ಜೆ.ಎನ್.ಸಿ.ಎ.ಎಸ್.ಆರ್. ನಿಂದ ಇನ್ ಪ್ಲ್ಯುಯೆಂಜಾ ಮತ್ತು ಕೋವಿಡ್ -19 ವೈರಸ್ ಹರಡುವಿಕೆ ನಿರ್ಬಂಧಿಸುವ ಬಹುಮುಖಿ ಕೋಟಿಂಗ್ ಅಭಿವೃದ್ದಿ

“ನಮ್ಮ ಸಂಶೋಧನಾ ಸಂಸ್ಥೆಗಳು ತಮ್ಮ ಜ್ಞಾನವನ್ನು ಸವಾಲಿನ ಮತ್ತು ಉಪಯುಕ್ತ ಆನ್ವಯಿಕ ಕಾರ್ಯಗಳಿಗೆ ಬಳಸುತ್ತಿವೆ. ಜೆ.ಎನ್.ಸಿ.ಎ.ಎಸ್.ಆರ್. ನ ಈ ಉತ್ಪಾದನೆ ಅದಕ್ಕೆ ಒಂದು ಉದಾಹರಣೆ” – ಪ್ರೊ. ಅಶುತೋಷ್ ಶರ್ಮಾ, ಕಾರ್ಯದರ್ಶಿ, ಡಿ.ಎಸ್.ಟಿ.

ಈ ತಂತ್ರಜ್ಞಾನ ಬಹಳ ಸರಳವಾಗಿದೆ ಮತ್ತು ಇದರ ಅಭಿವೃದ್ದಿಗೆ ಕೌಶಲ್ಯಯುತ ಸಿಬ್ಬಂದಿ ಬೇಕಾಗಿಲ್ಲ,

ಇದನ್ನು ಕೋವಿಡ್ -19 ವಿರುದ್ದ ಈಗಾಗಲೇ ಪರೀಕ್ಷೆಗೆ ಒಳಪಡಿಸಲಾಗುತ್ತಿದೆ

ಸೂಕ್ಷ್ಮಾಣು ನಿರೋಧಕ ಮೇಲ್ಮೈ ಲೇಪನವನ್ನು ಬೆಂಗಳೂರಿನ ಜವಾಹರಲಾಲ್ ಆಧುನಿಕ ವೈಜ್ಞಾನಿಕ ಸಂಶೋಧನಾ ಕೇಂದ್ರವು (ಜೆ.ಎನ್.ಸಿ.ಎ.ಎಸ್.ಆರ್.) ಅಭಿವೃದ್ದಿ ಮಾಡಿದೆ. ವಿಜ್ಞಾನ ಮತ್ತು ತಂತ್ರಜ್ಞಾನ (ಡಿ.ಎಸ್.ಟಿ.) ಅಡಿಯಲ್ಲಿ ಕಾರ್ಯನಿರ್ವಹಿಸುವ ಸ್ವಾಯತ್ತ ಸಂಸ್ಥೆಯಾದ ಇದು ಶ್ವಾಸಕೋಶದ ಸೋಂಕು ತರುವ ಮಾರಕ ಇನ್ ಪ್ಲುಯೆಂಜಾ ವೈರಸ್ ಪ್ರಸಾರವನ್ನು ತಡೆಯುವ ನಿಟ್ಟಿನಲ್ಲಿ ಅತ್ಯುತ್ತಮ ಪರಿಹಾರವೊಂದನ್ನು ಒದಗಿಸಿದೆ. ಅದು ಇನ್ ಪ್ಲುಯೆಂಜಾ ವೈರಸ್ ಗಳನ್ನು ನಿಷ್ಕ್ರಿಯಗೊಳಿಸುವಲ್ಲಿ ಯಶಸ್ವಿಯಾಗಿದೆ. ಈ ಮೇಲ್ಮೈ ಲೇಪನವನ್ನು ದೇಶದ ಕೋವಿಡ್ -19 ರ ವಿರುದ್ದದ ಹೋರಾಟಕ್ಕಾಗಿ ಇನ್ನಷ್ಟು ಅಭಿವೃದ್ದಿ ಮಾಡಲು ಡಿ.ಎಸ್.ಟಿ. ಯ ಘಟಕವಾಗಿರುವ ವಿಜ್ಞಾನ ಮತ್ತು ಇಂಜಿನಿಯರಿಂಗ್ ಸಂಶೋಧನಾ ಮಂಡಳಿ ಬೆಂಬಲ ನೀಡುತ್ತಿದೆ.

