প্রধানমন্ত্রীগী লোইশঙ
প্রধান মন্ত্রী অমসুং ওমানগী সুল্তানগী মরক্তা তেলিফোন্দা ৱারী শানখ্রে
Posted On:
07 APR 2020 5:43PM by PIB Imphal
প্রধান মন্ত্রী শ্রী নরেন্দ্র মোদীনা ওমানগী সুল্তান, হিজ মাজেস্তী হাইথম বিন তারিক্কা লোইননা ঙসি তেলিফোন্দা ৱারী শানখ্রে।
লুচিংবা অনিনা হৌজিক চত্থরিবা কোবিদ-১৯ লাইচৎনা ওইহল্লক্লিবা হকশেল অমসুং শেনমিৎলোনগী শিংনরকপশিং অমসুং মদু থেংননবা মখোয়-মখোয়গী মরী লৈনবা লৈবাকশিংনা লৌখৎলিবা খোংথাংশিংদা খন্ন-নৈনখি। লৈবাক অনিমক্না ক্রাইসিস অসি থেংনবদা অমনা অমদা পাংবা য়াবা তেংবাং পুম্নমক পাংবদসু য়ানখি।
হৌজিক ওইরিবা ফিভম অসিদা ওমানদা লৈরিবা ইন্দিয়ন কম্ম্যুনিতীগী সেফতী অমসুং য়াইফ-থৌরাংগী মতাংদা হিজ মাজেস্তী সুল্তান্না প্রধান মন্ত্রীদা থাজবা পীখি। ভারত্তা লৈরিবা ওমানগী নাগরিকশিংদা ভারত সরকারনা হন্দক্তা তেংবাং ফংহনখিবগীদমক মহাক্না প্রধান মন্ত্রীবু থাগৎপসু ফোংদোকখি।
প্রধান মন্ত্রীনা হিজ মাজেস্তী সুল্তান কাবুসনা লৈখিদবদা মহাক্কী অৱাবা ফোংদোকপগী পাউজেল অমুক হন্না ফোংদোকখি। মহাক্না হিজ মাজেস্তী সুল্তান হাইথমগী লৈবাক ঙাকপা অমসুং ওমানগী প্রজাশিংগী শান্তি অমসুং চাউখৎপগীদমক মহাক্কী ওইবা য়াইফ-পাউজেল পীখি। মহাক্না ফোংদোকখি মদুদি ভারতনা ওমানবু মসিগী মখাতাবা য়ুমলোন্নবগী য়াম্না মরুওইবা শরুক অমগুম লৌরি।
(Release ID: 1612086)
Visitor Counter : 119
Read this release in:
Assamese
,
English
,
Urdu
,
Marathi
,
Hindi
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam