কোরোনা ভাইরস (কোবিদ-১৯) লাইচৎকা মায়োক্ননবগীদমক সিবিল অমসুং পুলিস এদমিস্ত্রেসন্না সেনিয়র দিবিজন নেস্নেল কেদেৎ কোর্প্স (এন.সি.সি.)কী কেদেৎশিংগী সর্বিস শিজিন্নবা হৌখ্রে। মখোয়শিং অদুগী মনুং খরা ঙসিদগী থবক তৌবসু হৌখ্রে। ঙাকশেল মন্ত্রালয়না মমাংগী চয়োলদা ‘এক্সর্সাইজ এন.সি.সি. য়োগদান’গী মখাদা এন.সি.সি. কেদেৎশিংবু মতম খরগী ওইনা থবক পীনবগীদমক অয়াবা পীখি অমসুং মসিগা মরী লৈননা গাইদলাইনশিং ফোংখি। মসিগী কেদেৎশিং অসিনা রাজ্য অমসুং ম্যুনিসিপাল ওথোরিতীশিংদা কোবিদ-১৯গী তেংবাং ফংহনবদা মতেং পাংগনি।

য়ুনিয়ন তেরিতোরী লদাখতা সপ্লাই চেন মেনেজমেন্ততা কেদেৎ নিপান হাপখি। মধ্য প্রদেশ অমসুং ছত্তীসগর দাইরেক্তোরেৎকী পুলিস সুপরিন্তেন্দেন্ত, নিমচতা সপ্লাই চেন অমসুং ত্রাফিক মেনেজমেন্ততা কেদেৎ ২৪৫ হাপখি মদুদা সেনিয়র দিবিজন গী কেদেৎ পুন্না ৬৪ য়াওই। মসিগী মনুংদা তরেৎ নুপী কেদেৎশিংনি। বিলাস্পুরগী কলেক্তরনা এন.সি.সি.গী ভোলুন্তীয়র কেদেৎশিংদা কোবিদ-১৯দগী ঙাকথোক্নবা পাম্বৈশিংগী ত্রেনিং পীনবা হায়জখি। হায়রিবা কেদেৎশিং অসি মরী লৈনবা থবক্কীদমক্তা ত্রেনিং পীরি।

কাংগরা জিলাগী দিপুতী কমিস্নরনা শহরগী তোঙান তোঙানবা মফমশিংদা এপ্রিল ০৬তগী এপ্রিল ১৪, ২০২০ ফাওবা সোসিয়েল দিস্তেন্সিং ঙাক্না থম্বদা পুলিসকী মতেং পাংনবগীদমক পঞ্জাব, হরিয়ানা, হিমাচল প্রদেস অমসুং চন্দীগর (পি.ঐচ.ঐচ.পি.সি.) দাইরেক্তোরেৎতা কেদেৎ ৮৬ ফংহনখ্রে।

তমিল নাদুদা কাঞ্চীপুরমগী জিলা পুলিসনা কোবিদ-১৯গা মায়োক্ননবা এন.সি.সি. কেদেৎকী সর্বিসশিংগীদমক দিস্ত্রিক্ত নোদল ওফিসরদা হায়জখি। নুপী কেদেৎ অনি য়াওনা পুন্না ৫৭ সর্বিসকীদমক্তা থমখ্রে। তমিল নাদু, পুদুচেরী অমসুং অন্দমান নিকোবর দাইরেক্তোরেৎতগী কেদেৎ ৭৫ তমিল নাদুদা অদুগী কেদেৎ ৫৭না পুদুচেরীদা মখোয়গী মথৌশিং পাংথোক্লি।

উত্তর প্রদেশকী বলরামপুর দিস্ত্রিক্ত এদমিনিস্তত্রেসন্না এন.সি.সি. গ্রুপ হেদক্বাতর গোরখপুরদগী ভোলুন্তিয়র কেদেৎশিং নীখি। মসিগীদমক্তা কেদেৎ খরা হাপখ্রে।

অৱাং নোংপোক লমদম মেঘালয়দা এপ্রিল ০৬-০৮, ২০২০ ফাওবা রেসন য়েন্থোকপা অমসুং সেনিতাইজেসন তৌবা য়েংশিন্নবগীদমক কেদেৎ ৮০ নোংপোক খাসী হিল্স দিস্ত্রিক্ততা মেঘালয় পুলিসকী মতেং পাংলি।

কেদেৎশিংদা হেল্পলাইন অমসুং কোল সেন্তরশিংগী মতেং পাংবা, তেংবাংগী পোৎলমশিং, হিদাক-লাংথক, চান-থক্নবা অমসুং তঙাইফদবা পোৎলমশিং য়েন্থোকপা, কাংলুপকী মতেং পাংবা, দেতা শিল-লাংবা, ক্যু শিল-লাংবা লোইননা চৎথোক-চৎশি শিল-লাংবা অমসুং সি.সি.তি.ভি. কন্ত্রোল রুমদা থবক তৌবগা মরী লৈনবা থবকশিং শিন্নখি।

এম্প্লোইমেন্ত গাইদলাইনশিংগী মতুং ইন্না রাজ্য সরকার/য়ুনিয়ন তেরিতোরীশিংনা ভোলুন্তীয়র এন.সি.সি. কেদেৎশিং খন্নবগীদমক রাজ্যগী এন.সি.সি. দাইরেক্তোরেৎগী থোংদা রিকুইসিসন থাবা য়াই। মদুগী ৱারোল অদু দাইরেক্তোরেৎ/গ্রুপ হেদক্বাতর/য়ুনিৎকী থাক্তা রাজ্য সরকার/লোকেল সিবিল ওথোরিতীগা লোইননা পুন্না খন্নমিন্নগনি। কেদেৎশিং অদুদা দ্যুতীদা থাদ্রিঙৈগী মমাংদা মফমদুগী ফিভম অমসুং মথৌ তাবশিংগী মরমদা খঙহনগনি।