ಇನ್ ಪ್ಲುಯೆಂಜಾ ವೈರಸ್ ಗಳನ್ನು ಶೇಖಡಾ 100 ರಷ್ಟು ನಾಶ ಮಾಡುವ ಇದರ ದಕ್ಷತೆ ಸಾಬೀತಾಗಿದೆ ಮತ್ತು ಅದು ಕೋವಿಡ್ -19 ವೈರಸನ್ನು ನಾಶ ಮಾಡುವ ಸಾಮರ್ಥ್ಯ ಹೊಂದಿರುವ ಸಾಧ್ಯತೆಯೂ ಇದೆ. ತಂತ್ರಜ್ಞಾನ ಸರಳವಾಗಿದ್ದು, ಮತ್ತು ಇದರ ಅಭಿವೃದ್ದಿಗೆ ಕೌಶಲ್ಯಯುಕ್ತ ಸಿಬ್ಬಂದಿಗಳ ಆವಶ್ಯಕತೆ ಇಲ್ಲ, ಅದು ಈಗಾಗಲೇ ಕೋವಿಡ್ -19 ರ ವಿರುದ್ದ ಪರೀಕ್ಷಾರ್ಥ ಪ್ರಯೋಗಿಸಲ್ಪಟ್ಟಿದೆ. ಇದು ಸಕ್ರಿಯ ಪರಿಹಾರ ಎಂಬುದು ಸಾಬೀತಾದರೆ ಹಲವಾರು ಪಿ.ಪಿ.ಇ.ಗಳಾದ ವೈದ್ಯರು ಮತ್ತು ದಾದಿಯರು ಬಳಸುವ ಮುಖಗವಸುಗಳು, ಗೌನ್ ಗಳು, ಗ್ಲೋವ್ ಗಳು, ಮುಖ ರಕ್ಷಣಾ ಸಾಧನಗಳಿಗೆ ಇದರ ಲೇಪನ ಬಳಸುವುದರಿಂದ ಅವರಿಗೆ ಇನ್ನಷ್ಟು ಹೆಚ್ಚಿನ ರಕ್ಷಣೆ ಮತ್ತು ಸುರಕ್ಷೆ ಲಭಿಸಲಿದೆ. ಇದು ಅವರಿಗೆ ಕೋವಿಡ್ -19 ರ ವಿರುದ್ದ ಹೆಚ್ಚು ದಕ್ಷತೆಯಿಂದ ಹೋರಾಟ ಮಾಡಲು ಸಹಾಯ ಮಾಡುತ್ತದೆ.

“ಇದು ಬಹಳ ಹೃದಯಸ್ಪರ್ಶಿ ಸಂಗತಿ. ನಮ್ಮ ಉತ್ತಮ ಸಂಶೋಧನಾ ಸಂಸ್ಥೆಗಳು ಜಾಗತಿಕವಾಗಿ ಮೂಲವಿಜ್ಞಾನಗಳಲ್ಲಿ ಆಳವಾದ ಜ್ಞಾನ ಹೊಂದಿರುವ ಸಂಸ್ಥೆಗಳೆಂದು ಮನ್ನಣೆ ಪಡೆದಿವೆ ಮತ್ತು ಅವು ತಮ್ಮ ಜ್ಞಾನವನ್ನು ಸವಾಲಿನ ಹಾಗು ಉಪಯುಕ್ತ ಕಾರ್ಯಗಳಿಗೆ ಅನ್ವಯಿಸುತ್ತಿವೆ. ಜೆ.ಎನ್.ಸಿ.ಎ.ಎಸ್.ಆರ್. ನ ಈ ಉತ್ಪಾದನೆ ಇದಕ್ಕೆ ಒಂದು ಉತ್ತಮ ಉದಾಹರಣೆ. ನಾವು ಇದರ ಉತ್ಪಾದನೆಯಲ್ಲಿ ಕೈಗಾರಿಕೆಗಳಿಂದ ಸಾಕಷ್ಟು ಸಹಾಯ ಪಡೆದು ಇನ್ನಷ್ಟು ಯಶೋಗಾಥೆ ಬರೆಯುವ ಬಗ್ಗೆ ನನಗೆ ಸಂಶಯ ಇಲ್ಲ” ಎಂದು ಡಿ.ಎಸ್.ಟಿ. ಕಾರ್ಯದರ್ಶಿ ಪ್ರೊ. ಅಶುತೋಷ್ ಶರ್ಮಾ ಹೇಳಿದ್ದಾರೆ.

