ରେଳ ମନ୍ତ୍ରଣାଳୟ
ଲକଡାଉନ କାଳରେ ଶକ୍ତି, ପରିବହନ ଓ ଅନ୍ୟାନ୍ୟ ଭିତ୍ତିଭୂମିକୁ ଭାରତୀୟ ରେଳବାଇ ପକ୍ଷରୁ ଯୋଗାଣ କାର୍ଯ୍ୟ ପୁରା ଦମରେ
• ଗତମାସ 23 ତାରିଖରୁ ଚଳିତ ମାସ 3 ତାରିଖ ମଧ୍ୟରେ ରେଳବାଇ ପରିବହନ କରିଛି 2.50 ଲକ୍ଷ ୱାଗନ କୋଇଲା ଓ 17,742 ୱାଗନ ପେଟ୍ରୋଲ ଜାତ ସାମଗ୍ରୀ
• ଲକଡାଉନ କାଳରେ ନିରବଚ୍ଛିନ୍ନ ଯୋଗାଣ ଯୋଗୁଁ ସମସ୍ତ ଶକ୍ତି ଉତ୍ପାଦନକାରୀ ଓ ପେଟ୍ରୋଲ ଡିପୋ ନିକଟରେ କଞ୍ଚାମାଲ ମହଜୁଦ
• ସମସ୍ତ ବାଧାବିଘ୍ନ ସତ୍ଵେ ରେଳବାଇ କର୍ମଚାରୀଙ୍କ ଅନବରତ ଉଦ୍ୟମ ଜାରି
Posted On:
04 APR 2020 4:47PM by PIB Bhubaneshwar
କୋଭିଡ-19 ଲକଡାଉନ କାଳରେ ଭାରତୀୟ ରେଳବାଇ ଶକ୍ତି, ପରିବହନ ଓ ଅନ୍ୟାନ୍ୟ ପ୍ରମୁଖ ଭିତ୍ତିଭୂମି କ୍ଷେତ୍ରରେ କଞ୍ଚାମାଲ ଜାରି ଅବ୍ୟାହତ ରଖିଛି । ରେଳବାଇର ବିଭିନ୍ନ ଗୋଦାମ, ଷ୍ଟେସନ ଓ ନିୟନ୍ତ୍ରଣଗାରରେ ନିୟୋଜିତ କର୍ମଚାରୀମାନେ ଗଭୀର ନିଷ୍ଠାର ସହ ଦାଇତ୍ଵ ତୁଲାଇ ଅତ୍ୟାବଶ୍ୟକ ସେବାକୁ ବଳବତ୍ତର ରଖିପାରିଛନ୍ତି ।
ଲକଡାଉନ ସତ୍ଵେ ରେଳବାଇର ନିରବଚ୍ଛିନ୍ନ ଉଦ୍ୟମ ଯୋଗୁଁ ସମସ୍ତ ଶକ୍ତି କେନ୍ଦ୍ର ଓ ପେଟ୍ରୋଲିୟମ ଡିପୋରେ କଞ୍ଚାମାଲ ମହଜୁଦ ରହିପାରିଛି । ଗତମାସ 23 ତାରିଖରୁ ଆରମ୍ଭ କରି ଚଳିତମାସ 3 ତାରିଖ ପର୍ଯ୍ୟନ୍ତ 12 ଦିନ ମଧ୍ୟରେ ରେଳବାଇ ପ୍ରାୟ 2.50 ୱାଗନ କୋଇଲା ଏବଂ 17,742 ୱାଗନ ପେଟ୍ରୋଲ ଜାତ ଦ୍ରବ୍ୟ (ଗୋଟିଏ ୱାଗନରେ ପ୍ରାୟ 58-60 ଟନ ପର୍ଯ୍ୟନ୍ତ କଞ୍ଚାମାଲ ରହିଥାଏ) ପରିବହନ କରିପାରିଛି । ନିରବଚ୍ଛିନ୍ନ କଞ୍ଚାମାଲର ସୁପରିଚାଳନା ଏବଂ ଅନ୍ୟାନ୍ୟ ଅତ୍ୟାବଶ୍ୟକ ସାମଗ୍ରୀର ଯୋଗାଣ ପାଇଁ ରେଳ ମନ୍ତ୍ରଣାଳୟ ପକ୍ଷରୁ ଏକ ଜରୁରିକାଳୀନ ମାଲ ପରିବହନ ନିୟନ୍ତ୍ରଣ କକ୍ଷ ଖୋଲା ଯାଇଛି । ମନ୍ତ୍ରଣାଳୟର ବରିଷ୍ଠ ଅଧିକାରୀମାନେ ଏହାର ଗତିବିଧି ଉପରେ ତୀକ୍ଷ୍ନ ନଜର ରଖିଛନ୍ତି । ମାଲ ବୋଝେଇ ଓ ଖଲାସ କ୍ଷେତ୍ରରେ ଆଗରୁ ରହିଥିବା ତ୍ରୁଟି ବିଚ୍ୟୁତି ଇତି ମଧ୍ୟରେ ସୁଧାର କରାଯାଇଛି । ରେଳ ମନ୍ତ୍ରଣାଳୟ ସ୍ଵରାଷ୍ଟ୍ର ମନ୍ତ୍ରଣାଳୟ ସହ ମିଶି ପରିବହନ ସଂକ୍ରାନ୍ତ ସମସ୍ୟାର ଆଶୁ ସମାଧାନ ପାଇଁ ରାଜ୍ୟ ସରକାରଗୁଡିକ ସହିତ ଯୋଗସୂତ୍ର ରକ୍ଷା କରୁଛନ୍ତି ।
**********
(Release ID: 1611105)
Visitor Counter : 174