కోవిడ్-19 వైరస్ ప్రపంచవ్యాప్తంగా చాల వేగంగా వ్యాపించింది, ఈ సంక్షోభాన్ని ప్రపంచ ఆరోగ్య సంస్థ ఒక మహమ్మారిగా పేర్కొంది. తగిన కెమోథెరపీటిక్ సౌకర్యం, సమర్థవంతమైన వ్యాక్సిన్ లభ్యత లేకపోవడం వల్ల ప్రస్తుత కరోనా వైరస్ వ్యాప్తికి ప్రపంచ జనాభా తీవ్రంగా దెబ్బతింది. భారతదేశంలో కోవిడ్ -19 ఇన్ఫెక్షన్ల ప్రభావం ఎక్కువవ్వడం వల్ల, శాస్త్ర సాంకేతిక విభాగం - సైన్స్ అండ్ ఇంజనీరింగ్ బోర్డ్ (డిఎస్టి-ఎస్ఇఆర్బి) ఈ మహమ్మారిని ఎదుర్కోడానికి జాతీయ స్థాయిలో పరిశోధన అభివృద్ధి చర్యలను అత్యవసరంగా పెంచడానికి అనేక ప్రత్యేక పరిశోధన ప్రాజెక్టులకు పిలుపునిచ్చింది. అయిదు ప్రాజెక్టుల మొదటి సెట్‌ను డిఎస్టి-ఎస్ఈఆర్బి ఎంపిక చేసింది, అమలులోకి తేగలిగే సాంకేతిక పరిజ్ఞానాల అభివృద్ధికి ఇది తోడ్పడుతుంది. 

ఈ మూడు ప్రాజెక్టులలో మూడు ముఖ్యమైన సవాళ్లు  ప్రస్తావనకు వచ్చాయి. ఒకటి, వ్యక్తిగత రక్షణ పరికరాలు (పిపిఇ) వంటి నిర్జీవ ఉపరితలాలుపై  యాంటీవైరల్ మరియు వైరస్టాటిక్ పూత; మరొకటి కోవిడ్-19 సోకిన రోగులలో జీవ కణ ప్రక్రియకు సంబంధించిన మెటాబోలైట్ బయోమార్కర్ల గుర్తింపు, దానితో చికిత్సా లక్ష్యాన్ని తెలుసుకోడానికి  వీలు కలుగుతుంది; చివరిది కరోనావైరస్ యొక్క బాహ్య పొర అయిన  గ్లైకోప్రొటీన్ కి అతికి ఉన్న ముల్లుల్లాంటి ఆకారాలకు ఉండే గ్రాహక స్వభావానికి వ్యతిరేకంగా ప్రతిరోధకాల అభివృద్ధికి సంబంధించినది. 

ఇవీ ఆ ప్రాజెక్టులు: 

కోవిడ్-19 సోకిన రోగుల్లో  గ్లోబల్ మెటాబోలైట్ బయోమార్కర్ల గుర్తింపు, దానితో చికిత్సా లక్ష్యాన్ని గుర్తించడం: 

ఈ ప్రాజెక్టు కోవిడ్-19 సోకిన రోగులలో గ్లోబల్ మెటాబోలైట్ బయోమార్కర్లను గుర్తించే మార్గాలను శోధిస్తుంది. ఇది వైరస్ సంక్రమణకు అవకాశం ఉన్న బయోమార్కర్ ఛాయలను శోధించడానికి,  చికిత్స కోసం కొత్త లక్ష్యాలను గుర్తించడంలో సహాయపడుతుంది.

{వివరాల కోసం ఐఐటి బొంబాయి బయోసైన్సెస్ అండ్ బయో ఇంజనీరింగ్ విభాగాయానికి చెందిన డాక్టర్ సంజీవ శ్రీవాస్తవ ని సంప్రదించవచ్చు (sanjeeva@iitb.ac.in )}

నివారణ మరియు తక్కువ ఖర్చుతో కూడిన యాంటీవైరల్ ప్రయోగాల  కోసం తిరిగి వినియోగపరచగలిగే బహుళ-లక్ష్య వైరిసిడల్ ఏజెంట్లు / ఔషధాలతో క్రియాత్మకమైన నిర్జీవ ఉపరితలాల అభివృద్ధి చేయడం :

తీవ్రమైన శ్వాసకోశ సమస్య -సంబంధిత నొవెల్ కరోనావైరస్, సార్స్-సీఓవి-2  వంటి వ్యాధి కారకాల వల్ల కలిగే అంటు వ్యాధుల నివారణకు ఈ ప్రాజెక్టులో మార్గాలను శోధిస్తారు. శస్త్రచికిత్సా మాస్కుల వంటి ఆరోగ్య సంరక్షణ చర్యలలో ఉపయోగించే నిర్జీవ ఉపరితలాల కోసం వైరిసైడల్ పూతలను అభివృద్ధి చేయడానికి ఇది సహాయపడుతుంది.