ಈ ತಂತ್ರಜ್ಞಾನವನ್ನು ಜೆ.ಎನ್.ಸಿ.ಎ.ಎಸ್.ಆರ್. ನಲ್ಲಿರುವ ಪ್ರೊ. ಜಯಂತ್ ಹಲ್ದಾರ್ ಅವರ ತಂಡ ಅಭಿವೃದ್ದಿಪಡಿಸಿದೆ. ಶ್ರೀ ಶ್ರಿಯಾನ್ ಘೋಷ್, ಡಾ. ರಿಯಾ ಮುಖರ್ಜಿ ಮತ್ತು ಡಾ. ದೇವಜ್ಯೋತಿ ಬಸಾಕ್ ಈ ತಂಡದಲ್ಲಿದ್ದಾರೆ. ಕೋಟಿಂಗ್ ಗಾಗಿ ವಿಜ್ಞಾನಿಗಳು ತಯಾರಿಸಿರುವ ಸಂಯುಕ್ತ ವಸ್ತು ನೀರು, ಎಥೆನಾಲ್, ಮೆಥೆನಾಲ್, ಮತ್ತು ಕ್ಲೋರೋಫಾರಂಗಳಲ್ಲಿ ಕರಗುವ ಗುಣವನ್ನು ಹೊಂದಿದೆ. ಈ ಸಂಯುಕ್ತ ವಸ್ತುವಿನ ನೀರಿನ ದ್ರಾವಣ ಅಥವಾ ಸಾವಯವ ದ್ರಾವಣಗಳನ್ನು ನಿತ್ಯ ಜೀವನದಲ್ಲಿ ಬಳಸುವ ಮತ್ತು ವೈದ್ಯಕೀಯ ಮಹತ್ವದ ವಸ್ತುಗಳಾದ ಬಟ್ಟೆಗಳು, ಪ್ಲಾಸ್ಟಿಕ್, ಪಿ.ವಿ.ಸಿ., ಪಾಲಿಯುರೇಥೀನ್, ಪಾಲಿಸ್ಟೈರಿನ್ ಗಳ ಮೇಲೆ ಒಂದೇ ಹಂತದಲ್ಲಿ ಬಳಸಬಹುದು. ಈ ಕೋಟಿಂಗ್ ಇನಫ್ಲ್ಯುಯೆಂಜಾ ವೈರಸ್ ಸಂಪರ್ಕಕ್ಕೆ ಬಂದ 30 ನಿಮಿಷಗಳಲ್ಲಿ ಅದನ್ನು ನಿರ್ನಾಮ ಮಾಡಿ ಅದರ ವಿರುದ್ದ ಅತ್ಯುತ್ತಮ ವೈರಸ್ ನಿರೋಧಕ ಗುಣವನ್ನು ತೋರಿಸುತ್ತದೆ. ಅದು ರೋಗಕಾರಕ ಬ್ಯಾಕ್ಟೀರಿಯಾಗಳ ಕೋಶಾವರಣವನ್ನು ದ್ವಂಸ ಮಾಡಿ ಅವುಗಳ ಸಾವಿಗೆ ಕಾರಣವಾಗುತ್ತದೆ.

