই-চেংৱাই হোনবা হৌরগনি। এফ.সি.আই.না চোকথবা লৈতনা হোৎনরি অমসুং লোকদাউন মনুং অসিদা লৈবাক অসিগী মফম পুম্নমক্তা চাননবা হৱাই-চেংৱাইগী স্তোক মরাং কাইনা ফংহন্নবা হোৎনরি। হৌখিবা নুমিৎ ১৪নি অসিদা ২৪.০৩.২০২০গী মতুংদগী কোবিদ-১৯ থেংননবা লোকদাউন লাওথোকখিবগা লোইননা এফ.সি.আই.না নুংতিগী চাংচৎতা চাননবা হৱাই-য়েংৱাই মেত্রিক তন লাখ ১.৪৪ থাদোকখি, মসি লোকদাউন মমাংদদি নুংতিগী চাংচৎতা মেত্রিক তন লাখ ০.৮ ওইরম্বনি। ০৬.০৪.২০২০ ফাওবদা চাননবা হৱাই-চেংৱাই চাউরাক্না মেত্রিক তন লাখ ১৮.৪২ পুবা রেক ৬৫৮ লৈবাক অপুনবদা য়ৌহনখ্রে। চাননবা হৱাই-চেংৱাই চাউরাক্না লাখ ১.৭৬ পুননবগীদমক অতোপ্পা রেক ৬৩ ঙসি লোদ তৌরি।

এন.এফ.এস.এ.গী মখাদা চাননবা হৱাই-চেংৱাইগী তঙাইফদবশিং চাং নাইনা মপুং ফাহন্নবগীদমক্তা অমসুং পি.এম.জি.কে.এ.ৱাই.গী মখাদা অহেনবা এলোকেসনগী মথক্তা, এফ.সি.আই.না রাজ্য সরকারশিংদা চাননবা হৱাই-চেংৱাই চাং নাইনা সপ্লাই তৌনবগীদমক ওপন মার্কেৎ সেল রেৎশিংদা ই-ওক্সনগী থোংদা চৎথদনা হকথেংননা গেহু অমসুং চেং ফংহল্লি। গেহুগী আতা অমসুং অতৈ গেহুগী পোৎথোকশিং শাবশিংগী মথৌ তাবশিং মপুং ফাহন্নবগীদমক গেহু অসি মরী লৈনবা দিস্ত্রিক্ত মেজিস্ত্রেৎশিংনা লেপখিবা মমলগী মতুং ইন্না ফংহল্লি। হৌজিক ফাওবদা মোদেল অসিগী মখাদা এফ.সি.আই.না রাজ্য ১৩দা গেহু মেত্রিক তন লাখ ১.৩৮ অমসুং রাজ্য ৮দা চেং মেত্রিক তন লাখ ১.৩২ য়েন্থোকখ্রে।

হায়রিবা মতম অসিগী মনুংদা তৌখিবা লোদ অমসুং অনলোদগী ৱারোলগীদমক মখাগী লিঙ্কশিং অসিদা ক্লিক তৌবীয়ুঃ

১. Statewise details of rakes loaded during lockdown period

২. Statewise details of rakes unloaded during lockdown period