{వివరాల కోసం ఐఐటీ కాన్పూర్ రసాయన శాస్త్ర విభాగానికి చెందిన డాక్టర్ నగ్మా ప్రవీణ్ ను (nagma@iitk.ac.in) సంప్రదించవచ్చు}

ఇన్ఫ్లుఎంజా వైరస్ వల్ల కలిగే అంటువ్యాధుల వ్యాప్తిని నివారించడానికి యాంటీవైరల్ ఉపరితల పూతల అభివృద్ధి:

ఉపరితలాలపై అతికి ఉన్న వైరస్ లు ప్రాణాంతక అంటువ్యాధుల వ్యాప్తికి దారితీస్తుండటంతో, చిన్న పరమాణు మరియు పాలిమెరిక్ సమ్మేళనాలను అభివృద్ధి చేయటం  ఈ ప్రతిపాదన లక్ష్యం.  వివిధ ఉపరితలాలపై  వీటిని పూత పూయడంతో  శ్వాసకోశ వైరస్లను స్పర్శలోకి వచ్చిన వెంటనే పూర్తిగా చంపివేస్తాయి.

{వివరాల కోసం జెఎన్‌సిఎఎస్ఆర్, బెంగళూరుకి చెందిన  డాక్టర్ జయంతా హల్దార్ సంప్రదించండి (jayanta@jncasr.ac.in)}

నిర్జీవ ఉపరితలాల పై సూక్ష్మజీవుల ప్రక్షాళన కు తగు మిశ్రమాల అభివృద్ధి :

ఇది వైరస్ కి ప్రతివ్యూహంగా ఉపయోగించబడే పదార్థాన్ని అభివృద్ధి చేయడంలో సహాయపడుతుంది. అంటుకుని వుండే  వైరస్  లేదా బ్యాక్టీరియాను ఊడ్చిపెట్టేలా  ఉపరితలాలను క్రిమిసంహారం చేయడానికి జరిగే ప్రయత్నం ఇది.

{వివరాల కోసం టెక్స్‌టైల్ అండ్ ఫైబర్ ఇంజనీరింగ్ విభాగం, ఐఐటి ఢిల్లీకి చెందిన  డాక్టర్ బి. ఎస్. బుటోలా   ( bsbutola@iitd.ac.in ) సంప్రదించవచ్చు }

యాంటీబాడీ-ఆధారిత కొవ్వు నిరోధక 'సిటు జెల్' ద్వారా 2019-ఎన్ సిఓవి గుర్తించి  క్రియారహితం చేయడం :

కణాన్ని గ్రహించే -ఉపరితల గ్రాహకాన్ని  సిఓవి కి చెందిన స్పైక్ గ్లైకోప్రొటీన్ రిసెప్టర్-బైండింగ్ గుర్తిస్తుంది. ఈ డొమైన్‌కు వ్యతిరేకంగా ప్రతిరోధకాలను అభివృద్ధి చేయడానికి ఈ ప్రాజెక్ట్ సహాయపడుతుంది. జింక్ పెప్టైడేస్ యాంజియోటెన్సిన్-కన్వర్టింగ్ ఎంజైమ్ లు అని వీటి పేరు. ఈ ప్రాజెక్ట్ మరొక లక్ష్యం అసంతృప్త కొవ్వు ఆమ్ల-ఆధారిత ఎమల్షన్‌ను అభివృద్ధి చేయడం. ప్రవేశించే సమయంలోనే వైరస్ ను  నిష్క్రియం చేయడానికి ఇన్-సిటు జెల్స్‌ను లోడ్ చేస్తారు.

{వివరాల కోసం ఐఐటీ  బొంబాయి బియోసైన్సెస్, బయో ఇంజనీరింగ్ శాఖకు చెందిన డాక్టర్ కిరణ్ కొండబాగిల్ ని ( kirankondabagil@iitb.ac.in ) సంప్రదించవచ్చు}

కోవిడ్ -19 ప్రాజెక్టుల ప్రత్యేక నిపుణుల కమిటీ లోతైన సమీక్ష, పరిశీలన తర్వాత ఈ ప్రాజెక్టులను ఎంపిక చేశారు.

డిఎస్టి-ఎస్ఈఆర్బి చేస్తున్న కోవిడ్-19 పరిశోధన అభివృద్ధి ప్రయత్నాలకు సంబంధించిన మరింత సమాచారం కోసం సంప్రదించవలసింది :

సైన్స్ అండ్ ఇంజనీరింగ్ రిసెర్చ్ బోర్డు  కార్యదర్శి ప్రొఫెసర్ సందీప్ వర్మ 

Email: secretary@serb.gov.in}

*****