ಸಂಶೋಧನೆಯಲ್ಲಿ ಇದನ್ನು ಬಳಸಲಾದ ವಸ್ತುಗಳ ಮೇಲ್ಮೈಯಲ್ಲಿಯ ಅನೇಕ ಔಷಧಿ ನಿರೋಧಕ ಬ್ಯಾಕ್ಟೀರಿಯಾಗಳು ಮತ್ತು ಮೆಥಿಸಿಲಿನ್ ನಿರೋಧಿ ಎಸ್. ಒರೇಸ್ (ಎಂ.ಆರ್.ಎಸ್.ಎ.) ಮತ್ತು ಫ್ಲುಕೊನಜೋಲ್ ನಿರೋಧಿ ಸಿ. ಆಲ್ಬಿಕ್ಯಾನ್ಸ್ ಸ್ಯಾಪ್ ಗಳೂ ಅನುಕ್ರಮವಾಗಿ ಸಂಪೂರ್ಣ ನಾಶವಾಗಿರುವುದು ಕಂಡು ಬಂದಿದೆ. ಇವುಗಳಲ್ಲಿ ಬಹುಪಾಲು 30 ರಿಂದ 45 ನಿಮಿಷಗಳಲ್ಲಿ ನಾಶವಾಗಿವೆ. ಆ ಮೂಲಕ ತ್ವರಿತ ಸೂಕ್ಷ್ಮಾಣು ಜೀವಿ ನಾಶ ಕ್ರಿಯೆಯನ್ನು ಅದು ಜರುಗಿಸಿದೆ. ಈ ಸಂಯುಕ್ತವನ್ನು ಲೇಪಿಸಿದ ಹತ್ತಿಯ ಹಾಳೆಗಳ ಮೇಲಿನ ಒಂದು ಮಿಲಿಯನ್ನಿಗೂ ಅಧಿಕ ಬ್ಯಾಕ್ಟೀರಿಯಾ ಕೋಶಗಳು ಸಂಪೂರ್ಣವಾಗಿ ನಾಶವಾಗಿವೆ.

ಇದರ ಅಣುಬಂಧವನ್ನು ವ್ಯಾಪಕ ವ್ಯಾಪ್ತಿಯ ದ್ರಾವಕಗಳಲ್ಲಿ ಯಥೋಚಿತ ಪ್ರಮಾಣದಲ್ಲಿ ಕರಗುವಂತೆ ವಿನ್ಯಾಸಗೊಳಿಸಲಾಗಿದೆ. ಮೂರರಿಂದ ನಾಲ್ಕು ಹಂತಗಳಲ್ಲಿ ಕಡಿಮೆ ವೆಚ್ಚದಲ್ಲಿ ಇವುಗಳನ್ನು ತಯಾರಿಸಬಹುದಾಗಿದೆ ಮತ್ತು ಇವು ಉತ್ತಮ ಫಲಿತಾಂಶ ನೀಡಬಲ್ಲವು ಹಾಗು ಮೇಲ್ಮೈಯನ್ನು ಶುದ್ದೀಕರಿಸಬಲ್ಲವು. ಜೊತೆಗೆ ಲೇಪನವನ್ನು ಬೇರೆ ಬೇರೆ ವಸ್ತುಗಳ ಮೇಲ್ಮೈ ಮೇಲೆ ಸುಲಭದಲ್ಲಿ ಮತ್ತು ಸರಳವಾಗಿ ಬಳಸಬಹುದಾಗಿದ್ದು, ಇದರ ಅಭಿವೃದ್ದಿಗೆ ಕೌಶಲ್ಯಯುಕ್ತ ಸಿಬ್ಬಂದಿಗಳ ಆವಶ್ಯಕತೆ ಇಲ್ಲ.

(ಹೆಚ್ಚಿನ ವಿವರಗಳಿಗಾಗಿ ಸಂಪರ್ಕಿಸಿ ಡಾ. ಜಯಂತ ಹಾಲ್ದಾರ್ ,

jayanta@jncasr.ac.in, jayanta.jnc[at]gmail[dot]com ಮೊಬೈಲ್ : 9449019745)

***